Honda Vario EVO 160: హోండా వారియో ఇవో 160 స్కూటర్‌ విడుదల.. యమహా ఏరోక్స్ 155కు గట్టి పోటీ!

ప్రఖ్యాత ద్విచక్ర వాహన తయారీ సంస్థ Honda ఇండోనేషియా మార్కెట్లో తన కొత్త వారియో ఇవో 160 (Vario EVO 160) మ్యాక్సీ-స్కూటర్‌ను విడుదల చేసింది. ఆకర్షణీయమైన డిజైన్, శక్తివంతమైన 160cc ఇంజన్, ఆధునిక ఫీచర్లతో వచ్చిన ఈ స్కూటర్ యువతను ఆకట్టుకునేలా రూపొందించారు. ఇండోనేషియాలో ప్రారంభ ధర IDR 28,525,000 (సుమారు రూ.1.49 లక్షలు)గా నిర్ణయించారు.

కొత్త హోండా వారియో EVO 160 విడుదలతో, పాత మోడల్ నిలిపివేశారు. ఈ కొత్త వెర్షన్ మూడు వేరియంట్లలో అందుబాటులో ఉంది. CBS బేస్ వేరియంట్ ధర IDR 28,525,000 (సుమారు రూ.1.49 లక్షలు). వారియో EV 160 CBS నైట్రో ధర రూ.28,775,000 (సుమారు రూ.1.51 లక్షలు). టాప్-ఆఫ్-ది-లైన్ వారియో EVO 160 ABS ధర IDR 31,406,000 (రూ.1.64 లక్షలు). ఇండోనేషియాలోని ఏరాక్స్ ఆల్ఫాలో అప్ డేటెడ్ ఫీచర్లలో ముందు-వెనుక డిస్క్ బ్రేకులు, ఇంటిగ్రేటెడ్ డాంపర్లు, ఫుల్ కలర్ TFT డిస్‌ప్లే ఉన్నాయి.

పనితీరు ఎలా ఉంది?

హోండా వారియో EV 160 స్కూటర్‌లో 160cc, 4-వాల్వ్ eSP+ లిక్విడ్-కూల్డ్ ఇంజన్ ఉంది. ఇది 15 hp శక్తిని, 14 Nm టార్క్‌ను ఉత్పత్తి చేస్తుంది. దీనికి ఆటోమేటిక్ V-Matic ట్రాన్స్‌మిషన్ జత చేశారు. ఈ స్కూటర్ గరిష్ట వేగం గంటకు 109 కిలోమీటర్లు. ఇందులో ABS, కాంబి-బ్రేక్, ACG స్టార్టర్, ఐడ్లింగ్ స్టాప్ వంటి ఫీచర్లు కూడా ఉన్నాయి.

యమహా ఏరోక్స్ ఆల్ఫా 155cc ఇంజన్‌తో పనిచేస్తుంది. ఇది 15hp పవర్, 14.2Nm టార్క్‌ను ఉత్పత్తి చేస్తుంది. దీని ఫీచర్లలో సిటీ డ్రైవింగ్ కోసం T-మోడ్, స్పోర్ట్ కోసం S-మోడ్ వంటి రైడింగ్ మోడ్‌లు ఉన్నాయి.