Iran-Mandeb: ఇరాన్ మరో జలసంధిని మూసేబోతుందా? మండేబ్‌పై సర్వత్రా టెన్షన్

పశ్చిమాసియా యుద్ధం మరింత తీవ్ర స్థాయిలోకి మారనుందా? తాజా సంకేతాలు అవే సిగ్నల్స్ ఇస్తున్నాయి. ప్రస్తుతం ఇరాన్‌పై అమెరికా, ఇజ్రాయెల్ భీకర దాడులు చేస్తుండగా.. ఇక ప్రతీకారంగా ఇరాన్ కూడా దాడులు చేస్తోంది. దీంతో పరిస్థితులు మరింత టెన్షన్‌గా మారాయి.

ఇప్పటికే హార్ముజ్‌ జలసంధిని మూసేయడంతో ప్రపంచ దేశాలు చమురు, గ్యాస్ కోసం అల్లాడిపోతున్నాయి. ఆయా దేశాల్లో చమురు సంక్షోభం తలెత్తి ధరలు ఆకాశాన్నంటుతున్నాయి. తాజాగా ప్రపంచ రవాణాకు కీలకమైన మరో సముద్ర మార్గాన్ని మూసేందుకు ఇరాన్ ప్రణాళిక సిద్ధం చేసుకున్నట్లుగా అంతర్జాతీయ మీడియా కోడైకూస్తోంది. ఎర్ర సముద్రంలో కీలక మార్గమైన బాబ్ ఎల్‑మాండెబ్ జలసంధిని కూడా క్లోజ్ చేసేందుకు రంగం సిద్ధం చేసుకునట్లుగా సంకేతాలు వెలువడుతున్నాయి.

ఇందుకు ఇరాన్ పార్లమెంట్ స్పీకర్ మోహమ్మద్ బాగేర్ గాలిబాఫ్ చేసిన వ్యా్ఖ్యలు వరల్డ్ వైడ్‌గా గుబులు పుట్టిస్తున్నాయి. ఈ స్ర్తైట్ గ్లోబల్ ట్రేడ్‌ అత్యంత ప్రాముఖ్యత కలిగి ఉందని.. అందులో అంతరాయం ఏర్పడితే దాని ప్రభావం ఎంత పెద్దదో గుర్తించాల్సిన అవసరం ఉందని వ్యాఖ్యానించారు. ‘‘బాబ్ ఎల్‑మాండెబ్ ద్వారా గ్లోబల్ ఆయిల్, ఎల్‌ఎన్‌జీ, గోధుమ, బియ్యం, ఎరువుల రవాణా ఎంత?, ఏ దేశాలు, కంపెనీలు ఈ స్ర్తైట్‌లో అత్యధిక వాల్యూమ్ రవాణాను నిర్వహిస్తున్నాయి?.’’ అని ప్రశ్నించారు.

మోహమ్మద్ బాగేర్ గాలిబాఫ్ వ్యాఖ్యలను బట్టి చూస్తుంటే.. ఇప్పటికే హార్ముజ్ జలసంధిని మూసేయడం ద్వారా ప్రపంచ దేశాలు ఎలా అల్లాడిపోతున్నాయో ప్రత్యక్షంగా కళ్లు ముందు కనిపిస్తున్నాయి. ఇప్పుడు ఇరాన్ అనుచరులైన హౌతీల చేతిలో ఉన్న బాబ్ ఎల్-మాండెబ్ జలసంధిని కూడా మూసేసి ప్రపంచ దేశాలపై ఒత్తిడి తీసుకురావాలని ఇరాన్ వ్యూహం పన్నినట్లుగా వార్తలు వినిపిస్తున్నాయి.

మాండెబ్ జలసంధిలోనే ప్రపంచ వ్యాప్తంగా ఇంటర్నెట్ సరఫరా అయ్యే డేటా కేబుళ్లు ఉన్నాయి. ఈ డేటా కేబుళ్లు గనుక హౌతీలు కట్ చేస్తే.. ప్రపంచ దేశాల్లో మొబైల్ సౌకర్యాలు, బ్యాంకింగ్ సర్వీసులు, స్టాక్ మార్కెట్లు ఘోరంగా దెబ్బతింటాయి. ముఖ్యంగా భారత్ ఆర్థిక వ్యవస్థ ఘోరంగా దెబ్బతింటుంది. అలాగే యూరప్ దేశాలు కూడా తీవ్రంగా నష్టపోతాయి. పూర్తిగా గ్లోబల్ ఎకనామీ జామ్ అయ్యే అవకాశం ఉంటుంది. ఇంధన మార్కెట్లు, ఆహార భద్రతపై తీవ్రమైన ప్రభావం చూపవచ్చు. హౌతీల కనుసన్నల్లో ఉన్న మాండెబ్ బలసంధిని కూడా మూసేస్తే మాత్రం ప్రపంచం అల్లకల్లోలం అయిపోతుంది. ఇరాన్ పార్లమెంట్ స్పీకర్ చేసిన వ్యాఖ్యలపై ప్రపంచ దేశాలు ఎలా స్పందిస్తాయో చూడాలి.

ఇది కూడా చదవండి: UP Video: దు:ఖసాగరంగా మారిన ఎస్పీ బదిలీ.. వీడ్కోలు సమయంలో వెక్కి వెక్కి ఏడ్చిన పోలీసులు

ఇది కూడా చదవండి: Maharashtra: నాసిక్‌లో ఘోరం.. బావిలో పడ్డ కారు.. ఒకే కుటుంబానికి చెందిన 9 మంది మృతి

ఇది కూడా చదవండి: US-Iran War: ‘‘మనం యుద్ధంలో ఉన్నాం’’.. పైలట్‌ గల్లంతుపై ట్రంప్ కీలక వ్యాఖ్యలు