Supreme Court: ఫామ్ 6, 7, 8లను మార్చలేరు.. ఎన్నికల సంఘానికి సుప్రీంకోర్టు కీలక సూచనలు..
- ఢిల్లీ SIRపై సుప్రీంకోర్టు కీలక వ్యాఖ్యలు..
- ఫామ్ 6,7,8ల నిర్దేశిత నమూనాలను మార్చలేరు..
- అప్పటికే ఓటర్ల జాబితాలో ఉన్నవారు మళ్లీ ఫామ్-6 ఎందుకు ఇవ్వాలి..
- పేర్ల నమోదుకు కటాఫ్ తేదీని విధించొద్దు..
- Follow Us :
-
-
Add as a preferred
source on google
Supreme Court: ఢిల్లీలో ఎన్నికల సంఘం చేపట్టిన స్పెషల్ ఇంటెన్సివ్ రివిజన్(SIR)పై దాఖలైన పిటిషన్లను సుప్రీంకోర్టు బుధవారం విచారించింది. ముసాయిదా ఓటర్ల జాబితా నుంచి లక్షలాది మంది పేర్లను తొలగించే విషయంలో ఎన్నికల సంఘం(EC) తగిన విచక్షణతో వ్యవహరించిందా? అని సుప్రీంకోర్టు ప్రశ్నించింది. ఓటర్ల నమోదు కోసం ఉపయోగించే ఫారాలు 6, 7, 8లను ఎన్నికల సంఘం తన ఇష్టానుసారం మార్చలేదని పేర్కొంది. ఇప్పటికే ఓటర్ జాబితాలో పేర్లు ఉన్న వారు నివాసం మారిన సందర్బంతో కొత్త ఓటర్లుగా మళ్లీ ఫామ్ -6 ఎందుకు సమర్పించాల్సి వస్తోందో వివరించాలని ఎన్నికల సంఘాన్ని ఆదేశించింది. ఎన్యూమరేషన్ ఫారాలు అందని వారు, నివాసం మార్చుకున్న వారు తమ పేర్లను తిరిగి ఓటర్ల జాబితాలో చేర్చుకునేందుకు అవసరమైన ప్రక్రియను పూర్తి చేసే అవకాశం కల్పించాలని ధర్మాసనం సూచించింది. చిరునామా మార్పు కోసం వినియోగించే ఫామ్-8 కూడా ఉపయోగించుకునేలా చూడాలని పేర్కొంది. అక్టోబర్ 30తో ముగియనున్న అభ్యంతరాలు, క్లెయిమ్ గడువును పొడగిస్తామని ఎన్నికల సంఘం సుప్రీంకోర్టుకు హామీ ఇచ్చింది.
47.57 లక్షల మంది ఓటర్ల పేర్లు తొలగింపు..
ఆగస్టు 31న విడుదలైన ఢిల్లీలో మొత్తం 1.45 కోట్ల మంది ఓటర్లు ఉంటే, ముసాయిదా జాబితాలో 47.57 లక్షల మంది పేర్లను తొలగించారు. వీరిని అందుబాటులో లేని వారిగా, నివాసం మార్చుకున్న వారిగా, మరణించిన వారిగా, ఒకటి లేదా ఎక్కువ సార్లు నమోదైన వారిగా వర్గీకరించారు. మొదట సెప్టెంబర్ 30తో ముగియాల్సిన క్లెయిమ్లు, అభ్యంతరాల స్వీకరణ గడువును తర్వాత అక్టోబర్ 30 వరకు పొడిగించారు.
Also Read
అక్టోబర్ 26 నాటికి, మ్యాపింగ్ సమస్యలు, ఇతర వ్యత్యాసాలకు సంబంధించి జారీ చేసిన 33.14 లక్షల నోటీసుల్లో 31.26 లక్షల కేసులను ఎన్నికల సంఘం పరిష్కరించింది. ఇదే సమయంలో తార్కిక వ్యత్యాసాలు ఉన్నాయని గుర్తించిన 19.34 లక్షల కేసుల్లో 18.97 లక్షల కేసులపై చర్యలు పూర్తి చేసినట్లు తెలిపింది. ఇదే సమయంలో ఫారం-6 కింద 2.67 లక్షల దరఖాస్తులు, ఫారం-7 కింద 20,074 అభ్యంతరాలు, ఫారం-8 కింద 1.01 లక్షల దరఖాస్తులు అందాయి. తుది ఓటర్ల జాబితాను డిసెంబర్ 4న విడుదల చేయాలని ఎన్నికల సంఘం నిర్ణయించింది.
సుప్రీంకోర్టు కీలక ప్రశ్నలు..
