Triangle Love: ‘‘ట్రయాంగిల్ లవ్ స్టోరీ’’ చివరకు విషాదంగా మారింది. అమ్మాయి కోసం ఇద్దరు స్నేహితులు గొడవ పడటం హత్యకు దారి తీసింది. ఈ ఘటన బెంగళూర్ లోని సంజయ్నగర్ పోలీస్ స్టేషన్ పరిధిలో జరిగింది. 24 ఏళ్ల వరుణ్ కోటియన్ అనే యువకుడి హత్య జరిగింది. ఉడిపికి చెందిన వరుణ్ని అతడి స్నేహితుడు దివేష్(25) బెంగళూర్లోని గెద్దలహళ్లీలో అద్దెకు ఉంటున్న ఇంట్లో హత్య చేశాడు.
Read Also: RK Roja: అవన్నీ వెంటనే డిలీట్ చేయండి.. ఆర్కే రోజా హెచ్చరిక
వివరాల ప్రకారం.. వరుణ్, దివేస్ ఇద్దరూ ఒక అమ్మాయిలో స్కూల్ డేస్ నుంచి స్నేహిం చేస్తున్నారు. దివేష్, సదరు అమ్మాయి గత కొంత కాలంగా రిలేషన్లో ఉన్నారు. ఈ విషయం తెలిసి కూడా వరణ్ ఆమెకు సన్నిహితంగా ఉంటూ వస్తున్నాడు. అమ్మాయి రిసెప్షనిస్ట్గా పనిచేస్తుండగా, దివేష్ జొమాటోలో ఉద్యోగం చేస్తున్నాడు. వరణ్ బాగలూర్లో ఒక కంపెనీలో సేఫ్టీ ఆఫీసర్గా పనిచేస్తున్నాడు. వరణ్, అమ్మాయి సన్నిహితంగా ఉండటంపై దివేష్ తరుచుగా గొడవ పడుతుండే వాడు.
ఈ నేపథ్యంలోనే శనివారం ఉదయం దివేశ్, వరణ్ తలపై బలమైన వస్తువుతో కొట్టి చంపాడు. దీనికి ముందు ఇద్దరి మధ్య తీవ్ర వాగ్వాదం చోటు చేసుకుందని తెలుస్తోంది. సంజయ్ నగర్ పోలీసులు దివేష్ని అదుపులోకి తీసుకుని విచారిస్తున్నామని చెప్పారు.