Ather Konarc Launched: తక్కువ ధరలో ఎక్కువ రేంజ్.. మెటల్ బాడీ, స్మార్ట్ ఫీచర్లతో కొత్త ఎలక్ట్రిక్ స్కూటర్

Ather Konarc Launched: ప్రముఖ ఎలక్ట్రిక్ ద్విచక్ర వాహన తయారీ సంస్థ ఏథర్ ఎనర్జీ తన కొత్త ఏథర్ కోనార్క్ ఎలక్ట్రిక్ స్కూటర్‌ను మార్కెట్లోకి తీసుకొచ్చింది. కంపెనీకి చెందిన కొత్త EL ప్లాట్‌ఫామ్‌పై రూపొందించిన తొలి స్కూటర్ ఇదే. మెటల్ బాడీతో పాటు స్మార్ట్ రిమోట్ కీ, Airwalk వంటి పలు అధునాతన ఫీచర్లను ఇందులో అందించారు. కోనార్క్‌ను కంపెనీ మొత్తం ఆరు వేరియంట్లలో పరిచయం చేసింది. ఇందులో S-Lineలో నాలుగు వేరియంట్లు, Z-Lineలో రెండు వేరియంట్లు ఉంటాయి. అయితే ప్రస్తుతం అన్ని వేరియంట్లు అందుబాటులో లేవు. తొలిదశలో మూడు వేరియంట్లను మాత్రమే అందుబాటులోకి తీసుకువస్తున్నారు.

రూ.99,999 నుంచి ప్రారంభ ధర

ఏథర్ కోనార్క్ ఎక్స్-షోరూమ్ ధర రూ.99,999 నుంచి ప్రారంభమవుతుంది. S-Lineలో 100 కిలోమీటర్ల రేంజ్ వేరియంట్ ధర రూ.99,999గా ఉంది. 125 కిలోమీటర్ల రేంజ్ వేరియంట్ ధర రూ.1,21,999 కాగా, 161 కిలోమీటర్ల రేంజ్ వేరియంట్ ధర రూ.1,44,999గా నిర్ణయించారు. మిగిలిన మూడు వేరియంట్ల ధరలను కంపెనీ ఇంకా వెల్లడించలేదు. S-Line వేరియంట్ డెలివరీలు సెప్టెంబర్ 21 నుంచి ప్రారంభం కానున్నాయి.

200 కిలోమీటర్ల రేంజ్

ఏథర్ కోనార్క్ S-Line మొత్తం నాలుగు రేంజ్ ఆప్షన్లలో లభిస్తుంది. బేస్ వేరియంట్ 100 కిలోమీటర్ల రేంజ్ అందిస్తుంది. 125 కిలోమీటర్లు, 161 కిలోమీటర్ల రేంజ్ వేరియంట్ల డెలివరీలు సెప్టెంబర్‌లో ప్రారంభం కానున్నాయి. ఇక, 200 కిలోమీటర్ల రేంజ్ అందించే వేరియంట్ వచ్చే ఏడాది మూడో త్రైమాసికంలో మార్కెట్లోకి రానుంది. Z-Series 2027 రెండో త్రైమాసికంలో అందుబాటులోకి రానుంది. 100 కిలోమీటర్ల వేరియంట్ డెలివరీలు వచ్చే ఏడాది తొలి త్రైమాసికంలో ప్రారంభమవుతాయని కంపెనీ తెలిపింది.

మెటల్ బాడీ.. స్మార్ట్ ఫీచర్లు

కోనార్క్ ఏథర్ నుంచి మెటల్ బాడీతో వస్తున్న తొలి స్కూటర్ కావడం విశేషం. ఇందులో స్మార్ట్ రిమోట్ కీతో పాటు Airwalk ఫీచర్‌ను అందించారు. ఈ ఫీచర్ సహాయంతో స్కూటర్‌ను ముందుకు, వెనక్కి సులభంగా కదిలించుకోవచ్చు. S-Line వేరియంట్ 200 కిలోమీటర్ల వరకు రేంజ్, గంటకు 70 కిలోమీటర్ల గరిష్ట వేగాన్ని అందిస్తుంది. ఈ వేరియంట్ నాలుగు రంగుల్లో లభిస్తుంది. మరోవైపు Z-Line వేరియంట్ IDC ప్రకారం 161 కిలోమీటర్ల రేంజ్ అందిస్తుంది. దీని గరిష్ట వేగం గంటకు 80 కిలోమీటర్లు కాగా, ఐదు రంగుల ఆప్షన్లలో అందుబాటులో ఉంటుంది.

ఏథర్ కోనార్క్ ప్రత్యేకతలు

కొత్త EL ప్లాట్‌ఫామ్, మెటల్ బాడీ, స్మార్ట్ రిమోట్ కీ, Airwalk వంటి ఫీచర్లతో కోనార్క్‌ను రూపొందించినట్లు కంపెనీ తెలిపింది. రూ.1 లక్షలోపే ప్రారంభమయ్యే ధరతో పాటు భవిష్యత్తులో 200 కిలోమీటర్ల రేంజ్ వేరియంట్ కూడా అందుబాటులోకి రానుండటంతో ఈ స్కూటర్ ఎలక్ట్రిక్ స్కూటర్ మార్కెట్లో పోటీని పెంచే అవకాశం ఉంది.