Arctic: ఆర్కిటిక్లో మంచు కరిగితే రూ.21లక్షల కోట్ల నష్టం?
- Follow Us :
-
-
Add as a preferred
source on google
ప్రకృతి పగబడితే ఊహించని వినాశనం తప్పదు. మంచు ఖండంగా పిలిచే ఆర్కిటిక్ ప్రాంతం ఇప్పుడు మనిషి ఉనికికే సవాల్ విసురుతోంది. అక్కడి నేల కింద గడ్డకట్టుకుపోయిన మంచు పొరలు ప్రమాదకర స్థాయిలో కరుగుతున్నాయి. ఇది చూసేందుకు సాధారణంగా అనిపించినా.. దీని వల్ల జరిగే నష్టం అంతా ఇంతా కాదు. లక్షల కోట్ల రూపాయల ఆస్తులు నేలమట్టం కాబోతున్నాయి. అసలు ఈ మంచు కరగడం ఏంటి? దీనివల్ల బహుళ అంతస్తుల భవనాలు ఎందుకు కుప్పకూలుతాయి? ఈ మహా ముప్పును శాస్త్రవేత్తలు ఎలా పసిగట్టారు? చల్లటి మంచు వెనుక ఉన్న విషాదాన్ని మీరూ తెలుసుకోండి.
ఉత్తర అర్ధగోళంలో దాదాపు 24 శాతం భూభాగం శాశ్వతంగా మంచు కిందే ఉంటుంది. ఇలా కనీసం రెండేళ్ల పాటు ఘనీభవించిన స్థితిలో ఉండే నేలను ‘పెర్మాఫ్రాస్ట్’ అంటారు. ఇప్పుడు గ్లోబల్ వార్మింగ్ కారణంగా ఈ ‘పెర్మాఫ్రాస్ట్’ అత్యంత వేగంగా కరిగిపోతోంది. ఈ శతాబ్దం మధ్య నాటికి ఆర్కిటిక్ ప్రాంతంలో పెర్మాఫ్రాస్ట్ కరగడం వల్ల విపరీతమైన మౌలిక సదుపాయాల నష్టం వాటిల్లనుంది. ఈ నష్టం విలువ ఏకంగా సుమారు 21 లక్షల 66 వేల కోట్ల రూపాయలు ఉంటుందని తాజా అధ్యయనం తేల్చింది. గతంలో జరిగిన అధ్యయనాలు ఈ నష్టాన్ని 9 లక్షల 13 వేల కోట్ల రూపాయలుగా అంచనా వేయగా.. తాజా లెక్కలు దానికి రెట్టింపు ప్రమాదాన్ని సూచిస్తున్నాయి.
ఈ ముప్పు సైబీరియా ప్రాంత వాసులకు మరింత ఎక్కువగా పొంచి ఉంది. సహజ వనరుల వెలికితీత కోసం పాత సోవియట్ యూనియన్ కాలంలో ఇక్కడ పెద్ద సంఖ్యలో బహుళ అంతస్తుల భవనాలను నిర్మించారు. ఆ భవనాల పునాదులు ఇప్పుడు ప్రమాదపు అంచున ఉన్నాయి. దశాబ్దాలుగా గడ్డకట్టి ఉన్న పెర్మాఫ్రాస్ట్ కరిగినప్పుడు అందులో నిక్షిప్తమై ఉన్న గ్రీన్ హౌస్ వాయువులు ఒక్కసారిగా బయటకు విడుదల అవుతాయి. అదే సమయంలో నేల నిర్మాణంలో వచ్చే ఊహించని మార్పులతో ఆ మంచుపై నిర్మించిన భవనాలు తీవ్రంగా దెబ్బతింటాయి. ఎర్త్స్ ఫ్యూచర్ జర్నల్లో ప్రచురితమైన తాజా అధ్యయనం ఈ తీవ్రతను ప్రపంచం ముందు ఉంచింది.
Also Read
- Marriages: "పెళ్లి వద్దు.. సింగిల్ లైఫే బెటర్".. యువత పెళ్లికి ఎందుకు దూరంగా ఉంటోంది? 4 ప్రధాన కారణాలివే..
- International Men's Day: "నువ్వు మగాడివి.. ఏడవకూడదు".. నవ్వుతూ కనిపించే ప్రతి పురుషుడి వెనుక ఓ కన్నీటి గాథ..
- Iran vs America: ఇరాన్ డర్టీ బాంబ్.. అమెరికాలో అలెర్ట్!
