యాపిల్ ప్రపంచవ్యాప్తంగా సూపర్ ఫుడ్‌గా పేరుగాంచిన పండు. రోజూ ఒక యాపిల్ తింటే వంద రోగాల నుంచి దూరం అవుతుందంటారు. అయితే యాపిల్స్‌లో చాలా రకాలు ఉన్నాయని మీకు తెలుసా..? దాని రంగులను బట్టి పోషకాలు కూడా మారుతూ ఉంటాయి. ప్రపంచవ్యాప్తంగా సుమారు 7500 రకాల ఆపిల్‌లు ఉన్నాయి. అయితే ఏ ఆపిల్ ఆరోగ్యానికి ప్రయోజనకరం, ఏ ఆపిల్‌లో ఎక్కువ పోషకాలు ఉన్నాయో తెలుసుకుందాం.
Read Also: Big Breaking: ఛత్తీస్‌గఢ్‌లో భారీ ఎన్‌కౌంటర్.. 30 మంది మావోయిస్టుల హతం..
రెడ్ యాపిల్:
రెడ్ యాపిల్ అత్యంత ప్రాచుర్యం పొందింది. ఇది మార్కెట్‌లో సులభంగా దొరుకుతుంది. దీని రుచి తీపిగా ఉంటుంది, దీనిని తినడానికి చాలా మంది ఇష్టపడతారు. రెడ్ యాపిల్‌లో విటమిన్ సి, పొటాషియం ఉంటుంది. అంతేకాకుండా.. ఇందులో అద్భుతమైన యాంటీఆక్సిడెంట్లుగా పనిచేసే ఫ్లేవనాయిడ్లను కలిగి ఉంటుంది. రెడ్ యాపిల్ రోగనిరోధక శక్తిని బలపరుస్తుంది.
ఎల్లో ఆపిల్:
పసుపు యాపిల్ ఆరోగ్యానికి చాలా మంచిది. ఇందులో విటమిన్ ఎ అత్యధికంగా ఉంటుంది. ఇందులో పొటాషియం కూడా లభిస్తుంది. విటమిన్ ఎ కళ్లకు, పొటాషియం గుండెకు ఎంతో మేలు చేస్తుంది. పసుపు యాపిల్ తినడం వల్ల శరీరంలోని అన్ని ఎముకలకు మేలు జరుగుతుంది.
గ్రీన్ ఆపిల్:
గ్రీన్ యాపిల్‌లో పోషకాలు పుష్కలంగా ఉంటాయి. అంతేకాకుండా.. ఫైబర్ పెద్ద పరిమాణంలో ఉంటుంది. ఇందులో చక్కెర పరిమాణం తక్కువగా ఉంటుంది. గ్రీన్ యాపిల్ బరువు తగ్గించడంలో బాగా సహాయపడుతుంది. దీన్ని ప్రతిరోజూ తింటే.. శరీరంలో విటమిన్ ఎ, సి పరిమాణం ఎప్పటికీ తగ్గదు. ఇందులో పెద్ద మొత్తంలో యాంటీఆక్సిడెంట్లు ఉంటాయి. ఇది చర్మాన్ని మెరిసేలా చేయడానికి, జీర్ణ శక్తిని బలోపేతం చేయడానికి సహాయపడుతుంది. ఇవి రుచిలో పుల్లగా ఉంటాయి.
ఏ ఆపిల్ తింటే మంచిది..
ఏ ఆపిల్ తింటే మంచిదనే ప్రశ్న అందరికీ వస్తుంది. యాపిల్స్‌లో వివిధ రకాల పోషకాలు ఉంటాయి. ఎరుపు-ఆకుపచ్చ-పసుపు ఈ మూడింటి మధ్య స్వల్ప వ్యత్యాసం ఉంటుంది. బరువు తగ్గాలనుకుంటే గ్రీన్ యాపిల్ తినవచ్చు. ఇది ఆరోగ్యానికి చాలా మంచిది.