China: విద్యార్థి కత్తి దాడి.. 8 మంది మృతి, 17 మందికి గాయాలు..

China: చైనాలో దారుణం జరిగింది. 21 ఏళ్ల విద్యార్థి కత్తితో దాడి చేయడంతో 8 మంది మృతి చెందారు. ఈ ఘటన చైనా తూర్పు నగరమైన వుక్సీలో జరిగింది. వుక్సీలో శనివారం సాయంత్రం సమయంలో 21 ఏళ్ల విద్యార్థి కత్తితో విచక్షణారహితంగా దాడికి పాల్పడ్డాడు. ఈ ఘటనలో 8 మంది మృతి చెందగా.. 17 మంది గాయపడ్డారు. మరణాల సంఖ్య ఇంకా పెరిగే అవకాశం ఉందని తెలుస్తోంది.

Read Also: Minister Narayana: రాష్ట్ర ఆర్థిక స్థితి పెరగాలంటే రియల్ ఎస్టేట్ రంగం అభివృద్ధి చెందాలి..

చైనాలోని దక్షిణ నగరమైన జూహైలో స్పోర్ట్స్ సెంటర్ వద్ద కారుతో పాదచారుల్ని ఢీకొట్టిన సంఘటన జరిగిన కొన్ని రోజులకే కత్తి దాడి శనివారం జరిగింది. జూహైలో ఎస్‌యూవీ కారుని వ్యాయామం చేస్తున్న ప్రజలపైకి వేగంగా పోనివ్వడంతో 30 మంది చనిపోయారు. 43 మంది గాయపడ్డారు. కారు దాడికి పాల్పడిన వ్యక్తి తన మెడ కోసుకుని, తీవ్రంగా గాయపరుచుకున్నాడు. ప్రస్తుతం అతను కోమాలో ఉన్నట్లు అక్కడి పోలీసులు వెల్లడించారు.