సోమవారం శివుడికి చాలా ప్రత్యేకమైన రోజు.. ఈరోజు మనసులో కోరుకున్న కోరికలు అన్ని వెంటనే నెరవేరుతాయి.. ప్రతి సోమవారం ఉత్తరాభిముఖంగా 108 సార్లు ‘ఓం నమః శివాయ’ అనే శివ మంత్రాన్ని క్రమం తప్పకుండా జపిస్తే శివుడు ప్రసన్నం అవుతాడని ప్రజలు నమ్ముతారు.. అంతేకాదు శివుడు అభిషేక ప్రియుడు.. భక్తితో ఆయనను స్మరిస్తే కోరికలు తీరుస్తాడు..
మానసిక ఒత్తిడితో బాధపడుతున్నట్లయితే సోమవారం రోజున పంచదార కలిపిన పాలతో శివునికి అభిషేకం చేయండి. ఇలా చేయడం వల్ల ఒత్తిడి తగ్గుతుందని నమ్మకం. అలాగే జ్ఞానం లభిస్తుంది… శారీరక వ్యాధులతో బాధపడుతుంటే సోమవారం రోజున శివునికి పంచామృతంతో అభిషేకం చేయాలి. ఇలా చేయడం వల్ల శివయ్య అనుగ్రహంతో రోగాల నుంచి విముక్తి లభిస్తుందని విశ్వాసం.. ఇక దరిద్రం పోయి ఆర్థిక లాభాలను పొందుతారు..
మనసులో భయం, దిగులుగా ఉంటే శివుడికి ఉత్తరాభిముఖంగా శివుని అనుగ్రహం కోసం ‘శివరక్షా స్తోత్రాన్ని’ పఠించాలి. ఇలా చేయడం వల్ల ఆత్మవిశ్వాసం పెరుగుతుంది.. మనసులో భయం పోవడం మాత్రమే కాదు.. ప్రశాంతంగా ఉండాలి.. ఇక జీవితంలో ఆర్థిక సమస్యలను ఎదుర్కొంటున్నట్లయితే, సోమవారం నాడు శివుడిని పూజించండి. దీని తరువాత శివుని ‘శివ్ 3 స్తోత్రం’ పఠించండి. ఇలా చేయడం వల్ల డబ్బుకు సంబంధించిన సమస్యలన్నీ తొలగిపోతాయని నమ్మకం.. డబ్బులకు డోకా ఉండదు.. ఇక చివరగా చంద్రశేఖర స్తోత్రాన్ని’ పఠించాలి, ఇలా చేయడం వల్ల చంద్రుడు బలపడతాడు. అంతే కాకుండా సోమవారమే రామాయణంలోని అయోధ్యకాండ పారాయణం చేయాలి.. ఇలా శివుడికి పరిహారాలు చేయిస్తే మీ కోరికలు వెంటనే నెరవేరుతాయి..
