Iran: ఈసారి శత్రువు కాలుదువ్వితే కొత్త యుద్ధం చూస్తారు.. ఇరాన్ వార్నింగ్
- మళ్లీ టెన్షన్ పుట్టిస్తున్న హెచ్చరికలు
- ఎటూ తెగని ఇరాన్-అమెరికా పంచాయితీ
- తాజాగా శత్రువులకు ఇరాన్ వార్నింగ్
- Follow Us :
-
-
Add as a preferred
source on google
పశ్చిమాసియాలో మళ్లీ ఉద్రిక్తతలు తలెత్తవచ్చనే సంకేతాలు వెలువడుతున్నాయి. ఈ మేరకు అంతర్జాతీయ మీడియాలో కథనాలు వస్తున్నాయి. అమెరికా-ఇరాన్ మధ్య శాంతి చర్చలు సఫలీకృతం కాకపోవడంతో ప్రతిష్టంభన అలా కొనసాగుతూనే ఉంది. తాజాగా ఇరాన్ ప్రతిపాదనలను అమెరికా తిరస్కరించింది. దీంతో మధ్యప్రాచ్యంలో యుద్ధం జరగొచ్చని వార్తలు హల్చల్ చేశాయి. అయితే సైనిక దాడిని ప్రస్తుతం ట్రంప్ తాత్కాలికంగా వాయిదా వేశారు. దీంతో అంతర్జాతీయంగా ప్రశాంత నెలకొంది.
ఇదిలా ఉంటే ఇరాన్ మాత్రం గట్టి వార్నింగ్లు ఇచ్చింది. అమెరికా లేదా ఇజ్రాయెల్ మళ్లీ దాడులకు దిగితే మాత్రం ఈసారి కొత్త యుద్ధాన్ని చూస్తారని హెచ్చరించింది. శాంతి ప్రతిపాదనపై ప్రతిష్టంభన కొనసాగుతున్న నేపథ్యంలో ఇరాన్ ఈ హెచ్చరికలు చేయడం అంతర్జాతీయంగా కలకలం రేపుతోంది.
Also Read
- Pakistan Minister: తాజ్ మహల్, నిజాముద్దీన్ దర్గాకు వెళ్లాలనుకున్న పాక్ మంత్రి.. ‘నో’ చెప్పిన భారత్..
- Iran War: ఇరాన్పై 7 రోజుల వైమానిక దాడులకు ప్లాన్? ట్రంప్ నిర్ణయం కోసం నెతన్యాహు ఎదురుచూపులు
- Trump, Putin, Xi Jinping Meet: ట్రంప్, పుతిన్, జిన్పింగ్ చారిత్రాత్మక భేటీ.. 5 కీలక విషయాలు ఇవే!
- Bangladesh: భారత్ నుంచే చుక్కలు చూపిస్తున్న హసీనా.. బంగ్లాదేశ్లో లాక్డౌన్!
ఇరాన్ సైన్య ప్రతినిధి మొహమ్మద్ అక్రమినియా మాట్లాడుతూ.. ‘‘శత్రువులు మరోసారి జియోనిస్టుల ఉచ్చులో పడి ఇరాన్పై కొత్త దాడులు చేస్తే.. కొత్త ఆయుధాలు, కొత్త వ్యూహాలతో కొత్త యుద్ధ ఫ్రంట్లను ప్రారంభిస్తాం’’ అని హెచ్చరించారు. ఈ వ్యాఖ్యలను ఇరాన్ అధికారిక వార్తా సంస్థ ISNA వెల్లడించింది.
ఇదిలా ఉంటే ట్రంప్ ఇటీవల కీలక వ్యాఖ్యలు చేశారు. మే 19న జరగాల్సిన ఇరాన్పై సైనిక దాడిని తాత్కాలికంగా వాయిదా వేసినట్లు ప్రకటించారు. మధ్యప్రాచ్య దేశాల అభ్యర్థన మేరకు చర్చలకు అవకాశం ఇవ్వాలని నిర్ణయించామని తెలిపారు. ట్రంప్ సోషల్ మీడియా వేదిక ట్రూత్ సోషల్లో స్పందిస్తూ.. ‘‘ప్రస్తుతం కీలక చర్చలు జరుగుతున్నాయి. అమెరికాకు మాత్రమే కాకుండా మధ్యప్రాచ్య దేశాలకు కూడా ఆమోదయోగ్యమైన ఒప్పందం కుదురుతుందని ఆశిస్తున్నాం. ముఖ్యంగా ఆ ఒప్పందంలో ఇరాన్కు అణ్వాయుధాలు ఉండకూడదు’’ అని పేర్కొన్నారు.
