Asim Munir: అసిమ్ మునీర్ వింత ఆలోచన.. డ్రోన్ల కట్టడికి వెరైటీ ప్లాన్
- అసిమ్ మునీర్ వింత ఆలోచన
- డ్రోన్ల కట్టడికి వెరైటీ ప్లాన్
- రక్షణ నిపుణుల విమర్శలు
- Follow Us :
-
-
Add as a preferred
source on google
పాకిస్థాన్ ఆర్మీ చీఫ్ అసిమ్ మునీర్ ప్రణాళిక ఆశ్చర్యం కలిగిస్తోంది. ఆప్ఘనిస్థాన్ సరిహద్దులో డ్రోన్ల ముప్పు ఎదుర్కొనేందుకు విచిత్రమైన ప్లాన్ వేశారు. ఖైబర్ పఖ్తున్ఖ్వాలో తెహ్రీక్-ఇ-తాలిబాన్ పాకిస్థాన్ (TTP) డ్రోన్ దాడులకు తెగబడుతోంది. ఈ నేపథ్యంలో దాడులను తిప్పికొట్టేందుకు సైనిక, పోలీసు చెక్పోస్టుల దగ్గర ఫిషింగ్ నెట్స్ (చేపలు పట్టే వలలు) ఏర్పాటు చేసింది. డ్రోన్ ముప్పును ఎదుర్కొనేందుకు ఈ చర్య చేపట్టినట్లు అల్ జజీరా నివేదిక పేర్కొంది. పాకిస్థాన్ ఆర్మీ చీఫ్ అసిమ్ మునీర్కు పశ్చిమ సరిహద్దుల్లో భద్రతా సవాళ్లు పెరుగుతున్న సమయంలో ఈ చర్య ప్రాధాన్యం సంతరించుకుంది. ఖరీదైన యాంటీ-డ్రోన్ వ్యవస్థలకు బదులుగా తక్కువ ఖర్చుతో ఫిషింగ్ నెట్స్ను ఏర్పాటు చేయడం ఇప్పుడు చర్చనీయాంశంగా మారింది.
అసలు ఏం జరిగింది?
అల్ జజీరా కథనం ప్రకారం.. ఏప్రిల్ 16న హంగూ జిల్లాలో జరిగిన డ్రోన్ దాడి తర్వాత ఫిషింగ్ నెట్స్ను ఏర్పాటు చేయాలనే నిర్ణయం తీసుకున్నారు. ఆ ప్రాంతం ఆఫ్ఘనిస్థాన్ సరిహద్దుకు సుమారు 30 కిలోమీటర్ల దూరంలో ఉంటుంది. సర్కీ పయాలా పోలీస్ చెక్పోస్ట్ను డ్రోన్లు లక్ష్యంగా చేసుకున్నాయి. ఆ తర్వాత TTP మిలిటెంట్లు కాల్పులు జరిపినట్లు సమాచారం. ఈ ఘటనలో ఒకరు మృతి చెందగా.. పలువురు గాయపడ్డారు. ఈ ఏడాది హంగూ జిల్లాలోనే 16 డ్రోన్ దాడులు జరిగినట్లు అల్ జజీరా పేర్కొంది. డ్రోన్ల ముప్పు కారణంగా భద్రతా సిబ్బంది బ్యారక్స్ వెలుపల తమ కదలికలను కూడా పరిమితం చేసుకుంటున్నట్లు నివేదిక తెలిపింది.
Also Read
- Lalit Modi Becomes British Citizen: లలిత్ మోడీకి బ్రిటిష్ పౌరసత్వం.. ఇక యూకేనే శాశ్వత నివాసం!
- Gaza Conflict: ఇజ్రాయెల్ డ్రోన్ దాడిలో.. హమాస్ కమాండర్ సమీర్ అబూ యూనిస్ హతం
- India-Pakistan: ఆపరేషన్ సిందూర్ తర్వాత తొలిసారి భారత్కు పాకిస్తాన్ మంత్రి!
- Shehbaz Sharif: 2050 నాటికి ఆరో అతిపెద్ద ఆర్థిక వ్యవస్థగా పాకిస్థాన్.. అప్పుల ఊబిలో ఉన్నా భారీ లక్ష్యం!
డ్రోన్లను అడ్డుకునేందుకు సాధారణంగా ఉపయోగించే ఖరీదైన యాంటీ-డ్రోన్ వ్యవస్థలకు బదులుగా పాకిస్థాన్ ఇప్పుడు ఫిషింగ్ నెట్స్ను ఉపయోగిస్తోంది. చెక్పోస్టుల చుట్టూ ఉన్న భవనాల పైకప్పులు, ప్రహరీ గోడల మధ్య ఈ వలలను బిగిస్తున్నారు. డ్రోన్ చెక్పోస్ట్పైకి వచ్చే సమయంలో వలలో చిక్కుకుని దాని ప్రొపెల్లర్లు పనిచేయకుండా పోతాయన్నది అధికారుల అంచనా. కోహట్, కరాక్, బన్నూ, లక్కీ మార్వత్, డేరా ఇస్మాయిల్ ఖాన్ ప్రాంతాల్లోని పలు సైనిక అవుట్పోస్టుల వద్ద ఈ నెట్స్ను ఏర్పాటు చేసినట్లు సమాచారం.
