Mecca Defence Pact: హౌతీ దాడులతో సౌదీలో టెన్షన్.. బలగాలు పంపేందుకు పాకిస్థాన్, టర్కీ కీలక నిర్ణయం!
- సౌదీకి పాకిస్థాన్, టర్కీ సైన్యం?
- మక్కా రక్షణ ఒప్పందం అమల్లోకి.. కీలక పరిణామం
- Follow Us :
-
-
Add as a preferred
source on google
Mecca Defence Pact: మధ్యప్రాచ్యంలో ఉద్రిక్తతలు మరింత పెరుగుతున్న నేపథ్యంలో కీలక పరిణామం చోటుచేసుకుంది. హౌతీ దాడుల నేపథ్యంలో సౌదీ అరేబియాకు సైనిక బలగాలను వేగంగా మోహరించేందుకు పాకిస్థాన్, టర్కీ అంగీకరించినట్లు ఓ మీడియా నివేదిక వెల్లడించింది. సౌదీ అరేబియా, పాకిస్థాన్, టర్కీ దేశాల మధ్య ఏర్పడిన మక్కా డిఫెన్స్ అలయన్స్ ఇప్పుడు సైనికపరంగా అమలులోకి వెళ్లే దిశగా అడుగులు వేస్తోంది. సౌదీ అరేబియాలోని రియాద్లో సోమవారం Strategic Political and Defence Committee (SPDC) అత్యవసర సమావేశం నిర్వహించింది. ఈ సమావేశంలో మూడు దేశాల భద్రతకు ఎదురవుతున్న ముప్పులు, ప్రాంతీయ పరిణామాలపై చర్చించారు.
పాకిస్థాన్ విదేశాంగ శాఖను ఉటంకిస్తూ Dawn ఈ వివరాలను వెల్లడించింది. సౌదీ అరేబియా, పాకిస్థాన్, టర్కీ దేశాలు గత ఆగస్టులో త్రైపాక్షిక రక్షణ ఒప్పందం కుదుర్చుకున్నాయి. ఈ ఒప్పందం ప్రకారం మూడు దేశాల్లో ఏదైనా ఒక దేశంపై సాయుధ దాడి జరిగితే, దానిని మూడు దేశాలపై జరిగిన దాడిగా పరిగణించి సమిష్టిగా స్పందించే విధానం ఏర్పాటైంది.
Also Read
- The Muslim 500 List 2027: ప్రపంచంలో టాప్-500 ముస్లింల జాబితా.. షారూఖ్తో సహా భారత్ నుంచి 22 మంది!
- Imran Khan: ‘‘ప్రాణాలతో తిరిగి రాకపోవచ్చు’’.. నిస్సహాయ స్థితిలో ఇమ్రాన్ ఖాన్ లేఖ!
- Israel Hezbollah: ఓవైపు కొత్త ప్రభుత్వ ఏర్పాటుపై చర్యలు.. హిజ్బుల్లాపై ఇజ్రాయిల్ మెరుపుదాడి!
- Thailand Phuket Fire Accident: థాయ్లాండ్లో ఘోర అగ్నిప్రమాదం.. 11 మంది మృతి, 17 మందికి గాయాలు!
సౌదీలోకి బలగాల వేగవంతమైన మోహరింపునకు నిర్ణయం
సోమవారం సమావేశం అనంతరం విడుదల చేసిన సంయుక్త ప్రకటనలో కీలక నిర్ణయాలను వెల్లడించారు. సామూహిక రక్షణకు సంబంధించిన హామీలను వెంటనే అమలు చేసే దిశగా చర్యలు ప్రారంభించాలని కమిటీ నిర్ణయించింది. అలాగే అంగీకరించిన సైనిక బలగాలు, అవసరమైన సైనిక సామర్థ్యాలను అందుబాటులోకి తీసుకురావడంతో పాటు, వాటిని సౌదీ అరేబియాలో వేగంగా మోహరించేలా అవసరమైన చర్యలు తీసుకోవాలని నిర్ణయించారు. అయితే ఎంతమంది సైనికులను పంపుతారు? ఎప్పుడు పంపుతారు? అనే విషయాలను సంయుక్త ప్రకటనలో స్పష్టంగా వెల్లడించలేదు. అలాగే ప్రకటనలో హౌతీల పేరును ప్రత్యేకంగా ప్రస్తావించలేదు.
పాకిస్థాన్ బలగాలు సహాయక పాత్రలో..
ఈ అత్యవసర సమావేశానికి పాకిస్థాన్ తరఫున ఉప ప్రధాని ఇషాక్ దార్, రక్షణ మంత్రి ఖవాజా ఆసిఫ్, ఆర్మీ చీఫ్ ఫీల్డ్ మార్షల్ అసిమ్ మునీర్ హాజరయ్యారు. పాకిస్థాన్ రక్షణ మంత్రి ఖవాజా ఆసిఫ్ మాట్లాడుతూ.. పాకిస్థాన్, టర్కీ బలగాలు ఇప్పటికే అక్కడ సహాయక పాత్ర పోషిస్తున్నాయని తెలిపారు. సౌదీ అరేబియా కోరిన సహాయాన్ని అందిస్తున్నామని చెప్పారు. టర్కీ, పాకిస్థాన్ సైన్యాలు ప్రస్తుతం సహాయక పాత్రలో ఉన్నాయని, పాకిస్థాన్ నిఘా, సమాచార సేకరణ (reconnaissance) కార్యకలాపాల్లోనూ పాల్గొంటోందని ఆయన వెల్లడించినట్లు నివేదిక పేర్కొంది. అయితే బలగాల సంఖ్య, వాటి మోహరింపు సమయం వంటి వివరాలను అధికారిక ప్రకటనలో వెల్లడించలేదు.
