Summer Foods for Kids: డీహైడ్రేషన్కు చెక్..! వేసవిలో పిల్లలను వడదెబ్బ నుంచి కాపాడే సూపర్ ఫుడ్స్ ఇవే..
- Follow Us :
-
-
Add as a preferred
source on google
Summer Foods for Kids: సమ్మర్ హాలీ డేస్లో పిల్లలు ఎంజాయ్ చేస్తుంటారు.. విద్యా సంస్థలకు సెలవులు ఉండడంతో.. ఆటలు, పాటల్లో మునిగిపోతారు.. చివరకు ఎండను సైతం లెక్క చేయకుండా ఆటలు ఆడేస్తుంటారు.. అయితే, వేసవి కాలంలో ఉష్ణోగ్రతలు రోజురోజుకీ పెరుగుతున్న నేపథ్యంలో పిల్లల ఆరోగ్యంపై ప్రత్యేక శ్రద్ధ అవసరం. మండే ఎండలు, వేడి గాలులు, అధిక తేమ కారణంగా పిల్లలు త్వరగా అలసిపోవడం, చిరాకు పడటం, డీహైడ్రేషన్కు గురికావడం సాధారణంగా కనిపిస్తోంది. ముఖ్యంగా బయట ఎక్కువసేపు ఆడుకునే పిల్లల్లో శరీరంలో నీటి శాతం తగ్గిపోవడం వల్ల నీరసం, అలసట వంటి సమస్యలు తలెత్తుతాయి.
అందుకే వేసవిలో పిల్లల ఆహారంలో శరీరానికి చల్లదనం ఇచ్చే, నీటి శాతం అధికంగా ఉండే ఆహారాలను చేర్చడం చాలా ముఖ్యం. ఇవి పిల్లలను తాజాగా ఉంచడమే కాకుండా, వడదెబ్బ నుంచి కూడా రక్షిస్తాయి. హీట్ను, హీట్ వేవ్ను సైతం లెక్క చేయకుండా వాళ్లు గేమ్స్లో మునిపోతారు కాబట్టి.. వాటి బారిన పిల్లలు పడకుండా.. మంచి ఫుడ్ అందిస్తే సరిపోతుంది..
Also Read
- Healthy Vegetarian Recipes: గుమ్మడికాయ అంటే ముఖం చిట్లిస్తున్నారా? రెస్టారెంట్ స్టైల్లో ఇలా చేసి చూడండి.. మెతుకు వదలరు!
- Crispy Murmura Mixture: బయట కొనే చిరుతిళ్లకు చెక్.. ఇంట్లోనే కమ్మని కరకరలాడే 'మరమరాల మిక్చర్' సులువుగా చేసుకోండి ఇలా..!
- Amla Pulihora Recipe: పుల్లపుల్లగా, కమ్మకమ్మగా నోరూరించే 'ఉసిరికాయ పులిహోర'.. కేవలం నిమిషాల్లోనే రెడీ చేసుకోండి ఇలా..!
- Homemade Healthy Snacks: బయట కొనే పని లేకుండా ఇంట్లోనే పల్చటి, క్రిస్పీ నువ్వుల పట్టీ.. ఇలా చేస్తే 2 వారాలు ఫ్రెష్!
పుచ్చకాయ: వేసవిలో పిల్లలకు ఇవ్వాల్సిన ఉత్తమ పండ్లలో పుచ్చకాయ ఒకటి. ఇందులో నీటి శాతం ఎక్కువగా ఉండటంతో శరీరాన్ని చల్లగా ఉంచుతుంది. అలాగే విటమిన్లు, యాంటీఆక్సిడెంట్లు సమృద్ధిగా ఉండి శరీరానికి శక్తిని అందిస్తాయి.
దోసకాయ: దోసకాయలో దాదాపు 95 శాతం నీరు ఉంటుంది. ఇది శరీరాన్ని హైడ్రేటెడ్గా ఉంచడంలో సహాయపడుతుంది. సలాడ్ రూపంలో లేదా కొద్దిగా ఉప్పు చల్లి స్నాక్లా పిల్లలకు ఇవ్వవచ్చు.
పెరుగు అన్నం: వేసవిలో పెరుగు అన్నం పిల్లలకు మంచి ఆహారం. ఇది శరీరానికి చల్లదనం ఇవ్వడంతో పాటు జీర్ణక్రియను మెరుగుపరుస్తుంది. పిల్లలు కూడా దీన్ని ఎంతో ఇష్టంగా తింటారు.
