lizards: ఇంట్లో బల్లుల బెడదా? పైసా ఖర్చు లేకుండా శాశ్వతంగా తరిమికొట్టేందుకు అద్భుతమైన చిట్కాలు ఇవే!

lizards: సాధారణంగా ఇంట్లో బల్లులు తిరగడం ఎవరికీ నచ్చదు. వాటి ఆకారాన్ని చూసి చాలా మంది భయపడుతుంటారు కూడా. మార్కెట్లో దొరికే రసాయనాలతో కూడిన స్ప్రేలు వాడటం కంటే, ఇంట్లోనే లభించే దొరికే వస్తువులతో బల్లులను శాశ్వతంగా ఎలా తరిమికొట్టవచ్చో ఈ స్టోరీలో తెలుసుకుందాం.

మిరియాల పొడి ఘాటైన వాసనను బల్లులు అస్సలు భరించలేవు. దీనిని ఎలా తయారు చేసుకోవాలంటే ముందుగా కొన్ని మిరియాలను దంచి, ఆ పొడిని నీటిలో కలిపి ఒక బాటిల్‌లో పోసుకోవాలి. తర్వాత బల్లులు తిరిగే ప్రదేశాలలో ఈ వాటర్‌ను స్ప్రే చేయడం వల్ల అవి వెంటనే పారిపోతాయి. అలాగే వెల్లుల్లి ఘాటు కూడా బల్లులను దూరం పెట్టడానికి సహాయపడుతుంది. వెల్లుల్లి రెబ్బల నుంచి రసాన్ని తీసి, దానికి కొద్దిగా నీరు కలిపి గోడలపై స్ప్రే చేయడం వల్ల బల్లుల బెడద తప్పుతుంది. వీటితో పాటు బల్లులకు పక్షుల ఈకలను చూస్తే భయం వేస్తుంది. ముఖ్యంగా నెమలి ఈకలు కదులుతుంటే బల్లులు భయపడి పారిపోతాయి. బల్లులు ఎక్కువగా వచ్చే ప్రదేశాలలో నెమలి ఈకలను వేలాడదీయడం మంచి ఫలితాన్ని ఇస్తుందని అంటున్నారు.

కోడిగుడ్డును ఉపయోగించిన తర్వాత మిగిలిన ఖాళీ పెంకులకు దారం కట్టి, ఇంట్లోని ట్యూబ్‌లైట్ల వద్ద లేదా బల్లులు తిరిగే చోట అమర్చాలి. ఎందుకంటే ఈ గుడ్డు పచ్చి వాసన బల్లులకు పడదు. ఈ పెంకులు పచ్చి వాసన వచ్చే వరకు ఉంచి, ఆ తర్వాత కొత్త వాటిని మార్చుకోంటే మంచి ఫలితాలు ఇస్తాయని చెబుతున్నారు. బల్లులకు చల్లని వాతావరణం పడదు. వాటి శరీరం చలిని తట్టుకోలేదు. అందుకే బల్లులపై చల్లని ఐస్ వాటర్ స్ప్రే చేసినా లేదా గదిలో ఏసీ ఆన్ చేసినా అవి అక్కడి నుంచి వెళ్లిపోతాయి. అలాగే కాఫీ పొడి – పొగాకు పొడిని కలిపి చిన్న చిన్న ఉండలుగా చేసి బల్లులు తిరిగే చోట ఉంచాలి. ఈ చిట్కా బల్లులను ఇంటి నుంచి తరిమేయడానికి చాలా బాగా పనిచేస్తుంది.

ఉల్లిపాయను దంచి రసం తీసి నీటిలో కలిపి స్ప్రే చేస్తే బల్లలు అక్కడి నుంచి పరార్ అవుతాయని చెబుతున్నారు. నాఫ్తలిన్ బాల్స్ (రంగు బిళ్ళలు) లేదా కర్పూరం బిళ్ళలను బల్లులు తిరిగే ప్రదేశాలలో ఉంచడం వల్ల వాటి వాసనకు కూడా బల్లులు రావని చెబుతున్నారు. ఈ నాచురల్ టిప్స్ పాటిస్తూనే, ఇల్లు ఎప్పుడూ పరిశుభ్రంగా ఉండేలా చూసుకోవాలి. ఇంట్లో చెత్తాచెదారం లేకుండా క్లీన్‌గా ఉంచుకుంటే బల్లులు అసలు లోపలికే రావని చెబుతున్నారు.