Crime News: దారుణం.. ఆ పనిచేసిందని.. భార్యను చంపి, ముక్కలు చేసిన భర్త

Crime News: అనుమానం.. ఒక పెనుభూతం. ఒక్కసారి మనిషి మెదడులోకి అనుమానం వచ్చిందంటే.. చచ్చేవరకు పోదు. ఆ అనుమానంతో ఏదైనా చేయడానికి రెడీ అవుతారు కొందరు. తాజాగా ఒక భర్త అనుమానం.. భార్య ప్రాణాలు తీసేసింది. ఆమె వేరొక వ్యక్తితో ఎఫైర్ పెట్టుకుందని అనుమానించిన భర్త.. ఆమెని అతి క్రూరంగా హత్య చేసిన ఘటన ఛత్తీస్ ఘర్ లో వెలుగుచూసింది. భార్య మీద అనుమానంతో భర్త.. అతి క్రూరంగా చంపి, ముక్కలు ముక్కలు చేసి వాటర్ ట్యాంక్ లో పడేసిన ఘటన ప్రస్తుతం సంచలనం సృష్టిస్తోంది. పోలీసులు తెలిపిన వివరాలు ఇలా ఉన్నాయి.

తఖత్ పూర్ గ్రామానికి చెందిన పవన్ సింగ్ ఠాకూర్, సతీ సాహును కులాంతర వివాహ చేసుకున్నాడు. ఇక పెళ్లి తరువాత ఈ జంట ఉస్లాపూర్ లో అద్దె ఇంట్లో కాపురం పెట్టారు. ఇక కొన్నేళ్లు బాగానే ఉన్న ఈ జంట మధ్య వివాదాలు నెలకొన్నాయి. చీటికీ మాటికీ ఇద్దరు గొడవలు పడుతుండేవారు. ఇక గత కొన్ని రోజుల నుంచి పవన్.. భార్య వేరొకరితో ఎఫైర్ పెట్టుకుందని అనుమానం పెంచుకున్నాడు. ఇదే విషయమై నిత్యం భార్యతో గొడవకు దిగేవాడు. ఇక కొన్నిరోజుల నుంచి సతీ ఇంట్లో కనిపించడం లేదు.. రెండు రోజుల నుంచి వారి ఇంటి పైకప్పు నుంచి దుర్వాసన రావడంతో అనుమానించిన పక్కింటివారు పోలీసులకు ఫిర్యాదు చేశారు.

ఇక సమాచారం అందుకున్న పోలీసులు సంఘటనా స్థలానికి చేరుకొని అక్కడ ఉన్న వాటర్ ట్యాంక్ లో చూసి ఖంగుతిన్నారు. ఒక మహిళ శరీరం ముక్కలు ముక్కలుగా చేసి అందులో పడేశారు.. వెంటనే పోలీసులు మిగిలి ఉన్న శరీర ముక్కలను ల్యాబ్ కు పంపించగా వారు ఆమెను సతీ సాహుగా గుర్తించారు. ఇక భార్యను అతి క్రూరంగా చంపింది తన భర్తే అని పోలీసులు అతడిని అరెస్ట్ చేసి విచారించగా.. తన భార్య వేరొకరితో ఎఫర్ పెట్టుకుందని అనుమానం వచ్చిందని, దాని మీద ఇద్దరికీ గొడవ జరిగిందని.. ఆ కోపంలో భార్యను తానే హత్యచేసినట్లు చెప్పుకొచ్చాడు. ఎవరికి దొరకకుండా శవాన్ని ముక్కలు చేసి వాటర్ ట్యాంక్ లో వేసినట్లు చెప్పుకొచ్చాడు. ప్రస్తుతం అతనిని అరెస్ట్ చేసి పోలీసులు కోర్టులో హాజరుపరచనున్నారు.