కలోంజి గింజలు లేదా నల్ల జీలకర్ర గురించి మనం వింటూనే ఉంటాం. చిన్నగా, నల్లగా ఉండే ఈ గింజల్లో అద్భుతమైన ఔషధ గుణాలు ఉన్నాయని ఆయుర్వేదం చెబుతోంది. అయితే, వీటిపై ఆధునిక వైద్యం ఏమంటోంది? డాక్టర్ సేథి వీటి గురించి షేర్ చేసిన వాస్తవాలు ఇవే:
1. రక్తపోటు (BP) కంట్రోల్
కలోంజి గింజలను తీసుకోవడం వల్ల రక్తపోటు తగ్గుతుందనేది నిజమని డాక్టర్ సేథి ధృవీకరించారు. ఇవి రక్త నాళాలను రిలాక్స్ చేసి, రక్త ప్రసరణను మెరుగుపరుస్తాయి. దీనివల్ల హైపర్ టెన్షన్ తగ్గే అవకాశం ఉంది. అయితే, వీటితో పాటు ఆరోగ్యకరమైన జీవనశైలిని కూడా పాటించాలి.
2. కొలెస్ట్రాల్ , గుండె ఆరోగ్యం
ఈ గింజలు శరీరంలోని చెడు కొలెస్ట్రాల్ (LDL) , ట్రైగ్లిజరైడ్స్ స్థాయిలను తగ్గించడంలో సహాయపడతాయి. అదే సమయంలో మంచి కొలెస్ట్రాల్ను పెంచి, గుండె ఆరోగ్యాన్ని మెరుగుపరుస్తాయి.
3. షుగర్ వ్యాధిగ్రస్తులకు వరం
బ్లడ్ షుగర్ లెవల్స్ను తగ్గించడంలో కలోంజి అద్భుతంగా పనిచేస్తుంది. ఇది ఇన్సులిన్ సెన్సిటివిటీని పెంచి, ఫాస్టింగ్ గ్లూకోజ్ లెవల్స్ తగ్గడానికి దోహదపడుతుంది. ముఖ్యంగా టైప్ 2 డయాబెటిస్ ఉన్నవారికి ఇది చాలా మేలు చేస్తుంది.
4. కీళ్ల నొప్పులు , ఆర్థరైటిస్
కలోంజిలో ఉండే యాంటీ ఇన్ఫ్లమేటరీ గుణాలు కీళ్ల నొప్పులు, వాపులను తగ్గించడంలో సహాయపడతాయి. రుమటాయిడ్ ఆర్థరైటిస్, ఆస్తమా , అలర్జీలతో బాధపడేవారికి కూడా ఇవి ఊరటనిస్తాయి.
5. బరువు తగ్గడం – నిజమెంత?
చాలామంది కలోంజి తింటే బరువు తగ్గుతారని అనుకుంటారు. కానీ, డాక్టర్ సేథి ప్రకారం.. ఇవి నేరుగా బరువును తగ్గించవు. కేవలం బరువు తగ్గే ప్రక్రియకు సహకరిస్తాయి తప్ప, వీటిని తింటేనే బరువు తగ్గిపోతారన్నది వాస్తవం కాదు. సరైన డైట్ , వ్యాయామం తోడైతేనే ఫలితం ఉంటుంది.
6. లివర్ , కిడ్నీ ఆరోగ్యం
లివర్ , కిడ్నీలను రక్షించడంలో కూడా ఇవి కొంతవరకు సహాయపడతాయని, అయితే దీనిపై మరిన్ని పరిశోధనలు జరగాల్సి ఉందని డాక్టర్ తెలిపారు.
ఎలా తీసుకోవాలి? ఎంత తీసుకోవాలి?
ఏదైనా చికిత్సకు ప్రత్యామ్నాయంగా కాకుండా, ఆరోగ్యానికి మద్దతుగా మాత్రమే వీటిని వాడాలి. తీవ్రమైన సమస్యలు ఉన్నప్పుడు వైద్యుడిని సంప్రదించడం ఉత్తమం.
Ram Charan- Upasana: మెగా జంట రామ్ చరణ్, ఉపాసనకు.. బన్నీ ఎమోషనల్ విషెస్
