Covid-19: సింగపూర్‌లో ఇటీవల కాలంలో కోవిడ్ కేసులు పెరుగుతున్నాయి. ఈ నేపథ్యంలో సింగపూర్ మరో కోవిడ్ వేవ్ ని ఎదుర్కొంటోందని ఆ దేశ ఆరోగ్య శాఖ మంత్రి ఓంగ్ యే కుంగ్ శుక్రవారం హెచ్చరించారు. రాబోయే రోజుల్లో అనారోగ్యానికి గురై ఆస్పత్రుల్లో చేరే రోగుల సంఖ్య పెరుగుతుందని అన్నారు. రోజూవారీ కేసుల సంఖ్యలో అనూహ్య పెరుగుదల కనిపిస్తోందని, మూడు వారాల క్రితం ఇది 1000గా ఉంటే ఇప్పుడు 2000 కేసులకు పెరిగిందని ఓంగ్ చెప్పారు. ప్రభుత్వం దీన్ని ఎండమిక్ డిసీజ్‌గా పరిగణిస్తుందని అన్నారు.
Read Also: USA: భారత సంతతి కుటుంబంలో విషాదం.. దంపతులతో పాటు ఇద్దరు పిల్లల మరణం..
XXB ఓమిక్రాన్ వేరియంట్ ఉపవంశాలైన EG.5, HK.3 సబ్ వేరియంట్ల వల్లే ఎక్కువ కేసులు నమోదవుతున్నాయని, 75 శాతం కేసులు ఈ రెండు వేరియంట్లకు సంబంధించినవే అని ఓంగ్ తెలిపారు. ఏప్రిల్ నెలలో గరిష్ట స్థాయిలో సింగపూర్ లో రోజుకు 4000 కేసులు నమోదయ్యాయి. గతంలోని వేరియంట్లతో పోలిస్తే కొత్త వేరియంట్ల వల్ల అనారోగ్యం తీవ్రమయ్యే అవకాశం ఉందని తెలిపారు. తీవ్ర అనారోగ్యం నుంచి రక్షించుకోవడంతో వ్యాక్సిన్లు బాగా పనిచేస్తున్నాయని మంత్రి వెల్లడించారు. రాబోయే రోజుల్లో ఎక్కువ మంది ప్రజలు అనారోగ్యానికి గురయ్యే అవకాశం ఉందని అన్నారు.