Ragi Punugulu – Kara Chutney: 10 నిమిషాల్లో రెడీ అయ్యే హెల్తీ బ్రేక్ఫాస్ట్.. సింపుల్గా ఇలా చేసేయండి!
- Follow Us :
-
-
Add as a preferred
source on google
Ragi Punugulu – Kara Chutney: ఈ రోజుల్లో జనాలకు ఆరోగ్యం పట్ల అవగాహన పెరుగుతున్న కొద్దీ, పాతకాలపు చిరుధాన్యాలకు ఆదరణ పెరుగుతోంది. ముఖ్యంగా రాగులు ఎముకల బలానికి, రక్తహీనతను తగ్గించడానికి, బరువు తగ్గాలనుకునే వారికి ఒక అద్భుతమైన ఆహారంగా పని చేస్తున్నాయని తెలియగానే వాటిని వారి రోజూ వారి ఆహరంలో భాగం చేసుకునే వారి సంఖ్య క్రమంగా పెరుగుతుంది. అయితే ప్రతిరోజూ రాగి జావ లేదా రాగి ముద్ద తినడం కొందరికి బోర్ కొట్టవచ్చు. అలాంటి వారి కోసం, పిల్లల నుంచి పెద్దల వరకు అందరూ ఇష్టపడేలా, అప్పటికప్పుడు కేవలం 10 నుంచి 15 నిమిషాల్లో చేసుకునే రుచికరమైన బ్రేక్ఫాస్ట్ ‘ఇన్స్టంట్ రాగి పునుగులు’. వీటికి తోడుగా స్పైసీగా ఉండే ‘కారపు చట్నీ’ ఉంటే ఆ రుచి అద్భుతంగా ఉంటుంది. తక్కువ నూనెతో, ఎక్కువ పోషకాలతో కూడిన ఈ బ్రేక్ఫాస్ట్ తయారీ విధానం ఎలాగో ఈ స్టోరీలో తెలుసుకుందాం.
రాగి పునుగుల కోసం కావలసిన పదార్థాలు:
Also Read
- Amla Pulihora Recipe: పుల్లపుల్లగా, కమ్మకమ్మగా నోరూరించే 'ఉసిరికాయ పులిహోర'.. కేవలం నిమిషాల్లోనే రెడీ చేసుకోండి ఇలా..!
- Homemade Healthy Snacks: బయట కొనే పని లేకుండా ఇంట్లోనే పల్చటి, క్రిస్పీ నువ్వుల పట్టీ.. ఇలా చేస్తే 2 వారాలు ఫ్రెష్!
- AMH తక్కువగా ఉంటే IVF తప్పనిసరా? మహిళలు తెలుసుకోవాల్సిన విషయాలు...
- Homemade Rava: బయట కొనే రవ్వలో మైదా కల్తీ, పురుగుల భయమా? ఇంట్లోనే స్వచ్ఛమైన రవ్వ చేసుకోండిలా!
రాగి పిండి – 1/2 కప్పు
బొంబాయి రవ్వ – 1/2 కప్పు
పెరుగు – 1/4 కప్పు (కొంచెం పుల్లటిదైతే రుచి బాగుంటుంది)
తురిమిన క్యారెట్ – 1/4 కప్పు
సన్నగా తరిగిన ఉల్లిపాయ – 2 టేబుల్ స్పూన్లు
సన్నగా తరిగిన టమాటా – 2 టేబుల్ స్పూన్లు
పచ్చిమిర్చి తరుగు, కొత్తిమీర, కరివేపాకు – తగినంత
జీలకర్ర – 1/2 టీస్పూన్
అల్లం తరుగు – 1/2 టీస్పూన్
వంట సోడా – 1/2 టీస్పూన్
ఉప్పు – రుచికి సరిపడా
నూనె – కాల్చడానికి సరిపడా
కారపు చట్నీ కోసం:
శనగపప్పు – 1 టీస్పూన్
మినప్పప్పు – 1 టీస్పూన్
జీలకర్ర – 1/2 టీస్పూన్
టమాటా ముక్కలు – 1/2 కప్పు
ఉల్లిపాయ – 1 (పెద్దది)
ఎండుమిర్చి – 4 నుండి 5
అల్లం ముక్క – చిన్నది
వెల్లుల్లి రెబ్బలు – 4 నుండి 5
కారం – 1/2 టీస్పూన్
ఉప్పు – రుచికి సరిపడా
నూనె – 2-3 టీస్పూన్లు
తయారీ విధానం..