ఖర్చులో భారీ తేడా
ఫిషింగ్ నెట్స్ను ఉపయోగించడానికి ప్రధాన కారణం తక్కువ ఖర్చు. ఒక చెక్పోస్ట్ను ఫిషింగ్ నెట్స్తో కప్పేందుకు సుమారు 1,400 డాలర్లు ఖర్చవుతుందని అల్ జజీరా తెలిపింది. అదే సమయంలో యాంటీ-డ్రోన్ వ్యవస్థల ధరలు సుమారు 5,000 డాలర్ల నుంచి 50 లక్షల డాలర్ల వరకు ఉండొచ్చని నివేదిక పేర్కొంది. దీంతో పరిమిత వనరులతో డ్రోన్ ముప్పును ఎదుర్కొనేందుకు పాకిస్థాన్ అధికారులు తక్కువ ఖర్చుతో కూడిన మార్గాన్ని ఎంచుకున్నట్లు తెలుస్తోంది. డ్రోన్ ఫిషింగ్ నెట్లోకి దూసుకెళ్తే.. దాని ప్రొపెల్లర్లు వలలో చిక్కుకునే అవకాశం ఉంటుంది. దీంతో డ్రోన్ గాల్లోనే ఆగిపోవచ్చు లేదా దాని కదలికలు దెబ్బతినవచ్చు. ఒకవేళ డ్రోన్ వలలో చిక్కుకోకుండా దాని పైనే పేలినా.. పేలుడు శకలాలు నేరుగా నేలపై పడకుండా గాల్లోనే చెదిరిపోయే అవకాశం ఉండటంతో నష్టం కొంత మేర తగ్గవచ్చని తెలిపింది. అయితే ఈ విధానం పూర్తిస్థాయి రక్షణ కల్పించదని పాకిస్థాన్ అధికారులు కూడా అంగీకరిస్తున్నారు.
నిపుణుల విమర్శలు
ఫిషింగ్ నెట్స్ ఏర్పాటు చేయడంపై రక్షణ నిపుణులు కూడా సందేహాలు వ్యక్తం చేస్తున్నారు. అన్ని పోలీస్ స్టేషన్లు లేదా చెక్పోస్టులే డ్రోన్ల ప్రధాన లక్ష్యాలు కావని.. ప్రముఖ ప్రదేశాలను లక్ష్యంగా చేసుకుని పెద్ద ఎత్తున ప్రభావం చూపించడమే మిలిటెంట్ల ఉద్దేశమై ఉండొచ్చని సెంటర్ ఫర్ రీసెర్చ్ అండ్ సెక్యూరిటీ స్టడీస్కు చెందిన ఇమ్తియాజ్ గుల్ అభిప్రాయపడ్డారు. డ్రోన్లను ప్రయోగించిన వెంటనే వాటిని గుర్తించి అడ్డుకునే సామర్థ్యాన్ని పాకిస్థాన్ పెంచుకోవాల్సిన అవసరం ఉందని పేర్కొన్నారు.
తాజావార్తలు
-
NASA Voyager 1 to Make History: 49 ఏళ్లుగా అంతరిక్షంలో ప్రయాణం.. చరిత్ర సృష్టించనున్న NASA Voyager 1
-
U19 Asia Cup Final: పాకిస్థాన్ ప్లేయర్స్ను చూస్తేనే రగిలిపోతున్న టీమిండియా కుర్రాళ్లు.. వీడియోలు వైరల్
-
Manal Chauhan: లెక్కలేసుకుని ఆడాను.. కానీ భారత్ను గెలిపించలేకపోయా.. మనాల్ ఎమోషనల్ కామెంట్స్!
-
200MP+200MP కెమెరాలు, 100W ఫాస్ట్ ఛార్జింగ్, 1TB స్టోరేజ్ తో HONOR Magic9 Pro Max నవంబర్ 24న గ్లోబల్ లాంచ్..
-
Koti Deepotsavam Day 2: కోటి దీపోత్సవం రెండో రోజు విశేష పూజలు.. అంగరంగ వైభవంగా సుబ్రహ్మణ్య స్వామి కల్యాణం
ట్రెండింగ్
-
200MP కెమెరా, 9000mAh బ్యాటరీలతో నవంబర్ 23న HONOR 700 సిరీస్ లాంచ్..!
-
RRB NTPC Recruitment: రైల్వేలో 1688 క్లర్క్, టికెట్ కలెక్టర్ ఉద్యోగాల భర్తీకి నోటిఫికేషన్.. నేడే చివరి తేదీ.! అప్లై చేసుకున్నారా.?
-
Birsa Munda : 25 ఏళ్లకే బ్రిటిష్ సామ్రాజ్యాన్ని వణికించాడు.. బిర్సా ముండా పోరాట గాథ
-
Virat Kohli: విరాట్ కోహ్లీ ఖాతాలో చెత్త రికార్డు.. మొదటి బ్యాటర్గా.. మరీ తక్కువ మ్యాచ్ల్లోనే!
-
India All Out List: వన్డేల్లో టీమిండియాకు ఘోర పరాభవం.. 100 లోపే భారత్ ఇన్నిసార్లు ఆలౌట్ అయిందా?