Bangladesh: ఉండేది పూరి గుడిసె.. 21 మంది భార్యలు..వైరల్గా బిచ్చగాడి స్టోరీ
- సోషల్ మీడియాలో ట్రెండింగ్గా మారిన బిచ్చగాడి స్టోరీ
- 21 మందిని పెళ్లి చేసుకున్న బంగ్లాదేశ్ బిచ్చగాడు
- ఆశ్చర్యపోతున్న నెటిజన్లు
- Follow Us :
-
-
Add as a preferred
source on google
నేటి కాలంలో పెళ్లికాని ప్రసాద్లు పెరిగిపోతున్నారు. కారణాలేంటో తెలియదు గానీ బ్యాచ్లర్స్ ఎక్కువైపోతున్నారు. తాజాగా కర్ణాటకలో అయితే ఓ రైతు పెళ్లి కావడం లేదని ముఖ్యమంత్రి డీకే.శివకుమార్ దగ్గరకు వెళ్లి మొర్రపెట్టుకున్నాడు. అమ్మాయి దొరకడం లేదని ఆవేదన చెందాడు. అలాంటిది ఓ బిచ్చగాడు ఒక్కరు కాదు.. ఇద్దరు కాదు.. ఏకంగా 21 మందిని పెళ్లి చేసుకున్నాడు. ఇదెలా సాధ్యమైంది? ప్రస్తుతం సోషల్ మీడియాలో ట్రెండింగ్గా మారిన ఈ స్టోరీ ఏంటో చదివేయండి.

Also Read
- Bangladesh: భారత్ నుంచే చుక్కలు చూపిస్తున్న హసీనా.. బంగ్లాదేశ్లో లాక్డౌన్!
- Asteroids: భూమి వైపు దూసుకొస్తున్న 5 గ్రహశకలాలు.. నాసా 48 గంటల పాటు అలర్ట్!
- Hindu Population: హిందూ జనాభాలో అగ్రస్థానం.. ముస్లిం జనాభాలో రెండో స్థానం.. 2070 నాటి ప్రపంచంలో భారత్లో పరిస్థితి!
- Fire Accident: నోబెల్ శాంతి బహుమతి గ్రహీత ఇంట్లో అగ్ని ప్రమాదం.. నిప్పు పెట్టిన దుండగులు..
బంగ్లాదేశ్కు చెందిన మోరు మియా(35) అనే యువకుడు బిచ్చగాడు. ఓ పూరి గుడిసెలో ఉంటూ భిక్షాటన చేస్తూ జీవిస్తున్నాడు. అలాంటి వ్యక్తిని ఒక్కరు కాదు.. ఇద్దరు కాదు.. ఏకంగా 21 మంది మహిళలు పెళ్లి చేసుకున్నారు. ప్రస్తుతం ఈ వార్త సోషల్ మీడియాలో హాట్ టాపిక్గా మారింది. కనీసం భార్యల పేర్లు కూడా చెప్పలేని బిచ్చగాడిని అంత మంది ఎలా పెళ్లి చేసుకున్నారని నెటిజన్లను ఆశ్చర్యానికి గురవుతున్నారు.
మోరు మియా బంగ్లాదేశ్ మీడియాతో మాట్లాడుతూ.. తాను ఎవరినీ పెళ్లి చేసుకోవాలని స్వయంగా కోరుకోలేదని చెప్పాడు. తనను పెళ్లి చేసుకోవాలంటూ మహిళలే తన దగ్గరకు వచ్చేవారని తెలిపాడు. ముఖ్యంగా తన కంటే వయసులో పెద్దవాళ్లు కూడా పెళ్లి ప్రతిపాదనలు చేసేవారని చెప్పాడు. తనను చూసి మహిళలకు ఏం నచ్చుతుందో తనకు తెలియదని వాపోయాడు. “నాలో వాళ్లకు ఏం కనిపిస్తుందో నాకు తెలియదు. దానికి వాళ్లే సమాధానం చెప్పాలి. మహిళలే నా దగ్గరకు వచ్చి పెళ్లి చేసుకుందామని అడుగుతారు” అని మీడియాతో చెప్పినట్లు కథనాలు పేర్కొన్నాయి. ఎవరైనా తనను పెళ్లి చేసుకోవాలని కోరినప్పుడు వారిని తిరస్కరించడం తనకు ఇష్టం ఉండేది కాదని తెలిపాడు. మహిళల పెళ్లి ప్రతిపాదనను కాదనడం అగౌరవంగా భావించేవాడినని, అందుకే అంగీకరించేవాడినని చెప్పాడు.
