KFC పార్కింగ్లో అద్భుతం.. ఆర్డర్ ఇవ్వకముందే డెలివరీ! ‘కల్నల్ కోడీ’ థ్రిల్లింగ్ స్టోరీ..
- Follow Us :
-
-
Add as a preferred
source on google
KFC: ఆకలి వేస్తే కేఎఫ్సీ (KFC) వైపు చూడటం కామన్.. కానీ ప్రసవ వేదనతో విలవిలలాడుతున్న ఓ నిండు గర్భిణి కారు ఆ పార్కింగ్లోకి దూసుకొస్తే? ఆసుపత్రి బెడ్డుపై కాకుండా.. బకెట్ చికెన్ బోర్డు కిందే ఆ పసికందు పురుడు పోసుకుంటే? వినడానికే కొత్తగా ఉంది కదా ఈ సీన్. కానీ నిజంగా ఇది ఇంగ్లాండ్లో జరిగింది. క్షణాల వ్యవధిలో జరిగిన ఈ డెలివరీ ఇప్పుడు నెట్టింట తెగ వైరల్ అవుతోంది. ఇంగ్లాండ్లోని బ్రోమ్స్గ్రోవ్ ప్రాంతానికి చెందిన కేటీ మర్ఫీ (33), స్టీఫెన్ కిర్బీ (32) దంపతులకు ఇది జీవితాంతం మర్చిపోలేని రోజు. కేటీకి పురిటి నొప్పులు రావడంతో మొదట ఆసుపత్రికి వెళ్లినప్పటికీ, ఇంకా సమయం ఉందని భావించిన వైద్యులు ఆమెను ఉదయమే ఇంటికి పంపించారు. అయితే సాయంత్రం అయ్యేసరికి నొప్పులు తీవ్రమయ్యాయి. దీంతో ఏమాత్రం ఆలస్యం చేయకుండా స్టీఫెన్ తన వైఫ్ని కారులో ఎక్కించుకుని ఆసుపత్రికి పరుగు తీశాడు.
అయితే ట్రాఫిక్ కారణంగా ఆస్పత్రికి వెళ్లడానికి ఇంకో అరగంట ఎక్స్ట్రా టైం పట్టేలా ఉండటంతో కేటీ బాధ వర్ణనాతీతంగా మారింది. పరిస్థితి చూస్తుంటే ఆసుపత్రికి చేరడం అసాధ్యమని స్టీఫెన్కు అర్థమైపోయింది. రోడ్డు పక్కన కారు ఆపేందుకు సరైన చోటు లేకపోవడంతో, అతడికి రోడ్డు పక్కనే ఉన్న కేఎఫ్సీ రెస్టారెంట్ కనిపించింది. ఆలోచించేందుకు సమయం లేదు.. వెంటనే కారును కేఎఫ్సీ పార్కింగ్ ప్లేస్లోకి దూకించాడు. “మేము పార్కింగ్లోకి రాగానే బిడ్డ బయటకు వస్తున్నట్లు తెలిసింది” అని ఆ ఉద్విగ్న క్షణాలను గుర్తుచేసుకుంది కేటీ. స్టీఫెన్ కారు ఆపి, వెంటనే అంబులెన్స్కు లొకేషన్ వివరాలు చెబుతూనే మరోవైపు కారు డోర్ వద్దకు పరుగుతీశాడు. అంతే.. సరిగ్గా అదే క్షణంలో పసికందు బయటకు రావడంతో తండ్రి స్టీఫెన్ స్వయంగా చేతుల్లోకి తీసుకున్నాడు. నిమిషాల వ్యవధిలోనే అంబులెన్స్ అక్కడికి చేరుకుని తల్లీబిడ్డలను సురక్షితంగా ఆసుపత్రికి తరలించింది. ఆగస్టు 29న పుట్టిన ఆ బుడతడు ప్రస్తుతం సంపూర్ణ ఆరోగ్యంతో ఉన్నాడు.
Also Read
- US Iran Tensions: హార్ముజ్ జలసంధిపై అమెరికా LUCAS డ్రోన్ కూల్చివేసిన ఇరాన్!
- Bangladesh: ఢాకా ఎయిర్పోర్టు సమీపంలో బాంబు పేలుళ్లు.. షేక్ హసీనా రాకపై ఉత్కంఠ!
- Quad Summit: మోడీ ‘‘టఫ్ మ్యాన్’’.. ప్రధానిపై ట్రంప్ ప్రశంసలు!
- Kim Jong Un: ట్రంప్తో భేటీ వార్తలు.. స్టైల్గా సిగరెట్ తాగుతూ కిమ్ జోంగ్ ఉన్ ప్రత్యక్షం!