- El Nino: 1997ను మించిన విధ్వంసం.. నాసా బిగ్ వార్నింగ్
యూనివర్సిటీ ఆఫ్ కనెక్టికట్… జార్జ్ వాషింగ్టన్ యూనివర్సిటీ పరిశోధకులు… సుధీర్ఘమైన పరిశీలన , అధ్యయనం తర్వాత ఈ ముప్పును ప్రపంచం ముందుంచారు. గతంలో జరిగిన అధ్యయనాలు భవనాలను 2-డైమెన్షనల్ కోణంలో మాత్రమే పరిగణనలోకి తీసుకున్నాయి. దీనివల్ల నష్టం అంచనా కచ్చితంగా రాలేదు. ఇప్పుడు భవనాలను త్రీ-డైమెన్షనల్ రూపంలో మ్యాపింగ్ చేసి ఈ ప్రమాదాన్ని మరింత స్పష్టంగా అంచనా వేశారు. సింగిల్ స్టోరీ భవనాలతో పోలిస్తే బహుళ అంతస్తుల భవనాలను తిరిగి నిర్మించడానికి అయ్యే ఖర్చు చాలా ఎక్కువ కాబట్టే.. ఈ నష్టం అంచనా 21 లక్షల కోట్లకు పైగా దాటింది.
ఈ అంచనాను లెక్కించడానికి పరిశోధకులు ఆధునిక సాంకేతిక పరిజ్ఞానాన్ని ఉపయోగించారు. ఉపగ్రహ చిత్రాలకు సంబంధించిన పది టెరాబైట్ల డేటాసెట్ను ఉపయోగించి భవనాలను గుర్తించేలా డీప్ లెర్నింగ్ మోడల్కు ప్రత్యేకంగా శిక్షణ ఇచ్చారు. భవనాల ఎత్తును కచ్చితంగా కొలిచేందుకు ఆర్కిటిక్డెమ్ అనే మరో డేటాసెట్ను రంగంలోకి దించారు. నేషనల్ సైన్స్ ఫౌండేషన్, గూగుల్ నిధులతో నడిచే సూపర్ కంప్యూటర్ల సాయంతో ఈ భారీ డేటాను విశ్లేషించడం విశేషం.
వాతావరణ మార్పులతో భవిష్యత్తులో స్థానిక ఆస్తులకు ఎలాంటి ముప్పు పొంచి ఉందో తెలుసుకోవడానికి ఈ డేటా ఎంతో అద్భుతంగా పనిచేస్తుంది. పెర్మాఫ్రాస్ట్ క్షీణత నష్టాన్ని అంచనా వేయడం ఆర్కిటిక్ స్థానిక ప్రభుత్వాల ముందస్తు ప్రణాళికలకు చాలా అవసరం. సాంకేతిక పరిజ్ఞానం లేని చిన్న కమ్యూనిటీలు ప్రమాదాల నుంచి తమను తాము కాపాడుకోవడానికి ఈ అధ్యయనం మార్గనిర్దేశం చేస్తుంది. ఈ విలువైన డేటాను అంతర్జాతీయ సంస్థల సహకారంతో పెర్మాఫ్రాస్ట్ డిస్కవరీ గేట్వే ద్వారా ప్రజలకు అందుబాటులో ఉంచారు. ప్రస్తుతం నివాస భవనాలపై దృష్టి పెట్టిన ఈ పరిశోధనను.. భవిష్యత్తులో ఆర్కిటిక్ పారిశ్రామిక రంగాలకు సైతం వర్తించేలా తీర్చిదిద్దనున్నారు.
- Tags
- Explainers in Telugu
తాజావార్తలు
-
Lava Smart 4 Pro: 7,000mAh బ్యాటరీతో Lava Smart 4 Pro లాంచ్.. ధర రూ.10,999 మాత్రమే.. ఫీచర్లు ఇవే!
-
Hanuman Ansh: రూ.452 కోట్లు కొల్లగొట్టినా ఎవరూ పట్టించుకోలేదు.. ‘హనుమాన్ అంశ్’ డైరెక్టర్ అసంతృప్తి!
-
Samantha: సమంత, రాజ్ దంపతులకు పండంటి మగబిడ్డ.. ముద్దుల కుమారుడి పేరు ఇదే..
-
Shiva Kandukuri Marriage: టాలీవుడ్లో పెళ్లిళ్ల సందడి.. పెళ్లిపీటలెక్కబోతున్న మరో టాలీవుడ్ హీరో!
-
Chiranjeevi Letter: మెగాస్టార్ చిరంజీవి లేఖ.. అమిత్ షాకు అందజేసిన కిషన్ రెడ్డి!
ట్రెండింగ్
-
Glenn Phillips Record: మూడు ఫార్మాట్లు, ఒకే ప్రత్యర్థి, ఒకే ఏడాది.. చరిత్ర సృష్టించిన గ్లెన్ ఫిలిప్స్!
-
Glenn Phillips Record: మరో 6 పరుగులే.. అంతర్జాతీయ క్రికెట్లోనే మొదటి ఆటగాడిగా ఫిలిప్స్ చరిత్ర!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!