Ragi Pakoda: ఆరోగ్యానికి ఆరోగ్యం, రుచికి రుచి.. రాగి పిండితో కరకరలాడే స్నాక్స్‌ను సింపుల్‌గా ఇలా చేసుకోండి!

Ragi Pakoda: ఈ ఆధునిక సాంకేతిక యుగంలో హెల్తీ పుడ్ తీసుకోవడం చాలా ముఖ్యం. ముఖ్యంగా సాయంత్రం వేళలో స్నాక్స్ తినాలనిపించినప్పుడు జంక్ ఫుడ్ జోలికి వెళ్లకుండా, ఇంట్లోనే సింపుల్‌‌గా హెల్తీగా రాగి పిండితో కరకరలాడే పకోడీలను రెడీ చేసుకోవచ్చు. రాగుల్లో క్యాల్షియం, ఐరన్, ఫైబర్ పుష్కలంగా ఉంటాయి. ఇవి ఆరోగ్యానికి ఎంతో ఉపయోగపడుతాయి. ఈ హెల్తీ స్నాక్స్‌ను సింపుల్‌గా ఎలా తయారు చేయాలో ఈ స్పెషల్ స్టోరీలో తెలుసుకుందాం.

కావలసిన పదార్థాలు:

రాగి పిండి

ఉల్లిపాయ ముక్కలు (చిన్నగా తరిగినవి)

పచ్చిమిర్చి (సన్నని తరుగు)

కరివేపాకు

ఉప్పు (రుచికి తగినంత)

నీళ్లు (పిండి కలపడానికి సరిపడా)

నూనె (డీప్ ఫ్రై చేయడానికి)

తయారీ విధానం..
ఒక వెడల్పాటి గిన్నెలో ముందుగా రాగి పిండిని తీసుకోండి. అందులో ముందుగా తరిగి పెట్టుకున్న ఉల్లిపాయ ముక్కలు, పచ్చిమిర్చి ముక్కలను కలపండి. రుచికి సరిపడా ఉప్పు వేసి, కొద్దికొద్దిగా నీళ్లు పోస్తూ పిండిని గట్టిగా (పకోడీలు వేయడానికి వీలుగా) కలుపుకోవాలి. తర్వాత స్టవ్ వెలిగించి ఒక బాణలిలో డీప్ ఫ్రైకి సరిపడా నూనె పోసి బాగా వేడి చేయండి. నూనె వేడెక్కిన తర్వాత, ముందుగా కలిపి పెట్టుకున్న రాగి మిశ్రమాన్ని చిన్న చిన్న పకోడీల్లా నూనెలో వేయండి. వీటిని నూనెలో రెండు వైపులా ఎర్రగా, కరకరలాడే వరకు వేయించుకోవాలి.

చక్కగా వేగిన తర్వాత వీటిని ఒక టిష్యూ పేపర్ ఉన్న ప్లేట్‌లోకి తీసుకుంటే వీటికి ఉండే అదనపు నూనె పోతుంది. అంతే! ఎంతో రుచికరమైన, ఆరోగ్యకరమైన రాగి స్నాక్స్ రెడీ. వీటిని సాయంత్రం పూట వేడి వేడి టీతో కలిపి తీసుకుంటే అద్భుతంగా ఉంటాయి. పిల్లల నుంచి పెద్దల వరకు అందరూ వీటిని ఎంతో ఇష్టంగా తింటారు.