US Presidential Election 2024: అధ్యక్ష రేసు నుంచి జో బైడెన్ ఔట్.. నెక్ట్స్ ఎవరంటే..?

US Presidential Election 2024: అమెరికా అధ్యక్ష రేసు నుంచి అధ్యక్షుడు జో బైడెన్‌ తప్పుకోవాలనే డిమాండ్ రోజు రోజుకు పెరిగిపోతుంది. బైడెన్ ప్రవర్తన సొంత పార్టీ నేతలకు నచ్చకపోవడంతో అతడ్ని అధ్యక్ష రేసు నుంచి తప్పించేందుకు ప్లాన్ చేస్తున్నట్లు సమాచారం. తాజాగా, ఇదే అంశంపై మాజీ అధ్యక్షుడు బరాక్‌ ఒబామా సైతం బైడెన్ అభ్యర్థిత్వంపై ఆందోళన వ్యక్తం చేశారు. ఈనేపథ్యంలో యూఎస్ ప్రెసిడెంట్ రేసులో కొనసాగడంపై బైడెన్‌ ఆత్మ శోధన చేసుకుంటున్నట్లు తెలుస్తుంది. ఈ వారాంతంలోపే దీనిపై ఆయన కీలక ప్రకటన చేసే అవకావం ఉంది. ఈ మేరకు అమెరికా మీడియాలో జోరుగా కథనాలు వస్తున్నాయి.

Read Also: Maoists Attack: వేర్వేరు ఘటనల్లో ఇద్దరు ఎస్టీఎఫ్ జవాన్లు, మహిళా నక్సల్ మృతి..

అయితే, బైడెన్ అధ్యక్ష రేసు నుంచి తప్పుకుంటే.. డెమోక్రాట్ల తరపున ప్రెసిడెంట్ రేసులో ఎవరు ఉంటారనే చర్చ కూడా జోరుగా కొనసాగుతుంది. ఒకవైపు భారత సంతతి వ్యక్తి కమల హరీస్ కు ఎక్కువ అవకాశం ఉంది. జో బైడెన్ అధ్యక్ష రేసు నుంచి తప్పుకుంటే కమలా హారీస్ కు అధ్యక్ష పదవి జాబితాలో ముందు వరుసలో ఉంటుంది అని డెముక్రాటులు తెలియజేస్తున్నారు.