విచారణ సందర్భంగా సుప్రీంకోర్టు ఎన్నికలసంఘాన్ని కీలక ప్రశ్నలు అడిగింది. బూత్ లెవల్ అధికారులు(బీఎల్ఓలు) ఎన్యూమరేషన్ ఫారాలు అందించే సమయంలో ఇంట్లో లేని ఓటర్ల పరిస్థితిపై సుప్రీంకోర్టు ఆందోళన వ్యక్తం చేసింది. నిర్ణీత గడువులో ఫామ్ సమర్పించకపోయినంత మాత్రాన ఒక వ్యక్తిని ఓటర్ల జాబితాలో తిరిగి పేరు నమోదు చేసుకునే హక్కును నిరాకరించవచ్చా? అని ప్రశ్నించింది. గడువులోగా ఎన్యూమరేషన్ ఫారం తిరిగి ఇవ్వపోయిన ఓటర్లకు ఎన్నికల జాబితాలో మళ్లీ చేరే అవకాశం నిరాకరించడం సమంజసం కాదని సుప్రీం వ్యాఖ్యానించింది.
2026 ఓటర్ల జాబితాలో ఇప్పటికే పేరు ఉండి, ఆ తర్వాత నివాసం మార్చుకున్న వ్యక్తిని కొత్త ఓటరుగా పరిగణించి ఫారం-6 సమర్పించాలని ఎందుకు కోరుతున్నారని ధర్మాసనం ఎన్నికల సంఘాన్ని నిలదీసింది. ప్రధాన న్యాయమూర్తి జస్టిస్ సూర్యకాంత్ మాట్లాడుతూ, ఒక నియోజకవర్గంలో లేదా మరో నియోజకవర్గానికి నివాసం మార్చుకున్నవారు చిరునామా మార్పు కోసం ఉద్దేశించిన ఫారం-8ను ఎందుకు ఉపయోగించకూడదో వివరించాలని కోరారు. ఫారం-6, ఫారం-7, ఫారం-8లను చట్టం ప్రకారం నిర్దేశించారని, వాటి స్వరూపాన్ని మార్చడం సాధ్యం కాదని జస్టిస్ బాగ్చి పేర్కొన్నారు. నిర్ణీత సమయంలో ఎన్యూమరేషన్ ఫారాలు ఎందుకు సమర్పించలేకపోయారే కారణాలను ఓటర్లను నుంచి తీసుకునే మార్గాన్ని ఎన్నికల సంఘం పరిశీలించవచ్చని సూచించింది.
తాజావార్తలు
-
CM Revanth: మూడు టిమ్స్ ఆసుపత్రులకు ఒకే రిక్రూట్మెంట్ విధానం.. సీఎం రేవంత్ రెడ్డి కీలక వ్యాఖ్యలు..
-
Food Safety Raids: హైదరాబాద్లోని కేఎఫ్సీ, డొమినోస్ అవుట్లెట్లపై ఫుడ్ సేఫ్టీ మెరుపు దాడులు.. 9 బ్రాంచీల లైసెన్సులు సస్పెండ్!
-
Nvidia CEO: ఎన్విడియాకు టిమ్ కుక్ ఒక్కరే సరైనోడు.. ట్రంప్ ఆసక్తికర వ్యాఖ్యలు.!
-
Siddu Jonnalagadda: ఏడాది గ్యాప్ తర్వాత రూట్ మార్చిన సిద్ధు జొన్నలగడ్డ!
-
Iran Crisis: కిడ్నీ నుంచి వృషణాల వరకు.. శరీర అవయవాలను అమ్ముకుంటున్న ఇరాన్ ప్రజలు!
ట్రెండింగ్
-
India Playing XI 4th ODI: గిల్, రాహుల్, కాంబోజ్ అవుట్.. ఇషాన్ కిషన్, సిరాజ్ ఇన్.. కెప్టెన్గా శ్రేయస్ అయ్యర్..!
-
ICC కీలక నిర్ణయాలపై ఉత్కంఠ.. వరల్డ్ టెస్ట్ ఛాంపియన్షిప్లో కీలక మార్పులు.. 12 జట్లతో ప్లాన్.?
-
Moringa Soup: ఖరీదైన స్కిన్ కేర్ ప్రొడక్ట్స్ వద్దు.. వింటర్లో బుగ్గలపై సహజమైన ఎరుపుదనం తెచ్చే సూప్ ఇదే..
-
Cigarette Prices Hike: ధూమపాన ప్రియులకు షాక్.. మరోసారి సిగరెట్ల ధరల బాదుడు..! ఒక్క ప్యాకెట్పై ఏకంగా..
-
Kusal Mendis: విమర్శకుల నోళ్లు మూయించిన కుశాల్ మెండిస్.. 13,000 పరుగుల మైలురాయిని అందుకున్న ఆటగాడిగా ఘనత..!