Jaishankar-Zelenskyy: కీవ్‌లో జెలెన్‌స్కీతో జైశంకర్ భేటీ.. యుద్ధంలో శాంతి ప్రయత్నాలపై చర్చ

భారత విదేశీ వ్యవహారాల మంత్రి ఎస్. జైశంకర్ గురువారం ఉక్రెయిన్‌లో పర్యటించారు. ఈ సందర్భంగా ఉక్రెయిన్ అధ్యక్షుడు జెలెన్‌స్కీతో భేటీ అయ్యారు. ఉక్రెయిన్ యుద్ధం, శాంతి ప్రయత్నాలు, నల్ల సముద్ర భద్రతపై చర్చించారు. రష్యా అధ్యక్షుడు పుతిన్‌తో జరిగిన సంభాషణలో సంఘర్షణను ముగించే ప్రయత్నాలకు సహకరించడానికి భారతదేశం సిద్ధంగా ఉందని ప్రధాని మోడీ తెలియజేశారు. ఈ వ్యాఖ్యల అనంతరం ఉక్రెయిన్‌లో జైశంకర్ పర్యటించడం ప్రాధాన్యత సంతరించుకుంది.

నల్ల సముద్రంలో పౌర నౌకాయాన భద్రతపై ఆందోళన వ్యక్తం చేయడానికి కూడా ఉక్రెయిన్ అధ్యక్షుడు ఉక్రెయిన్ ఈ సమావేశాన్ని ఉపయోగించుకున్నారు. సముద్ర మార్గాలకు ఉన్న ముప్పుల గురించి ఇరుపక్షాలు చర్చించాయని, ఆ మార్గాలపై ఆధారపడిన ప్రాంతాలకు ఆహార సరఫరాను నిరోధించడం ఆమోదయోగ్యం కాదని వాదించినట్లు జెలెన్‌స్కీ తెలిపారు.

ఇరాన్ సహాయంతో రష్యా ఉక్రెయిన్‌పై జెట్-పవర్డ్ షాహెద్ డ్రోన్‌లను ప్రయోగించిందని జెలెన్‌స్కీ ఆరోపించారు. ఉక్రెయిన్ యుద్ధ విమానాలు చాలా డ్రోన్‌లను అడ్డుకున్నాయని అన్నారు. యుద్ధాన్ని ముగించేందుకు దౌత్యపరమైన ప్రయత్నాలపై కీవ్‌లో జైశంకర్ చర్చలు దృష్టి సారించిన తరుణంలో ఈ ఆరోపణ వచ్చింది. మరోవైపు సముద్ర భద్రత, తమ భూభాగంపై దాడులు వంటి అంశాలపై మరింత బలమైన వైఖరి తీసుకోవాలని ఉక్రెయిన్ అంతర్జాతీయ భాగస్వాములపై ఒత్తిడి కొనసాగిస్తోంది. ఈ సంఘర్షణపై స్పష్టమైన వైఖరిని తీసుకోవాలని, భద్రతను బలోపేతం చేయడానికి కలిసి పనిచేయాలని జెలెన్‌స్కీ ఇతర దేశాలకు పిలుపునిచ్చారు.

 

I met with India’s Minister of External Affairs @DrSJaishankar. We discussed important issues. We are grateful to India for its commitment to ending this unjust war – Russia’s war against Ukraine. This certainly must not be a time of war. Peace is needed. This is India’s clear… pic.twitter.com/ZJ4IRP7Qpx

— Volodymyr Zelenskyy / Володимир Зеленський (@ZelenskyyUa) September 3, 2026