ప్రస్తుతం తెలుగులో టాప్ హీరోయిన్ అనగానే అందరికీ గుర్తొచ్చే పేరు ‘పూజా హెగ్డే’. పర్ఫెక్ట్ హీరోయిన్ మెటీరియల్ లా ఉండే ఈ కన్నడ బ్యూటీ, మెగా ప్రిన్స్ వరుణ్ తేజ్ నటించిన ‘ముకుందా’ సినిమాతో తెలుగు ఆడియన్స్ కి పరిచయం అయ్యింది. 2014లో టాలీవుడ్ ఎంట్రీ ఇచ్చిన పూజా హెగ్డే, 2016లో బాలీవుడ్ లో ఎంట్రీ ఇస్తూ మొదటి సినిమాలోనే హృతిక్ రోషన్ లాంటి స్టార్ పక్కన నటించే ఛాన్స్ కొట్టేసింది. ‘మొహంజొదారో’ అంటూ రూపొందిన మూవీతో పూజా హెగ్డే బాలీవుడ్ లో సెటిల్ అయిపోతుందని అంతా అనుకున్నారు కానీ ఆ మూవీ డిజాస్టర్ అవ్వడంతో పూజా మళ్లీ సౌత్ వైపు చూడాల్సి వచ్చింది. దాదాపు ఏడాది తర్వాత 2017లో అల్లు అర్జున్, హరీష్ శంకర్ కాంబినేషన్ లో వచ్చిన ‘దువ్వాడ జగన్నాథం’ సినిమాతో పూజా హెగ్డే మంచి గుర్తింపు తెచ్చుకుంది. అతి తక్కువ కాలంలోనే గ్లామర్ క్వీన్ గా పేరు తెచ్చుకోని సౌత్ స్టార్ హీరోస్ తో నటించడం మొదలుపెట్టింది.
ఎన్టీఆర్, రామ్ చరణ్, అల్లు అర్జున్, మహేశ్ బాబులాంటి స్టార్ హీరోలతో నటించిన పూజా హెగ్డే స్టార్ హీరోయిన్ ఇమేజ్ ని సొంతం చేసుకుంది. ముఖ్యంగా 2018 పూజా హెగ్డేకి గోల్డెన్ పీరియడ్ లాంటిది, ఆ ఏడాది రామ్ చరణ్ తో రంగస్థలం సినిమాలో ‘జిగేలు రాణీ’ సాంగ్ ని మాస్ డాన్స్ చేసి యూత్ ని అట్రాక్ట్ చేసింది. ఇదే ఏడాది పూజా, ఎన్టీఆర్ తో ‘అరవింద సమేత వీర రాఘవ’ సినిమా చేసి సూపర్ హిట్ కొట్టింది. 2018 ఇచ్చిన జోష్ లో 2019లో మూడు సినిమాలు చేసిన పూజా హెగ్డే ‘హౌజ్ ఫుల్ 4’ సినిమాతో బాలీవుడ్ లో రీఎంట్రీ ఇచ్చింది. 2020, 2021లో పూజా రెండు హిట్స్ కొట్టింది కానీ తర్వాతే పూజా హెగ్డే కెరీర్ లో కష్టాలు మొదలయ్యాయి. 2022 పూజా హెగ్డే కెరీర్ లోనే బిగ్గెస్ట్ బ్యాడ్ ఫేజ్ అని చెప్పాలి.
2022లో పూజా హెగ్డే పాన్ ఇండియా సినిమాలు చేసింది. ప్రభాస్ తో ‘రాధే శ్యాం’, దళపతి విజయ్ తో ‘బీస్ట్’, చిరు-చరణ్ లతో ‘ఆచార్య’, రణవీర్ సింగ్ తో ‘సర్కస్’ లాంటి భారి బడ్జట్ సినిమాల్లో పూజా హెగ్డే నటించింది కానీ ఇందులో ఒక్క సినిమా కూడా హిట్ టాక్ తెచ్చుకోలేక పోయింది. కొట్లలో నష్టాలు మిగిలించిన ఈ సినిమాలు పూజాకి ఐరన్ లెగ్ ముద్రని తెచ్చాయి. ఆమె ఏ సినిమాలో నటించినా, అది ఫ్లాప్ అవుతుంది అనే విమర్శలు కూడా మొదలయ్యాయి. ఇదే సమయంలో రష్మిక తెలుగు నుంచి సరికొత్త పాన్ ఇండియా హీరోయిన్ అయ్యింది, బ్యాక్ టు బ్యాక్ స్టార్ హీరోల సినిమాల్లో నటిస్తోంది. ఇక పూజా కెరీర్ కి కష్టాలు తప్పవనే కామెంట్స్ వినిపిస్తున్నాయి. 2023లో పూజా హెగ్డే రెండు సినిమాలతో ఆడియన్స్ ని పలకరించబోతోంది. ఇందులో ఒకటి ‘కిసీ కా భాయ్, కిసీ కా జాన్’ కాగా మరొకటి త్రివిక్రమ్-మహేశ్ కాంబినేషన్ లో రూపొందనున్న ‘SSMB 28’. ‘దువ్వాడ జగన్నాథం’ సినిమాతో గుర్తింపు మాత్రమే తెచ్చుకున్న తనని స్టార్ హీరోయిన్ ని చేసిన త్రివిక్రమ్ మాత్రమే ఇప్పుడు పూజా హెగ్డే కెరీర్ ని మళ్లీ గాడిలో పెట్టగలడు. ‘SSMB 28’ హిట్ అయితే పూజా సాలిడ్ కంబ్యాక్ ఇచ్చినట్లే, ఈ హిట్ ఇచ్చే బాధ్యత కూడా త్రివిక్రమ్ దే. మరి మాటల మాంత్రికుడు ఏ మాయ చేసి పూజా హెగ్డే కెరీర్ ని హిట్ ట్రాక్ ఎక్కిస్తాడో చూడాలి.