Ukraine Russia War: ఉక్రెయిన్‌ అధ్యక్షుడి పరారీ..?

ఉక్రెయిన్‌-రష్యా మధ్య భీకర యుద్ధం నడుస్తోంది… రష్యా దాడులు తీవ్రతరం చేసినా.. ఉక్రెయిన్‌ ఏ మాత్రం వెనక్కి తగ్గకుండా ఎదురుదాడికి దిగుతోంది.. యుద్ధంలో రష్యాకు జరిగిన నష్టమే దీనికి ఉదాహరణ.. ఇక, రష్యా ఓవైపు దాడులు చేస్తున్నా.. మరోవైపు, దేశాన్ని వీడేది లేదు.. ఇక్కడే ఉంటాం.. దేశాన్ని కాపాడుకుంటాం.. మాకు ఆయుధాలు కావాలంటూ ఎప్పటికప్పుడు ప్రకటనలు చేస్తూ.. ఉక్రెయిన్లలో ధైర్యాన్ని నింపుతూ వస్తున్నారు ఆ దేశ అధ్యక్షుడు జెలెన్‌స్కీ.. అయితే, జెలెన్‌స్కీపై ర‌ష్యా మీడియా తాజాగా ప్రసారం చేసిన ఓ కథనం సంచలనంగా మారింది.. ప్రస్తుతం ఉక్రెయిన్ అధ్యక్షుడు జెలెన్‌స్కీ.. ఆ దేశంలో లేరని.. ఉక్రెయిన్‌ నుంచి పోలాండ్‌కు పారిపోయారు అనేది వాటి సారాశం..

Read Also: Russia President: పుతిన్‌.. ఒక నియంత ప్రేమ కథ..!

ఉక్రెయిన్‌ అధ్యక్షుడు జెలెన్‌స్కీ ఆ దేశం విడిచి వెళ్లిపోయారు.. పోలాండ్‌లో త‌లదాచుకున్నార‌ని రష్యా మీడియా పేర్కొనడం చర్చగా మారింది.. ఇక, ఈ ఆరోప‌ణ‌ల‌పై ఉక్రెయిన్ నుంచి ఎలాంటి స్పందన రాలేదు.. జెలెన్‌స్కీ ఉక్రెయిన్‌లోనే ఉన్నారని గానీ.. దేశం వీడారని గానీ.. ఇప్పటి వరకు ఎలాంటి ప్రకటన చేయలేదు ఉక్రెయిన్. అయితే, ఇలాంటి ఆరోప‌ణ‌లు ర‌ష్యా మీడియా కొన్ని రోజుల క్రితం చూడా చేసిన విషయాన్ని గమనించాల్సి ఉంది.. ఉక్రెయిన్ అధ్యక్షుడు జెలెన్‌స్కీ దేశంలో లేర‌ని, దేశాన్ని విడిచి పారిపోయారంటూ గతంలోనూ పేర్కొంది రష్యన్‌ మీడియా.. దీనికి కౌంటర్‌ ఇచ్చిన జెలెన్‌స్కీ.. ఆ దేశ రాజధాని వీధుల్లోనే ప్రత్యక్షమై కౌంటర్‌ ఇచ్చారు. మరి తాజా కథనాలపై ఉక్రెయిన్‌ ఎలా స్పందిస్తుందో చూడాలి.