21 మంది భార్యలు ఉన్నప్పటికీ మోరు మియా జీవితం మాత్రం చాలా సాధారణంగా ఉంటుందని స్థానిక కథనాలు చెబుతున్నాయి. అతను ఒకే గదితో ఉన్న చిన్న ఇంట్లో నివసిస్తున్నట్లు సమాచారం. బిచ్చమెత్తడమే అతని ప్రధాన ఆదాయ వనరు. ప్రతిరోజూ బిచ్చమెత్తేందుకు వెళ్లేటప్పుడు ఒక్కో భార్య తన వెంట వస్తుందని, భార్యలు వంతుల వారీగా తనతో కలిసి బయటకు వస్తారని మోరు తెలిపినట్లు నివేదికలు పేర్కొన్నాయి. రిపోర్టర్లు మోరు మియాను అతని 21 మంది భార్యల పేర్లు చెప్పాలని అడిగారు. అయితే అతను కొంతమంది పేర్లను మాత్రమే గుర్తు చేసుకోగలిగాడు. షీలా, నర్గిస్, సెలీనా, ఆలియా, తారా, జ్యోత్స్నా, రాబియా, పారుల్ వంటి పేర్లను చెప్పినట్లు కథనాలు వెల్లడించాయి. ఇంతమంది భార్యలు ఉండటంతో అందరి పేర్లను గుర్తుపెట్టుకోవడం తనకు కష్టంగా ఉంటుందని అంగీకరించాడు.
భిన్న స్పందనలు
మోరు మియా ఇంటర్వ్యూకు సంబంధించిన వీడియోలు సోషల్ మీడియాలో వైరల్ కావడంతో నెటిజన్లు భిన్నంగా స్పందిస్తున్నారు. కొందరు అతడి పరిస్థితిని చూసి ఆశ్చర్యం వ్యక్తం చేస్తుండగా.. మరికొందరు సరదాగా కామెంట్లు చేస్తున్నారు. మరికొందరు మాత్రం ఈ కథనాన్ని మరో కోణంలో చూడాలని సూచిస్తున్నారు. సమాజంలో వివాహం కాకుండా మిగిలిపోయిన లేదా నిర్లక్ష్యానికి గురైన మహిళలకు మోరు మియా తోడుగా నిలిచి ఉండవచ్చని కొందరు అభిప్రాయపడ్డారు. “వాళ్లకు ఒక మనిషి పేరు, జీవితంపై ఆశ కావాలనే అతడిని భర్తగా అంగీకరించి ఉండొచ్చు. సమాజం తిరస్కరించిన మహిళలను అతను అంగీకరించాడు” అంటూ ఓ నెటిజన్ కామెంట్ చేశాడు. మరోవైపు.. “మహిళలను ఆకట్టుకోవడంలో అతడి టాలెంట్ను అధ్యయనం చేయాలి” అంటూ మరొకరు సరదాగా స్పందించారు. ఇంకొందరు మాత్రం ఇలాంటి ఘటనలు దక్షిణాసియా సమాజంలో మాత్రమే సాధ్యమంటూ కామెంట్లు చేశారు.
- Tags
- Bangladesh
- Beggar
- Moru Mia
తాజావార్తలు
-
Koti Deepotsavam 2026 : కోటి దీపోత్సవంలో మరో అద్భుత ఘట్టం.. కనులపండువగా లక్ష్మీనృసింహుడి కల్యాణం
-
Rahul Gandhi: ఎన్నికల బహిష్కరణపై రాహుల్ గాంధీ కీలక వ్యాఖ్యలు!
-
‘RAPO23’ లో ఊహించని ట్విస్ట్ ఇదేనట! విలన్గా ఆ సీనియర్ స్టార్?
-
TG SAFE: హైదరాబాద్లో ఫుడ్ సేఫ్టీ అధికారుల కొరడా.. కరాచీ బేకరీ సహా పలు మాంస విక్రయ కేంద్రాలపై మెరుపు దాడులు!
-
CM Revanth Reddy : రాష్ట్ర హక్కుల కోసం రాజీలేని పోరాటం.. కేసీఆర్, హరీష్పై సీఎం రేవంత్ తీవ్ర ఆగ్రహం
ట్రెండింగ్
-
Glenn Phillips Record: మరో 6 పరుగులే.. అంతర్జాతీయ క్రికెట్లోనే మొదటి ఆటగాడిగా ఫిలిప్స్ చరిత్ర!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!