Eye Infection In Rainy Season: వర్షాకాలంలో కంటి ఇన్ఫెక్షన్స్ ప్రమాదం.. ఇలాంటి లక్షణాలు కనిపిస్తే..

Eye Infection In Rainy Season: వర్షాకాలం చల్లదనాన్ని, ఎండల నుంచి ఉపశమనాన్ని ఇస్తుంది. కానీ ఈ సమయంలో తేమ, ధూళి, బ్యాక్టీరియా-వైరస్‌లు విపరీతంగా పెరుగుతాయి. దీంతో అనేక కంటి ఇన్ఫెక్షన్స్ వచ్చే ప్రమాదం కూడా పెరుగుతుంది. కండ్లకలక (కంటి ఇన్ఫెక్షన్), స్టై (మొటిమ), పొడి కన్ను, అలెర్జీ వంటి సమస్యలు ఈ సీజన్‌లో సర్వసాధారణం అవుతాయి. మురికి చేతులతో కళ్ళను తాకడం, వర్షపు నీరు కళ్ళలోకి ప్రవేశించడం లేదా సోకిన వ్యక్తిని తాకడంతో ఇవి వ్యాపిస్తాయి.. అందువల్ల, వర్షాకాలంలో కళ్ళపై ప్రత్యేక శ్రద్ధ తీసుకోవడం చాలా ముఖ్యం.

READ MORE: APL Auction 2025: ఐపీఎల్ తరహాలో ఆసక్తిగా ఏపీఎల్ 2025 వేలం.. పైలా అవినాష్‌కు భారీ ధర!

కండ్లకలక
వర్షాకాలంలో వేగంగా వ్యాప్తి చెందే అత్యంత సాధారణ ఇన్ఫెక్షన్ కండ్లకలక. దీనిని కంటి ఫ్లూ అని కూడా అంటారు. ఇది కంటి బయటి పొరను (కండ్లకలక) ప్రభావితం చేసే వైరల్ లేదా బాక్టీరియల్ ఇన్ఫెక్షన్. ఇది సోకిన వారికి.. ఉదయం పూట కళ్ళు ఎర్రగా మారడం, నీరు కారడం లేదా జిగురుగా ఉండటం, దురద, మంట వంటి లక్షణాలు కనిపిస్తాయి.

స్టై..
కనురెప్పలపై చిన్న వాపు లేదా మొటిమను స్టై అంటారు. ఇది బ్యాక్టీరియా వల్ల వస్తుంది. మురికి చేతులతో కళ్ళను తాకడం ద్వారా వ్యాపిస్తుంది. కనురెప్ప అంచున మొటిమ, వాపు, కొద్దిగా ఎరుపు, కనురెప్పలు బరువుగా ఉండటం వంటి లక్షణాలు కనిపిస్తాయి. .

READ MORE: Natural Remedies of  Liver Health: ఈ ఐదు పదార్థాలు తీసుకుంటే మీ లివర్ సేఫ్..!

డ్రై ఐ సిండ్రోమ్
వర్షాకాలంలో స్క్రీన్ ను ఎక్కువగా చూస్తే.. కళ్ళు పొడిబారడం సమస్య కూడా పెరుగుతుంది. కళ్ళు పొడిబారడం, మంట వంటి లక్షణాలు ఉంటాయి.

అలెర్జీ కండ్లకలక
వర్షాకాలంలో పుప్పొడి, దుమ్ము లేదా ఫంగల్ ఇన్ఫెక్షన్ కారణంగా కొంతమందికి అలెర్జీలు వస్తాయి. కళ్ళలో తీవ్రమైన దురద, ఎరుపు, నీరు కారడం, తరచుగా కళ్ళు రుద్దాలనే కోరిక పెరుగుతుంది.

తీసుకోవాల్సిన జాగ్రత్తలు..
మురికి చేతులతో మీ కళ్ళను తాకవద్దు. బయటి నుంచి వచ్చిన తర్వాత మీ చేతులను శుభ్రంగా కడుక్కోండి. ఇతరుల టవల్ ఉపయోగించవద్దు. వర్షపు నీరు మీ కళ్ళలోకి పడితే, వెంటనే శుభ్రమైన నీటితో కడుక్కోవాలి. కాంటాక్ట్ లెన్సులు ధరించే వ్యక్తులు ఈ సీజన్‌లో ప్రత్యేక జాగ్రత్తలు తీసుకోవాలి. కళ్ళలో మంట లేదా ఎర్రగా మారితో వెంటనే వైద్యుడిని సంప్రదించాలి.