ముందుగా బొంబాయి రవ్వను బాణలిలో వేసి దోరగా వేయించి పక్కన పెట్టుకోవాలి. ఒక గిన్నెలో వేయించిన రవ్వ, రాగి పిండి, పెరుగు, తరిగిన కూరగాయలు (ఉల్లిపాయ, టమాటా, క్యారెట్), పచ్చిమిర్చి, కొత్తిమీర, కరివేపాకు, జీలకర్ర, అల్లం తరుగు, ఉప్పు వేయండి. తర్వాత అవసరమైనన్ని నీళ్లు పోస్తూ ఇడ్లీ పిండి మాదిరిగా కలుపుకోవాలి. ఈ మిశ్రమాన్ని 10 – 15 నిమిషాల పాటు నాననివ్వాలి. ఇలా చేయడం వల్ల రవ్వ నీటిని పీల్చుకుని మెత్తబడుతుంది. పునుగులు వేసే ముందు మాత్రమే వంట సోడా వేసి కొద్దిగా నీళ్లు పోసి బాగా కలపాలి. తర్వాత గుంట పునుగుల పానాన్ని స్టవ్ మీద పెట్టి వేడి చేయాలి. తర్వాత ప్రతి గుంటలో కొన్ని చుక్కల నూనె వేయాలి. అనంతరం పిండిని ఆ గుంటల్లో నింపి, పైన మూత పెట్టి తక్కువ మంట మీద 1-2 నిమిషాలు ఉడికించాలి. అడుగు భాగం కాలిన తర్వాత వాటిని వెనక్కి తిప్పి, మరికొంచెం నూనె వేసి రెండో వైపు కూడా దోరగా కాల్చుకోవాలి. అంతే వేడివేడి రాగి పునుగులు రెడీ.
కారపు చట్నీ తయారీ విధానం:
ఒక బాణలిలో శనగపప్పు, మినప్పప్పు, జీలకర్ర వేసి దోరగా వేయించి విడిగా తీసి పెట్టుకోండి. అదే బాణలిలో కొంచెం నూనె వేసి అల్లం, వెల్లుల్లి, ఉల్లిపాయ ముక్కలు వేసి మగ్గనివ్వండి. అందులోనే ఎండుమిర్చి, టమాటా ముక్కలు, కారం, ఉప్పు వేసి టమాటా మెత్తబడే వరకు ఉడికించాలి. మిశ్రమం చల్లారిన తర్వాత, వేయించిన పప్పులతో కలిపి మిక్సీలో వేసి మెత్తగా గ్రైండ్ చేయాలి. చివరగా ఆవాలు, కరివేపాకు, ఇంగువతో తాలింపు వేసి చట్నీలో కలుపుకుంటే రుచికరమైన కారపు చట్నీ రెడీ. కుదిరితే మీరు కూడా ఈ హెల్తీ బ్రేక్ఫాస్ట్ని మీ ఇంట్లో తయారు చేసుకోండి.
తాజావార్తలు
-
MP Nishikant Dubey: ఏంటి!! మారుతి అసలు యజమాని సోనియా గాంధీ హా? బీజేపీ ఎంపీ సంచలన ఆరోపణలు..
-
Sara Tendulkar Wedding: శుభ్మన్ గిల్ కాదు.. యువ హీరోతో సారా టెండూల్కర్ పెళ్లి?
-
Hanu-Man : రెండు ముక్కలైన ‘హను-మాన్’ ఫ్రాంచైజీ.. ఒకే సినిమాకు రెండు వేర్వేరు సీక్వెల్స్!
-
IND vs NZ: ముగిసిన మూడోరోజు ఆట.. 118 పరుగుల ఆధిక్యంలో భారత్.!
-
Royal Enfield బైక్ లవర్స్కు క్రేజీ న్యూస్.. 10 ఏళ్ల వారంటీ.. ఎక్స్ట్రా ఖర్చు లేకుండానే..!
ట్రెండింగ్
-
Hero Splendor+ బైక్ ధరలు పెంపు.. అన్ని వేరియంట్లపై భారీగా పెరిగిన రేట్లు.. కొత్త ధరలు ఇవే!
-
Ball Tampering Scandal: కమిన్స్ను కెప్టెన్సీ నుంచి తప్పిస్తే గుడ్బై చెబుతా?.. ఆసీస్ పేసర్ సంచలన వ్యాఖ్యలు!
-
Gold Purity: హాల్మార్క్ గోల్డ్లోనూ కల్తీ.. యంత్రాలకు కూడా దొరకని విధంగా ‘రేడియం పౌడర్’ మిక్స్..
-
IND vs PAK: పాకిస్థాన్తో మ్యాచ్ మాకో లెక్కే కాదు.. టీమిండియా కెప్టెన్ హాట్ కామెంట్స్..!
-
World Television Day 2026: బ్లాక్ అండ్ వైట్ నుంచి స్మార్ట్ టీవీ వరకు.. ఆసక్తికర ప్రయాణం.!