కొబ్బరి నీరు: బయట ఆడుకునే సమయంలో పిల్లలకు చెమట ఎక్కువగా పడుతుంది. దీంతో శరీరంలో అవసరమైన ఖనిజాలు తగ్గిపోతాయి. కొబ్బరి నీరు సహజ ఎలక్ట్రోలైట్లను అందించి శరీరానికి తక్షణ శక్తిని ఇస్తుంది.
మజ్జిగ: మజ్జిగ శరీరాన్ని చల్లబరచడంలో ఎంతో సహాయపడుతుంది. అలాగే ఆహారం త్వరగా జీర్ణం కావడానికి ఉపయోగపడుతుంది. ఇందులో కాల్షియం, ప్రోటీన్లు వంటి పోషకాలు కూడా ఉంటాయి.
నిమ్మరసం: పిల్లలు బయట ఆడుకుని వచ్చిన తర్వాత నిమ్మరసం ఇవ్వడం చాలా మంచిది. ఇందులో ఉండే విటమిన్ సి శరీరానికి ఉత్సాహాన్ని అందిస్తుంది. వేసవిలో ఇది మంచి శీతల పానీయంగా పనిచేస్తుంది.
గుల్కంద్: గులాబీ రేకులతో తయారయ్యే గుల్కంద్ శరీర వేడిని తగ్గించడంలో సహాయపడుతుంది. దీనిని పాలలో కలిపి పిల్లలకు ఇస్తే కడుపుకు చల్లదనం కలుగుతుంది.
బేల్ రసం: బేల్ పండు శీతల గుణాలకు ప్రసిద్ధి. దీని రసం పిల్లలను వడదెబ్బ నుంచి రక్షించడంలో సహాయపడుతుంది. కడుపు ఆరోగ్యానికి కూడా ఇది మంచిదిగా భావిస్తారు.
టమోటాలు: టమోటాల్లో విటమిన్లు, ఖనిజాలు సమృద్ధిగా ఉంటాయి. ఇవి శరీరంలో తేమను నిల్వ ఉంచడంలో సహాయపడతాయి. సలాడ్ల రూపంలో పిల్లలకు ఇవ్వవచ్చు.
పిల్లల ఆరోగ్యానికి సరైన ఆహారం చాలా ముఖ్యం
వేసవిలో పిల్లలు ఆరోగ్యంగా ఉండాలంటే నీరు ఎక్కువగా ఉండే ఆహారాలు, సహజ శీతల పానీయాలు తప్పనిసరిగా ఇవ్వాలి. ఇలా చేస్తే డీహైడ్రేషన్, అలసట, వడదెబ్బ వంటి సమస్యల నుంచి వారిని సులభంగా కాపాడవచ్చు.
తాజావార్తలు
-
Koti Deepotsavam 2026 : కోటి దీపోత్సవంలో నేడు విశేష ఘట్టం.. శ్వేతార్క గణపతి కల్యాణం
-
Koti Deepotsavam 2026 : కోటి దీపోత్సవంలో శ్వేతార్క గణపతి కల్యాణం.. భక్తులతో కిక్కిరిసిన ఎన్టీఆర్ స్టేడియం
-
Leopard Spotted : తండాలో చిరుత కలకలం.. బర్రె దూడను చంపి తినేసిన వైనం!
-
Dhoni Jersey: ధోనికి సీఎస్కే అరుదైన గౌరవం.. ఐకానిక్ నంబర్ 7 జెర్సీ రిటైర్..
-
Aakasamlo Oka Tara: స్టార్ హీరోయిన్లను కాదని ఆమెనే ఎందుకు తీసుకున్నామంటే? అసలు విషయం చెప్పిన పవన్ సాధినేని!
-
ఆ పుస్తకం చదివాకే Aakasamlo Oka Tara కథ పుట్టింది.. డైరెక్టర్ పవన్ సాధినేని ఆసక్తికర వ్యాఖ్యలు!
ట్రెండింగ్
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!
-
21 రోజుల బ్యాటరీ లైఫ్, 150కి పైగా స్పోర్ట్స్ మోడ్ Xiaomi Watch S5 41mm వచ్చేసింది..! Smart Band 11 కూడానూ..