పండంటి మగబిడ్డకు జన్మనిచ్చి .. బాత్రూమ్ లో ఎందుకమ్మా ఆ పని

పెద్దపల్లి జిల్లాలో దారుణం ఉంది. హాస్పిటల్ బాత్రూమ్ లో ఒక బాలింత ఆత్మహత్య చేసుకోవడం స్థానికంగా సంచలనం రేపుతోంది. వివరాల్లోకి వెళితే..రొంపికుంటకు చెందిన ఉమ అనే మహిళకు 2009లో వివాహం జరిగింది. ఎన్నో ఏళ్ళ తర్వాత ఈ ఏడాదే ఆమె గర్భం దాల్చింది. డిసెంబర్ 11న ప్రసవం కోసం ఆసుపత్రిలో చేరిన ఆమె మరుసటి రోజు మగబిడ్డకు జన్మనిచ్చింది. ఆపరేషన్ చేసి బిడ్డను బయటికి తీసిన వైద్యులు ఆమెకు కుట్లు వేసి 10 రోజులు హాస్పిటలోనే ఉండాలని సూచించారు.

https://ntvtelugu.com/find-the-dead-body-of-a-mother-in-her-son-s-room/

అయితే గత 10 రోజులలో వైద్యులు రెండుసార్లు కుట్లు వేసినప్పటికీ ఆ గాయాలు మానడం లేదు. దీంతో సోమవారం మళ్లీ ఆమెకు కుట్లు వేయాలని వైద్యులు నిర్ణయించారు. ఆ గాయాల బాధ తట్టుకోలేని ఆమె ఆదివారం తెల్లవారుజామున హాస్పిటల్ బాత్రూమ్ లో ఆత్మహత్య చేసుకొంది. ఉదయం బాత్రూమ్ క్లీన్ చేయడానికి వచ్చిన సిబ్బంది అక్కడ మృతదేహాన్ని చూసి ఖంగుతిన్నారు. ఈ సిజేరియన్ గాయాల నొప్పి భరించలేక ఆమె మృతిచెందినట్లు వైద్యులు తెలిపారు. అయితే వైద్యుల నిర్లక్ష్యం వలనే తన భార్య మృతిచెందినట్లు ఆమె కుటుంబ సభ్యులు ఆరోపిస్తన్నారు. ఈ ఘటనపై కేసు నమోదు చేసుకున్న పోలీసులు విచారణ చేపట్టారు.