ఇక లీకైన ఇరాన్ సవరించిన ప్రతిపాదన ప్రకారం.. అధిక శుద్ధి చేసిన యురేనియం నిల్వలను అమెరికాకు కాకుండా రష్యాకు అప్పగించేందుకు షరతులతో కూడిన అంగీకారం తెలిపినట్లు తెలుస్తోంది. అలాగే యుద్ధ పరిహారం డిమాండ్ను కూడా ఉపసంహరించుకునేందుకు సిద్ధంగా ఉన్నట్లు సమాచారం.
మరోవైపు ఇరాన్ ఖాతమ్ అల్-అన్బియా సెంట్రల్ హెడ్క్వార్టర్స్ కమాండర్ మేజర్ జనరల్ అలీ అబ్దొల్లాహీ కూడా అమెరికా, దాని మిత్రదేశాలకు హెచ్చరికలు జారీ చేశారు. ‘‘ఇరాన్ సైన్యం గతం కంటే మరింత బలంగా సిద్ధంగా ఉంది. మా చేతులు ఇప్పటికే ట్రిగ్గర్పై ఉన్నాయి. మరోసారి తప్పు అంచనాలు వేస్తే గత యుద్ధాల కంటే తీవ్రమైన ప్రతిస్పందన ఉంటుంది’’ అని హెచ్చరించారు.
ఇక ఫార్స్ న్యూస్ ఏజెన్సీ కథనం ప్రకారం.. అమెరికా ఇరాన్పై కొన్ని కీలక షరతులు విధించింది. 400 కిలోల శుద్ధి చేసిన యురేనియంను అప్పగించడం, ఒకే అణు కేంద్రాన్ని కొనసాగించడం, యుద్ధ పరిహారం డిమాండ్ను వదిలేయడం వంటి అంశాలను అమెరికా కోరుతున్నట్లు తెలుస్తోంది. అలాగే ఇరాన్కు సంబంధించిన ఎక్కువ శాతం ఫ్రీజ్ చేసిన ఆస్తులు అలాగే కొనసాగుతాయని కూడా సమాచారం. ప్రస్తుతం ఈ పరిణామాలతో పశ్చిమాసియాలో మరోసారి యుద్ధ భయం నెలకొంది.
తాజావార్తలు
-
Koti Deepotsavam 2026 : త్రిశక్తి మహాపూజ, జోగులాంబ కల్యాణంతో ఎన్టీఆర్ స్టేడియంలో భక్తి పారవశ్యం.!
-
Telangana Congress : MLA రాజగోపాల్ రెడ్డి అసంతృప్తి వెనుక అసలు కారణమేంటి?
-
Tandoor Congress Rift: తాండూరు కాంగ్రెస్లో ఫ్లెక్సీ వార్.. బయటపడ్డ వర్గ విభేదాలు!
-
Ration Cardholders: రేషన్ కార్డుదారులకు శుభవార్త.. డిసెంబర్ 1 నుంచి షాపుల్లో అవి కూడా..
-
Ind Vs Nepal: నేపాల్పై భారత్-ఏ భారీ విజయం.. 306 పరుగుల తేడాతో వరల్డ్ రికార్డు బద్దలు..
ట్రెండింగ్
-
Smart Shopping : కొత్త బట్టల మోజుకు బ్రేక్.. మహిళల కొత్త ఫ్యాషన్ ఇదే
-
Glenn Phillips Record: మూడు ఫార్మాట్లు, ఒకే ప్రత్యర్థి, ఒకే ఏడాది.. చరిత్ర సృష్టించిన గ్లెన్ ఫిలిప్స్!
-
Glenn Phillips Record: మరో 6 పరుగులే.. అంతర్జాతీయ క్రికెట్లోనే మొదటి ఆటగాడిగా ఫిలిప్స్ చరిత్ర!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!