UP Crime: ఉత్తర్ ప్రదేశ్ రాష్ట్రంలో దారుణం జరిగింది. జిమ్ ట్రైనర్ మైనర్ బాలికపై అత్యాచారానికి ఒడిగట్టాడు. బాధితురాలు శిక్షణ పొందుతున్న జిమ్లోనే ఆమెపై అఘాయిత్యానికి పాల్పడ్డాడు. ఈ ఘటన రాష్ట్రంలోని కాన్పూర్ నగరంలో చోటు చేసుకుంది. ఏడాదిన్నర క్రితం దాఖలైన ఫిర్యాదుపై పోలీసులు చర్యలు తీసుకోకపోవడంతో, అలహాబాద్ హైకోర్టు జోక్యంతో నిందితుడిని అరెస్ట్ చేశారు.
Read Also: King Charles: బెంగళూరులో బ్రిటన్ రాజు చార్లెస్ రహస్య పర్యటన.. దేనికోసమంటే..!?
2011లో 11వ తరగతి చదువుతున్న బాధితురాలు ఫజల్గంజ్ ప్రాంతంలో జిమ్లో చేరినప్పుడు ఈ ఘటన జరిగింది. ట్రైనర్ అర్జున్ సింగ్ మొదట బాలిక వివరాలను తెలుసుకోవడానికి ప్రయత్నించాడు, ఇందుకు ఆమె అంగీకరించలేదు. తన నెంబర్ పొందేందుకు జిమ్ ఆపరేటర్కి సింగ్ రూ. 20,000 ఇచ్చాడని, తనని కలవాలని ఒత్తిడి తెచ్చాడని బాలిక చెప్పింది. అత్యాచారానికి ముందు తనకు మత్తు మందు ఇచ్చినట్లు బాధితురాలు వెల్లడించింది.
తనకు జిమ్లో ఒక పదార్థాన్ని ఇవ్వడం ప్రారంభించినట్లు, ఇది తన వ్యవసనానికి దారి తీసిందని , సింగ్ తనను తన ఇంటికి పిలిపించి, మత్తు మందు ఇచ్చి, తనపై పలుమార్లు అఘాయిత్యానికి పాల్పడినట్లు ఆమె చెప్పింది. ఈ ఘటనను వీడియోలో రికార్డ్ చేసి, బెదిరించాడని, విషయం ఎవరికి చెప్పొద్దని హెచ్చరించినట్లు బాలిక ఆరోపించింది. చివరకు బాలిక ఈ వేధింపుల గురించి కుటుంబీలకు చెప్పడంతో, వారు పోలీసులకు ఫిర్యాదు చేశారు. అయితే, ముందుగా పోలీసులు చర్యలు తీసుకోకపోవడంతో అలహాబాద్ హైకోర్టుని ఆశ్రయించారు. ప్రస్తుతం కేసు విచారణలో ఉంది.
