Isha Ambani: ఇషా అంబానీ శారీ ప్రత్యేకతలు ఏంటో తెలిస్తే మైండ్ బ్లాకే..

రిలయన్స్ రిటైల్ మేనేజింగ్ డైరెక్టర్ ఇషా అంబానీ మంగళవారం మెట్ గాలా 2024లో మెరిసింది.. ఆమె ఫ్యాషన్ ఐకాన్ గురించి ప్రత్యేకంగా చెప్పాల్సిన పనిలేదు.. ఆ విషయంలో తల్లికి ఏ మాత్రం తగ్గదు.. తాజాగా ఈ ఏడాది జరిగిన మెట్ గాలా ఈవెంట్ లో ప్రత్యేకంగా కనిపించింది.. అదిరిపోయే శారీలో కనిపించి అందరిని ఆకట్టుకుంది.. ప్రముఖ భారతీయ డిజైనర్ రాహుల్ మిశ్రా ఈ శారీని డిజైన్ చేశారు.. ఆ చీర ఫోటోలు సోషల్ మీడియాలో తెగ వైరల్ అవుతున్నాయి..

కస్టమ్-మేడ్ హ్యాండ్ ఎంబ్రాయిడరీ కోచర్ చీరను ఇషా ధరించారు. పై పువ్వులు, సీతాకోక చిలుకలు మరియు తూనీగలు వంటి సున్నితమైన ఎంబ్రాయిడరీ సిగ్నేచర్ మోటిఫ్‌లను కలిగి ఉంది.. ఆ చీరను పూర్తి చేయడానికి దాదాపు 10,000 గంటలు సమయం పట్టిందని తెలుస్తుంది.. అంటే 14 నెలల సమయం పట్టిందని సమాచారం..

ఆ స్పెషల్ శారీతో పాటుగా ఆమె మేకప్ కూడా న్యాచురల్ గా చాలా బాగుంది.. మొత్తానికి ఆ ఈవెంట్ కు హైలెట్ గా నిలిచింది. ప్రముఖ వ్యాపార వేత్త ముకేశ్ అంబానీ కూతురు ఇషా అంబానీ గురించి ప్రత్యేక పరిచయాలు అవసరం లేదు.. పలు వ్యాపారాల్లో రానిస్తుంది.. వ్యాపార వేత్త మాత్రమే కాదు.. ఫ్యాషన్ ఐకాన్ కూడా.. ట్రెండ్ కు తగ్గట్లే ఉంటుంది.. ఈ ఈవెంట్ లో ఇషా అంబానీ గ్రాండ్ లుక్ ఫోటోలు ప్రస్తుతం సోషల్ మీడియాలో తెగ వైరల్ అవుతున్నాయి.. ఓ లుక్ వేసుకోండి.