కొందరు వ్యక్తులకు సరికొత్త ఆవిష్కరణలు చేయడమంటే చాలా ఇష్టం. అలాంటి వారు ఎవరూ చేయని ఆవిష్కరణలు చేసి వార్తల్లోకి ఎక్కుతూ ఉంటారు. ఆడమ్ జ్డానోవిచ్‌ అనే వ్యక్తి కూడా ఇలాగే ఆలోచించి ప్రపంచంలోనే అతి పొడవైన సైకిల్‌ను రూపొందించాడు. అయితే ఈ సైకిల్‌ను అతడు తయారుచేసిన పద్ధతి తెలిస్తే ఆశ్చర్యం కలగక మానదు. ఎందుకంటే అతడు వాడి పారేసిన వస్తువులతో ఈ సైకిల్ తయారుచేయడం విశేషం.
ఆడమ్ జ్డానోవిచ్‌ అనే వ్యక్తి రీసైక్లింగ్ వస్తువులతో అతి పొడవైన సైకిల్‌ని రూపొందించాడు. ఈ సైకిల్ 24 అడుగుల 3 అంగుళాలు ఉంది. అతడు ఈ సైకిల్‌ను రైడింగ్ చేస్తున్న దృశ్యాన్ని గిన్నిస్ వరల్డ్ రికార్డ్స్ తన ఇన్‌స్టాగ్రామ్‌లో పోస్ట్‌ చేసింది. అయితే ఆడమ్ జ్డానోవిచ్‌ ఏ దేశానికి చెందిన వ్యక్తి అనే విషయాన్ని గిన్నిస్ వరల్డ్ రికార్డ్స్ ప్రతినిధులు ప్రస్తావించలేదు. ఈ సైకిల్‌ను చూసిన నెటిజన్లు ఆడమ్‌పై ప్రశంసలు కురిపిస్తున్నారు. తనకెప్పడూ పెద్దపెద్ద ప్రాజెక్టులు చేయడమే ఇష్టమని, తన ఆలోచనలు ఎప్పడూ పెద్దస్థాయిలోనే ఉంటాయని పొడవైన సైకిల్ సృష్టికర్త ఆడమ్ కామెంట్ చేశాడు.
https://www.instagram.com/p/CYzZFByKLml/
