Covid-19: మళ్లీ కరోనా మహమ్మారి.. సింగపూర్, హాంకాంగ్‌లో వేలల్లో కేసులు..

Covid-19: కొన్నాళ్లుగా సద్దుమణిగి ఉన్న కరోనా వైరస్ మళ్లీ విజృంభిస్తోంది. హాంకాంగ్, సింగపూర్‌లో వేల సంఖ్యలో కొత్త కోవిడ్-19 కేసులు నమోదు అవుతుండటం ఆందోళన కలిగిస్తోంది. ఆసియా అంతటా కొత్త కోవిడ్-19 వేవ్ వ్యాపిస్తోంది. కేసులు పెరుగుతుండటంతో అక్కడ ఆరోగ్య అధికారులు అప్రమత్తమయ్యారు. హాంకాంగ్‌లో వైరస్ కేసులు ఇప్పుడు ఎక్కువగా ఉన్నాయని నగరంలోని అరోగ్య కేంద్రం కమ్యూనికేషన్ డిసీజ్ బ్రాంచ్ చీఫ్ అల్బర్ట్ ఔ చెప్పారు.

Read Also: Shehbaz Sharif: సియాల్‌కోట్‌ ఎయిర్‌బేస్‌ను సందర్శించిన పాక్ ప్రధాని.. కారణమిదేనా?

ఇక హాంకాంగ్, సింగపూర్‌లలో కోవిడ్‌తో పాటు అడినో వైరస్, రైనో వైరస్ వ్యాప్తి ఎక్కువగా ఉంది. హాంకాంగ్‌లో చిన్న పిల్లలు ఈ వైరస్ బారిన పడుతున్నారు. సింగపూర్ ఆరోగ్య మంత్రిత్వ శాఖ ఈ నెలలో దాదాపు ఒక సంవత్సరం నాటి ఇన్ఫెక్షన్ల సంఖ్యపై తాజా అప్డేట్స్ విడుదల చేసింది. మే 3 నుంచి వారంలో కేసుల సంఖ్య అంతక ముందు వారంతో పోలిస్తే ఏకంగా 28 శాతం పెరిగి 14,200కు చేరుకుంది. అయితే, రోజూవారీ ఆస్పత్రిలో చేరడం దాదాపు 3 శాతం పెరిగింది. జనాభా రోగనిరోధక శక్తి తగ్గడం వంటి కారణాల వల్ల కేసుల పెరుగుదల ఉండవచ్చని ఆరోగ్య నిపుణులు భావిస్తున్నారు.