అధిక బరువు, ఊబకాయం చాలా మందిని వేధిస్తున్న సమస్యలు. ఆహారపు అలవాట్లు, హ్యూమన్ లైఫ్ స్టైల్ కారణంగా ఈ సమస్యల భారిన పడుతున్నారు. బరువు తగ్గేందుకు చేయని ప్రయోగం అంటూ ఉండదు. మితంగా ఆహారం తీసుకోవడం, వ్యాయామం, జిమ్ముల్లో చేరి చెమటోడ్చుతుంటారు. అయితే కొన్ని రకాల ఆహార పదార్థాలను తీసుకోవడం వల్ల కూడా బరువు తగ్గే ఛాన్స్ ఉంటుంది. వాటిల్లో జున్ను, టోఫు ఒకటి. పాల ఉత్పత్తులైన జున్ను తినొచ్చా? దీనికి ప్రత్యామ్నాయమైన టోఫును తీసుకోవచ్చా? అనే డౌట్ చాలా మందిలో ఉంటుంది. ఎన్నో పోషక విలువలు కలిగిన ఈ రెండింట్లో బరువు తగ్గేందుకు ఏది తీసుకుంటే బెస్ట్ అనేది ఇప్పుడు చూద్దాం.
జున్నును ఆవు లేదా గేదె పాలతో తయారు చేస్తే.. సోయా మిల్క్ను టోఫును తయారు చేయడానికి ఉపయోగిస్తారు. జున్ను-టోఫు.. ఈ రెండూ ఆరోగ్యానికి మంచివేనని ఆరోగ్య నిపుణులు సూచిస్తున్నారు. చీజ్ (జున్ను)లో ఐరన్ మెండుగా ఉంటుంది. అదే టోఫులో ఇంతకంటే రెట్టింపుగా ఐరన్ ఉంటుంది. ఐరన్ లోపం ఉన్నవారు, రక్తహీనతతో బాధపడేవారు జున్నుకు బదులు టోఫును ఆహారంలో చేర్చుకోవడం ఉత్తమమని నిపుణులు అంటున్నారు. టోఫుతో పోలిస్తే జున్నులో ప్రొటీన్ అధికంగా ఉంటుంది. ఎముకలు, కండరాలను బలోపేతం చేసేందుకు ఇది సాయపడుతుంది. టోఫుతో కంపేర్ చేస్తే జున్నులో కేలరీలు ఎక్కువ శాతం ఉంటాయి.
తక్కువ టైమ్లో బరువు తగ్గాలనుకునేవారు ఫుడ్లో టోఫు చేర్చుకోవడం బెటర్ అని నిపుణులు సూచిస్తున్నారు. టోఫులో కేలరీలు తక్కువగా ఉన్నందున బరువు పెరిగే ఛాన్స్ ఉండదు. కానీ దీన్ని ప్రతిరోజు తినకూడదదు. టోఫును తరచూ తీసుకుంటే పలు ఆరోగ్య సమస్యలకు దారితీస్తుందని ఆరోగ్య నిపుణులు హెచ్చరిస్తున్నారు. జున్ను కూడా ఆరోగ్యకరమైన ఆహారమే. కానీ వెయిట్ లాస్ అవ్వాలనుకునే వారు దీని కంటే టోఫుకు ప్రాధాన్యత ఇస్తే బెటర్ అని చెబుతున్నారు. జున్ను-టోఫు.. రెండూ పౌష్టికాహారాలే. అధికంగా తీసుకుంటే పలు సమస్యలు వచ్చే ప్రమాదం ఉందంటున్నారు నిపుణులు. వైద్యుల సలహామేరకు తీసుకోవడం ఉత్తమమని సూచిస్తున్నారు.