మక్కా, మదీనా లక్ష్యంగా దాడులను ఖండించిన మూడు దేశాలు
మక్కా డిఫెన్స్ అలయన్స్లోని మూడు దేశాలు సౌదీ అరేబియాలోని పవిత్ర నగరాలు మక్కా, మదీనాలను లక్ష్యంగా చేసుకునే ప్రయత్నాలను తీవ్రంగా ఖండించాయి. అదేవిధంగా సౌదీలోని నగరాలు, పౌర ప్రాంతాలు, ఆర్థిక మౌలిక సదుపాయాలను లక్ష్యంగా చేసుకుని జరుగుతున్న దాడులను కూడా ఖండించాయి. సౌదీ సాయుధ బలగాలు అప్రమత్తత, సన్నద్ధత, వృత్తిపరమైన సామర్థ్యంతో దేశ భద్రత, ప్రాదేశిక సమగ్రతను కాపాడుతున్నాయని పాకిస్థాన్, టర్కీ ప్రశంసించాయి.
యెమెన్లో సైనిక చర్యల నేపథ్యంలో కీలక పరిణామం
మరోవైపు, హౌతీల ఆధీనంలో ఉన్న ప్రాంతాలను తిరిగి స్వాధీనం చేసుకునేందుకు సౌదీ నేతృత్వంలోని సంకీర్ణానికి మద్దతు ఇచ్చే యెమెన్ ప్రభుత్వం ఆదివారం పెద్ద ఎత్తున సైనిక చర్య ప్రారంభించినట్లు నివేదికలు పేర్కొన్నాయి. ఈ నేపథ్యంలోనే సౌదీ భద్రతకు ఎదురవుతున్న ముప్పులపై చర్చించేందుకు SPDC అత్యవసర సమావేశం నిర్వహించింది.
మక్కా డిఫెన్స్ అలయన్స్ అంటే ఏమిటి?
పాకిస్థాన్, సౌదీ అరేబియా, టర్కీ మధ్య ఆగస్టులో కుదిరిన త్రైపాక్షిక రక్షణ ఒప్పందం సామూహిక నిరోధక శక్తి (collective deterrence) కోసం ఒక వ్యవస్థను ఏర్పాటు చేస్తుంది. మూడు దేశాల్లో ఏదైనా ఒకదానిపై సాయుధ దాడి జరిగితే, దానిని మిగతా రెండు దేశాలపై జరిగిన దాడిగానూ పరిగణించి సమిష్టిగా స్పందించేందుకు ఈ ఒప్పందం మార్గదర్శకంగా ఉంటుంది. తాజా అత్యవసర సమావేశంతో ఈ రక్షణ హామీలను ప్రాక్టికల్గా అమలు చేసే దిశగా మూడు దేశాలు ముందడుగు వేసినట్లు తెలుస్తోంది. అయితే సౌదీలోకి బలగాల మోహరింపుపై పూర్తి వివరాలు, కాలపట్టిక మాత్రం ఇంకా వెల్లడించలేదు.
తాజావార్తలు
-
Motorola Edge 70 Neo: మోటరోలా Edge 70 Neo భారత్లోకి వచ్చేస్తోంది.. 50MP Sony కెమెరా, 7,000mAh బ్యాటరీతో!
-
Varanasi Update: ఇదొక అప్డేటే.. అసలైన బ్లాస్ట్ కోసం వేచి చూడాల్సిందే!
-
AP Panchayat Elections: సర్పంచ్ పదవికి వేలం పాట.. చీటీల పద్ధతిలో ఏకగ్రీవం..! ఎక్కువ మొత్తం రాసిన వ్యక్తికే పదవి!
-
Dhanush-Mammootty: మమ్ముట్టి సర్.. మరోసారి ఇలా రాకండి ప్లీజ్.. ధనుష్ కామెంట్స్ వైరల్!
-
ZP Chairman Elections: జెడ్పీ చైర్మన్ పదవులపై ఉత్కంఠ.. టీడీపీ, జనసేన, బీజేపీ మధ్య ఇంకా రాని క్లారిటీ..!
ట్రెండింగ్
-
IPL 2027 రిటెన్షన్లకు నేడే చివరి గడువు.. ఇప్పటి వరకు జరిగిన ట్రేడ్స్ లిస్ట్ ఇదిగో..
-
12.1 అంగుళాల 2.8K డిస్ప్లే, 10,050mAh బ్యాటరీతో OPPO Pad Air6 ట్యాబ్లెట్ లాంచ్..!
-
10 రోజుల బ్యాటరీ లైఫ్, IP69+IP69K రేటింగ్స్, 100+ స్పోర్ట్స్ మోడ్లతో OPPO Watch 5 లాంచ్..!
-
IPL 2027: రాజస్థాన్ రాయల్స్లోకి మహమ్మద్ షమీ.. వరల్డ్ కప్ విన్నర్ను వదులుకుంటున్న ఆర్ఆర్!
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!