Indian Navy SSC Officer Recruitment 2026: భారత నావికాదళంలో 275 SSC ఆఫీసర్ పోస్టులు.. అర్హత, ఎంపిక విధానం వివరాలు
- భారత నావికాదళంలో 275 SSC ఆఫీసర్ పోస్టులు
- జూలై 27, 2026 వరకు ఆన్‌లైన్‌లో దరఖాస్తు
- BE లేదా BTechలో కనీసం 60 శాతం మార్కులతో బ్యాచిలర్ డిగ్రీ
- Follow Us :
-
-
Add as a preferred
source on google
భారత నావికాదళంలో ఉద్యోగం చేయాలనుకునే యువతకు శుభవార్త. ఇండియన్ నేవీ (Indian Navy) SSC (Short Service Commission) ఆఫీసర్ రిక్రూట్‌మెంట్ 2026 కోసం అధికారిక నోటిఫికేషన్‌ను విడుదల చేసింది. ఈ నియామక ప్రక్రియ ద్వారా మొత్తం 275 SSC ఆఫీసర్ పోస్టులను భర్తీ చేయనుంది. ఆసక్తి, అర్హత కలిగిన అభ్యర్థులు జూలై 27, 2026 వరకు ఆన్‌లైన్‌లో దరఖాస్తు చేసుకోవచ్చు.
విద్యార్హత
SSC ఆఫీసర్ పోస్టులకు దరఖాస్తు చేయాలనుకునే అభ్యర్థులు గుర్తింపు పొందిన విశ్వవిద్యాలయం లేదా విద్యాసంస్థ నుంచి BE లేదా BTechలో కనీసం 60 శాతం మార్కులతో బ్యాచిలర్ డిగ్రీ పూర్తి చేసి ఉండాలి. సంబంధిత విభాగానికి అవసరమైన ఇతర అర్హతలను కూడా తప్పనిసరిగా కలిగి ఉండాలి.
వయోపరిమితి
దరఖాస్తు చేసుకునే అభ్యర్థులు జూలై 2, 2002 నుంచి 2008 మధ్య జన్మించి ఉండాలి. పూర్తి వయోపరిమితి వివరాలు అధికారిక నోటిఫికేషన్‌లో చూడవచ్చు.
ఎంపిక విధానం
అభ్యర్థుల ఎంపికను మూడు దశల్లో నిర్వహిస్తారు.
గత విద్యార్హతల్లో సాధించిన మార్కుల ఆధారంగా షార్ట్‌లిస్టింగ్
SSB (Services Selection Board) ఇంటర్వ్యూ
మెడికల్ ఫిట్‌నెస్ పరీక్ష
షార్ట్‌లిస్ట్ అయిన అభ్యర్థులకు ఇమెయిల్ లేదా SMS ద్వారా సమాచారం అందజేస్తారు. అనంతరం SSB ఇంటర్వ్యూకు పిలుస్తారు. ఇందులో సైకలాజికల్ టెస్ట్, గ్రూప్ టెస్టులు, వ్యక్తిగత ఇంటర్వ్యూ నిర్వహిస్తారు. ఈ దశలో అర్హత సాధించిన వారికి వైద్య పరీక్షలు నిర్వహించి తుది మెరిట్ జాబితా విడుదల చేస్తారు.
దరఖాస్తు చేసే విధానం
అభ్యర్థులు ఈ కింది దశలను అనుసరించి ఆన్‌లైన్‌లో దరఖాస్తు చేసుకోవచ్చు.
ఇండియన్ నేవీ అధికారిక వెబ్‌సైట్‌ను సందర్శించండి.
కొత్త అభ్యర్థులు ముందుగా రిజిస్ట్రేషన్ పూర్తి చేయాలి.
లాగిన్ చేసి SSC Officer Recruitment దరఖాస్తు ఫారాన్ని తెరవాలి.
వ్యక్తిగత, విద్యార్హత వివరాలను నమోదు చేయాలి.
అవసరమైన పత్రాల స్కాన్ కాపీలను అప్‌లోడ్ చేయాలి.
అన్ని వివరాలు సరిచూసుకుని దరఖాస్తును సమర్పించాలి.
భవిష్యత్ అవసరాల కోసం దరఖాస్తు ప్రతిని ప్రింట్ తీసుకుని భద్రపరచుకోవాలి.
అభ్యర్థులకు సూచన
దరఖాస్తు చేసుకునే ముందు అధికారిక నోటిఫికేషన్‌ను పూర్తిగా చదివి, అర్హతలు, వయోపరిమితి, పోస్టుల వివరాలు, ఎంపిక విధానం వంటి అన్ని అంశాలను పరిశీలించిన తర్వాత మాత్రమే దరఖాస్తు చేయడం మంచిది. చివరి తేదీ వరకు వేచి ఉండకుండా ముందుగానే దరఖాస్తు ప్రక్రియను పూర్తి చేసుకోవాలని ఇండియన్ నేవీ సూచిస్తోంది.