Budget 2026-27: కేంద్ర బడ్జెట్.. ధరలు తగ్గనున్న 17 రకాల క్యాన్సర్ మందుల ఇవే..

Budget 2026-27:  కేంద్ర బడ్జెట్ 2026-27లో క్యాన్సర్ రోగులకు ఉపశమనం ఇచ్చింది. 17 రకాల క్యాన్సర్ ఔషధాలపై ప్రాథమిక కస్టమ్స్ సుంకాన్ని మినహాయించింది. దీని వల్ల క్యాన్సర్‌తో బాధపడుతున్న వారి చికిత్స మరింత చౌకగా మారనుంది. క్యాన్సర్ చికిత్సకు వాడే డ్రగ్స్ తరుచుగా విదేశాల నుంచి భారత్‌కు వస్తుంటాయి. దిగుమతి సుంకాలు ఔషధాల ధరల్ని మరింత పెంచుతున్నాయి. ఈ నేపథ్యంలో ఈ మందులపై కస్టమ్స్ సుంకాన్ని తొలగించడం ద్వారా రోగులకు మెరుగైన వైద్యం,చికిత్స అందే వీలు కలిగింది.

బ్రెస్ట్ క్యాన్సర్, లంగ్ క్యాన్సర్, బ్లడ్ క్యాన్సర్, ప్రొస్టేట్ క్యాన్సర్, ఇతర అరుదైన క్యాన్సర్ చికిత్సల్లో ఉపయోగించే మందులకు ఈ మినహాయింపు వర్తిస్తుంది. ఈ మందులు చాలా వరకు ఇమ్యునోథెరపీ, టార్గెటెడ్ థెరపీ, సెల్ ఆధారిత చికిత్సల్లో కీలకంగా ఉన్నాయి.

కస్టమ్స్ సుంకం మినహాయింపు ఏమిటి.?

కస్టమ్స్ సుంకం అనేది భారత్ దిగుమతి చేసుకునే వస్తువులపై విధించే పన్ను. మందులపై ఈ సుంకాలను తొలగించినప్పుడు, అది వాటి ల్యాండింగ్ ధరను నేరుగా తగ్గిస్తుంది. దిగుమతిదారులు లేదా ఆస్పత్రులు ఇకపై వాటికి ప్రాథమిక కస్టమ్స్ సుంకం చెల్లించాల్సిన అవసరం లేదు. రోగులకు తక్కువ ధరకు ఆ మందులు లభిస్తాయి.

ధరలు తగ్గే 17 రకాల మందులు ఇవే:

1. రిబోసిక్లిబ్(Ribociclib)
2. అబెమాసిక్లిబ్(Abemaciclib)
3. టాలికాబ్టాజీన్ ఆటోల్యూసెల్(Talycabtagene autoleucel)
4. ట్రెమెలిముమాబ్(Tremelimumab)
5. వెనెటోక్లాక్స్(Venetoclax)
6. సెరిటినిబ్(Ceritinib)
7. బ్రిగాటినిబ్(Brigatinib)
8. డారోలుటామైడ్(Darolutamide)
9. టోరిపాలిమాబ్(Toripalimab)
10. సెర్ప్లులిమాబ్(Serplulimab)
11. టిస్లెలిజుమాబ్(Tislelizumab)
12. ఇనోటుజుమాబ్ ఓజోగామిసిన్( Inotuzumab ozogamicin)
13. పొనాటినిబ్(Ponatinib)
14. ఇబ్రూటినిబ్( Ibrutinib)
15. డాబ్రాఫెనిబ్(Dabrafenib)
16. ట్రామెటినిబ్(Trametinib)
17. ఇపిలిముమాబ్(Ipilimumab)