A Teenager Took His Life By Jumping From 16th Floor Over Hair Cur Issue In Maharashtra: ఇప్పుడంతా సోషల్ మీడియా ట్రెండ్ నడుస్తోంది కాబట్టి.. చిన్న చిన్న పిల్లలు సైతం స్టైలిష్గా తయారవుతున్నారు. నలుగురిలో అందంగా కనిపించేందుకు.. ప్రతి విషయంలోనూ చాలా జాగ్రత్తలు తీసుకుంటున్నారు. కాళ్లకు వేసుకునే షూస్ దగ్గర నుంచి హైయిర్ కట్ దాకా.. ప్రతీదీ స్టైలిష్గా మలుచుకోవడంలో దృష్టి సారిస్తున్నారు. మరీ ముఖ్యంగా.. హెయిర్ కట్ విషయంలో మరీ పకడ్బందీగా ఉంటున్నారు. హెయిర్ స్టైల్ ఎంత బాగుంటే.. లుక్ పరంగా చూడ్డానికే అంతే అందంగా ఉంటారు కాబట్టి, ట్రెండ్కి తగినట్టు స్టైలిష్ హెయిర్ కట్ చేయించుకుంటున్నారు. ఒకవేళ హెయిర్ కట్ తేడా కొడితే.. ఇంటి నుంచి బయటకు రావడానికి కూడా ఇష్టపడట్లేదు. దీన్ని బట్టి.. ఈ తరం యువకులు హెయిర్ కట్ విషయంలో ఎంత సీరియస్గా ఉన్నారో అర్థం చేసుకోవచ్చు.
Extramarital Affair: దారుణం.. నాలుగు నెలల గర్భిణిని బలి తీసుకున్న ‘వివాహేతర సంబంధం’
అయితే.. మహారాష్ట్రకు చెందిన ఓ టీనేజర్ మాత్రం ఎవ్వరూ ఊహించని పని చేశాడు. బార్బర్ చేసిన హెయిర్ కట్ నచ్చకపోవడంతో తీవ్ర మనస్తాపానికి గురైన అతగాడు.. ఏకంగా తన ప్రాణాలే తీసుకున్నాడు. ఈ ఘటన వివరాల్లోకి వెళ్తే.. మహరాష్ట్రలోని భయాందర్ ప్రాంతానికి చెందిన 13 ఏళ్ల బాలుడు జుట్టు విపరీతంగా పెంచుకోవడంతో, అతని కుటుంబ సభ్యులు ఆ బాలుడికి హెయిర్ కట్ చేయించారు. అయితే.. బార్బర్ చేసిన హెయిర్ కట్ ఆ బాలుడికి ఏమాత్రం నచ్చలేదు. ఇంటికి వెళ్లిన తర్వాత పదే పదే అద్దంలో చూసుకుంటూ.. తనకు ఆ హెయిర్ స్టైల్ నచ్చలేదని ఆగ్రహం వ్యక్తం చేశాడు. కొన్ని రోజుల్లో జుట్టు పెరుగుతుందని కుటుంబ సభ్యులు చెప్పినా.. అతని కోపం చల్లారలేదు. అతడు ఓవైపు లోలోపలే కుమిలిపోతూనే.. మరోవైపు కోపాన్ని ప్రదర్శించాడు. ఒకానొక దశలో అతని కోపం నషాళానికి ఎక్కింది.
Woman Dances: ఢిల్లీ మెట్రో ప్లాట్ఫారమ్పై యువతి డ్యాన్స్.. నెటిజన్లు రియాక్షన్ ఇది..
ఆ కోపంలో ఆ బాలుడు నేరుగా బాత్రూంలోకి వెళ్లాడు. ఎంతసేపటికీ బయటకు రాలేదు. అనంతరం బాత్రూం కిటికీ తెరిచి.. 16వ అంతస్తు నుంచి కిందకు దూకేశాడు. ఈ ఘటనలో అతడు తీవ్ర గాయాలపాలవ్వడంతో.. అక్కడికక్కడే మృతి చెందాడు. కేవలం హెయిర్ కట్ నచ్చలేదని క్షణికావేశంలో ఆ బాలుడు తీసుకున్న నిర్ణయం.. కుటుంబంలో తీవ్ర విషాదం నింపేసింది. తమకు అండగా ఉంటాడనుకున్న కుమారుడు.. ఇలా అర్థాంతరంగా ప్రాణాలు తీసుకోవడంతో తల్లిదండ్రులు కన్నీరుమున్నీరు అవుతున్నారు. మరోవైపు.. ఈ ఘటన సమాచారం అందుకున్న పోలీసులు వెంటనే సంఘటనా స్థలానికి చేరుకొని, కేసు నమోదు చేసి, దర్యాప్తు చేస్తున్నారు.
