Vasant Panchami 2026 : చదువుల తల్లిని పూజించే వేళ.. పొరపాటున కూడా ఈ పనులు చేయకండి.!

వసంత పంచమి కేవలం ఒక పండుగ మాత్రమే కాదు, అది జ్ఞాన సముపార్జనకు నాంది పలికే రోజు. ఈ రోజున చేసే చిన్న తప్పులు కూడా విద్యార్థులపై లేదా కుటుంబంపై ప్రతికూల ప్రభావం చూపుతాయని ధర్మశాస్త్రాలు చెబుతున్నాయి. వసంత కాలం అంటేనే ప్రకృతి పునర్జన్మ పొందే సమయం. చెట్లు చిగుర్చి, పూలు పూసే ఈ కాలంలో పచ్చని చెట్లను కొట్టడం లేదా మొక్కలను నరకడం వంటివి చేయకూడదు. ఈ రోజున ప్రకృతికి హాని చేయడం అంటే సృష్టిని అవమానించడమే. వీలైతే ఈ రోజున కొత్త మొక్కలను నాటడం వల్ల శుభ ఫలితాలు కలుగుతాయి.

Netanyahu: ‘బోర్డ్ ఆఫ్ పీస్‌‌’పై మనసు మార్చుకున్న నెతన్యాహు.. ట్రంప్ ప్రతిపాదనకు…!

వసంత పంచమి రోజున పసుపు రంగుకు అత్యంత ప్రాధాన్యత ఉంటుంది. పసుపు రంగు జ్ఞానానికి, ఉత్సాహానికి చిహ్నం. ఈ శుభదినాన నలుపు లేదా ముదురు రంగు దుస్తులను ధరించకూడదు. నలుపు రంగు ప్రతికూలతకు సంకేతంగా భావిస్తారు, కాబట్టి తెలుపు లేదా పసుపు రంగు దుస్తులు ధరించి దేవిని ఆరాధించడం ఉత్తమం. ఏ పండుగ రోజైనా సాత్విక ఆహారం తీసుకోవడం మన సంప్రదాయం. ముఖ్యంగా జ్ఞాన ప్రదాత అయిన సరస్వతీ దేవిని పూజించే వసంత పంచమి నాడు మాంసాహారం తీసుకోవడం, మద్యం సేవించడం వంటివి అరిష్టంగా భావిస్తారు. ఉల్లి, వెల్లుల్లి వంటి తామసిక పదార్థాలకు దూరంగా ఉండి, దేవికి ఇష్టమైన తీపి పదార్థాలను నైవేద్యంగా సమర్పించాలి.

సరస్వతీ దేవి వాక్కుకు అధిదేవత. మన నోటి నుండి వచ్చే ప్రతి మాట ఆమె స్వరూపమే. అందుకే ఈ రోజున ఎవరినీ తిట్టకూడదు, అబద్ధాలు చెప్పకూడదు. కఠినమైన మాటలు మాట్లాడటం వల్ల ఇంట్లో ప్రశాంతత దెబ్బతింటుంది. సాధ్యమైనంత వరకు మౌనంగా ఉంటూ దేవి నామస్మరణ చేయడం లేదా పుస్తక పఠనం చేయడం మంచిది. విద్యార్థులు ఈ రోజున తమ పుస్తకాలను, పెన్నులను దేవి దగ్గర పెట్టి పూజిస్తారు. పుస్తకాలపై కాళ్లు పెట్టడం, వాటిని నేలపై పడేయడం వంటివి చేయకూడదు.

జ్ఞానానికి మూలమైన వస్తువులను గౌరవించినప్పుడే సరస్వతీ కటాక్షం లభిస్తుంది. అలాగే, ఈ రోజున జుట్టు కత్తిరించుకోవడం (క్షౌరకర్మలు) లేదా గోళ్లు కత్తిరించుకోవడం వంటివి చేయకపోవడం మేలని పెద్దలు చెబుతుంటారు. వసంత పంచమి నాడు కేవలం బాహ్యమైన పూజలు మాత్రమే కాదు, అంతర్గతమైన క్రమశిక్షణ కూడా ముఖ్యం. పైన పేర్కొన్న నియమాలను పాటిస్తూ, స్వచ్ఛమైన మనసుతో ఆ శారదా దేవిని వేడుకుంటే విద్యాబుద్ధులతో పాటు సకల శుభాలు చేకూరుతాయి.

Kavitha: ఆ రోజే బీఆర్ఎస్, కాంగ్రెస్ మంత్రుల అవినీతిపై ర్యాంకులు ప్రకటిస్తాం..