Wolf 1069 b: భూమికి అత్యంత సమీపంలో భూమిలాంటి గ్రహం..

Wolf 1069 b: సౌరవ్యవస్థకు వెలుపల భూమిలాంటి గ్రహాలు ఏవైనా ఉన్నాయా..? అనే అణ్వేషన దశాబ్ధాలుగా కొనసాగుతున్నాయి. ఎక్లోప్లానెట్ కనుక్కునేందుకు శాస్త్రవేత్తలు ప్రయత్నాలు చేస్తూనే ఉన్నారు. అయితే ఇప్పటి వరకు భూమితో పోలికలు ఉన్న గ్రహాలను పదుల్లో కనుక్కున్నప్పటికీ పూర్తిగా అవి భూమి తరహా వాతావరణాన్ని కలిగి లేవు. ఈ గ్రహాలు నివాసయోగ్యంగా ఉన్నాయా..? అనే పరిశోధనలు జరుగుతూనే ఉన్నాయి.

Read Also: Narendra Modi: ప్రపంచంలోనే అత్యంత ప్రజాదరణ కలిగిన నేతగా నరేంద్రమోదీ..

ఇదిలా ఉంటే తాజాగా భూమికి అత్యంత సమీపంలో అంటే కేవలం 31 కాంతి సంవత్సరాల దూరంలో భూమి లాంటి గ్రహాన్ని కనుక్కున్నారు శాస్త్రవేత్తలు. వోల్ఫ్ 1069బిగా పిలిచే ఈ గ్రహం తన మాతృ నక్షత్రం చుట్టూ తిరుగుతోంది. కాంతి సెకనుకు 3 లక్షల కిలోమీటర్ల వేగంతో ఒక సంవత్సరంలో ఎంతదూరం ప్రయాణిస్తుందో దాన్ని ‘ కాంతి సంవత్సరం’ పిలుస్తుంటాం. ఖగోళ దూరాలతో పోలిస్తే 31 కాంతి సంవత్సరాలు అనేది చాలా తక్కువ దూరం అనే చెప్పవచ్చు. భూమి ద్రవ్యరాశి కలిగిన ఈ గ్రహాన్ని ఎంపీఐఏ శాస్త్రవేత్త డయానా కొస్సాకోవ్స్కీ నేతృత్వంలోని ఖగోళ శాస్త్రవేత్తల బృందం కనుగొంది.

వోల్ఫ్ 1069 బి అని పిలువబడే ఈ గ్రహం తన మాతృ నక్షత్రం చుట్టూ టైడల్ లాక్ పొజిషనల్ లో తిరుగుతున్నట్లు శాస్త్రవేత్తలు భావిస్తున్నారు. దీని పగటి పూట నివాసయోగ్యమైన పరిస్థితులు ఉండవచ్చని అంచానా వేస్తున్నారు. జీవావరణం, నివాసయోగ్యంగా ఉందా అనే సంకేతాలను వెతుకుతున్నారు. దాదాపుగా భూమి ద్రవ్యరాశిని కలిగిన ఈ గ్రహం, కేవలం 15.6 రోజుల్లోనే నక్షత్రం చుట్టూ తిరుగుతోంది. భూమి, సూర్యుడి మధ్య దూరంతో పోలిస్తే కేవలం 15వ వంతు దూరంలోనే ఉంది. భూమి, సూర్యుడి నుంచి పొందే కాంతిలో కేవలం 65 శాతం పొందుతోందని.. వోల్ఫ్ 1069 నక్షత్రం తక్కువ రేడియేషన్ విడుదల చేస్తోందని దీంతో నారింజ కలర్ లో కనిపిస్తోందని శాస్త్రవేత్తలు వెల్లడించారు. వోల్ఫ్ 1069 బీ, తక్కువ శక్తి కలిగిన మరగుజ్జు నక్షత్రం చుట్టూ తిరుగుతుండటం దానికి దగ్గరగా ఉన్నప్పటికీ.. హాబిటేబుల్ జోన్ లోనే ఉన్నట్లు శాస్త్రవేత్తలు చెబుతున్నారు.