కొడుకుకి ముద్దుపేరు.. ‘కల్నల్ కోడీ’
ఈ చిన్నారికి ‘కోడీ’ అని పేరు పెట్టినప్పటికీ, పుట్టిన లొకేషన్ కారణంగా వాడికి ఓ క్రేజీ నిక్ నేమ్ వచ్చి చేరింది. కేఎఫ్సీ వ్యవస్థాపకుడు కల్నల్ హార్లాండ్ సాండర్స్ గుర్తుగా, ఈ బాబుకు వాళ్ల తల్లిదండ్రులు ముద్దుగా “కల్నల్ కోడీ” అని పేరు పెట్టారు. జీవితాంతం వాడికి ఈ పేరే నిలిచిపోతుందని వారు నవ్వుతూ చెబుతున్నారు. ఈ విచిత్రమైన ఘటన గురించి విన్న ఆసుపత్రి సిబ్బంది ఆశ్చర్యపోవడమే కాదు.. ఆ రాత్రి వార్డు మొత్తం కేఎఫ్సీ ఫుడ్తోనే సంబరాలు చేసుకున్నారట. అంతేకాదు, కోడీ ఫస్ట్ బర్త్ డే సెలబ్రేషన్స్ను కూడా అదే కేఎఫ్సీ సెంటర్లో గ్రాండ్గా చేయాలని, భవిష్యత్తులో వాడి ఫస్ట్ పార్ట్టైమ్ జాబ్ కూడా అక్కడే ఉండాలని ఆ తల్లిదండ్రులు సరదాగా ప్లాన్ చేసుకుంటున్నారు.
కేఎఫ్సీ నుంచి బంపర్ గిఫ్ట్స్
తమ పార్కింగ్ ప్లేస్లో ఓ ప్రాణం పోసుకుందన్న వార్త కేఎఫ్సీ యాజమాన్యానికి చేరింది. వెంటనే స్పందించిన ఆ సంస్థ, కోడీ కుటుంబానికి మనస్ఫూర్తిగా విషెస్ తెలుపుతూ.. తమ బ్రాండ్ మర్చండైజ్ గిఫ్ట్లతో పాటు ప్రత్యేకమైన ఫుడ్ వోచర్లను కూడా గిఫ్ట్గా అందించింది. నార్మల్గా కేఎఫ్సీ చికెన్ కోసం వెళ్లే ఆ రెస్టారెంట్, ఇప్పుడు కోడీ కుటుంబానికి తరాలు దాటి చెప్పుకునే ఒక అపురూప జ్ఞాపకంగా మిగిలిపోతుందనడంలో ఎలాంటి సందేహం లేదు.
తాజావార్తలు
-
Koti Deepotsavam 2026 Day-4 Live : నాలుగో రోజు వేడుకలకు సిద్ధం.. కోటి దీపోత్సవంలో అమ్మవార్లకు విశేష పూజలు
-
Koti Deepotsavam 2026 : భక్తజన సందోహం మధ్య కోటి దీపోత్సవం.. కనువిందు చేసిన భద్రకాళీశ్వరుల కల్యాణం
-
OTR : ఎమ్మెల్సీ అభ్యర్థుల ప్రకటనలో బీజేపీ జాప్యం.. అసలు కారణం ఏంటి?
-
OTR: నాయుడుపేటలో టీడీపీకి షాక్.. ఓటమికి అసలు కారణం ఇదేనా?
-
Gold Theft Protection: దొంగలు పడినా నో టెన్షన్.. మీ బంగారు నగలకు పూర్తి రక్షణ ఇచ్చే సూపర్ పాలసీ ఇదే!
-
Congress: CJP ఉద్యమాన్ని కాంగ్రెస్ దెబ్బతీసింది.. రాహుల్పై మాజీ మిత్రపక్షం సంచలన విమర్శలు..!
ట్రెండింగ్
-
Clothes Washing Mistakes : ఉతికే ముందు ఈ పొరపాటు చేస్తున్నారా? రంగులు వెలిసిపోవడం ఖాయం!
-
IPL Retentions 2027: ఎంఎస్ ధోనీ ఎందుకు, వదిలేయండి.. సీఎస్కే మాజీ స్టార్ సంచలన కామెంట్స్!
-
Crispy Murmura Mixture: బయట కొనే చిరుతిళ్లకు చెక్.. ఇంట్లోనే కమ్మని కరకరలాడే ‘మరమరాల మిక్చర్’ సులువుగా చేసుకోండి ఇలా..!
-
Amla Pulihora Recipe: పుల్లపుల్లగా, కమ్మకమ్మగా నోరూరించే ‘ఉసిరికాయ పులిహోర’.. కేవలం నిమిషాల్లోనే రెడీ చేసుకోండి ఇలా..!
-
ఏడు అంగుళాల భారీ డిస్ప్లే, 13,300mAh బ్యాటరీతో HONOR కొత్త స్మార్ట్ఫోన్..!