Lover Attacked: బ్యూటీషియన్‌ పై కత్తితో దాడి… యువతి మృతి..

Lover Attacked: బ్యూటీషియన్ పై కత్తితో దాడి చేసిన ఘటన నగరంలో కలకలం రేపింది. ఈ దాడిలో యువతి మృతి చెందగా, మరో ముగ్గురు తీవ్రంగా గాయపడ్డారు. ఈ ఘటన గచ్చిబౌలి పోలీస్ స్టేషన్ పరిధిలో చోటుచేసుకుంది.

పశ్చిమ బెంగాల్‌కు చెందిన దీపనా తమంగ్ అనే యువతి నల్లగండ్లలోని అపర్ణలో బ్యూటీషియన్‌గా పనిచేస్తోంది. దీపన గచ్చిబౌలి తన స్నేహితులతో కలిసి గోపన్ పల్లి తండా సమీపంలో నివసిస్తోంది. కొంతకాలం క్రితం దీపాన కర్ణాటకలో ఉన్న రాకేష్‌ను కలిశారు. ఆ పరిచయం కొద్ది రోజుల్లోనే ప్రేమగా మారింది. అతనితో సహజీవనం చేసినట్లు సమాచారం. అయితే దీపనను పెళ్లి చేసుకోవాలని రాకేష్ కొద్ది రోజులుగా వేధిస్తున్నాడు. కానీ దీపన పెళ్లికి నిరాకరిస్తూ వస్తుంది. ఎందుకు పెళ్లి నిరాకరిస్తున్నావంటూ రాకేష్, దీపను నిలదీయడంతో చివరకు పెళ్లి చేసుకోనంటూ తెగేసి చెప్పింది. దీంతో దీపనపై కోసం పెంచుకున్న రాకేష్ ఆమెను చంపేయాలని ప్లాన్ వేశాడు.

Read also: MLC Kavitha: నేడు కేసీఆర్‌ను కలువనున్న ఎమ్మెల్సీ కవిత..

దీంతో గత రాత్రి రాకేష్ దీపన ఇంటికి వెళ్లి గొడవ పడ్డాడు. దీంతో ఆవేశానికి లోనైన రాకేష్ అక్కడే ఉన్న కూరగాయలు కట్ చేసే కత్తితో యువతిపై దాడి చేశాడు. రక్తపు మడుగులో ఉన్న యువతిని ఆసుపత్రికి తరలించారు స్థానికులు. చికిత్స పొందుతూ దీపన మృతి చెందింది. దాడిని ఆపేందుకు ఆమె స్నేహితులు ప్రయత్నించారు. రాకేష్ వారిపై కూడా దాడి చేశాడు. దీంతో ముగ్గురికి గాయాలయ్యాయి. అనంతరం అక్కడి నుంచి మెయినాబాద్ సమీపంలోని కనకమామిడికి వెళ్లి రాకేష్ ఆత్మహత్యకు పాల్పడ్డాడు. విద్యుత్ స్తంభం ఎక్కేందుకు ప్రయత్నించి విద్యుత్ షాక్‌కు గురయ్యాడు. స్థానికులు అతడిని చికిత్స నిమిత్తం కనకమామిడి సమీపంలోని ఆస్పత్రికి తరలించారు. గచ్చిబౌలి పోలీసులు కేసు నమోదు చేసి దర్యాప్తు చేస్తున్నారు.
Wrong Driving: దిమ్మతిరిగే షాక్.. రాంగ్ రూట్ లో వెళ్తే లైసెన్స్ లు రద్దు..