ఏపీకి జరిగిన అన్యాయం… అవి రెండూ ముద్దాయిలే

ఏపీకి జరిగిన అన్యాయంపై అంతా గొంతెత్తుతున్నారు. ఏపీ విభజన విషయంలో కాంగ్రెస్, బీజేపీ ఇద్దరూ ముద్దాయిలే అన్నారు వైసీపీ ఎమ్మెల్యే మల్లాది విష్ణు. కాంగ్రెస్ పార్టీ సరిగా చేయలేదని ప్రధాని అనడం తప్పించుకోవడానికి చేసిన కామెంట్లు. జరిగిన తప్పు మాది కాదంటే మాది కాదని ఒకరిపై ఒకరు నెపం నెట్టుకునే ప్రయత్నం చేశారు.

https://ntvtelugu.com/apcc-working-president-tulasireddy-slams-on-modi-comments/

బీజేపీ సమర్ధించకుంటే ఏపీ విభజన జరిగేదే కాదన్నారు మల్లాది విష్ణు. విభజన చట్టాన్ని అమలు చేయడం లేదు.. ప్రత్యేక హోదా ఇవ్వడం లేదు. ప్రత్యేక హోదా గురించి తిరుపతిలో ప్రధాని చేసిన వాగ్దానం గంగలో కలిసింది. సీఎం జగన్.. వైసీపీ పదే పదే ప్రత్యేక హోదా ఇవ్వాలని డిమాండ్ చేస్తూనే ఉన్నాం. ప్రత్యేక హోదా ఇవ్వమంటే ముగిసిన అధ్యాయమని బీజేపీ కామెంట్ చేస్తోంది.

విభజనకు సహకరించిన చిన్నమ్మను కూడా గుర్తు పెట్టుకోండి నాటి బీజేపీ అగ్ర నేత సుష్మా స్వరాజ్ చేసిన కామెంట్ అర్థమేంటీ..?ఇప్పుడు రాజ్యసభ వేదికగా వేరే పార్టీకి నెట్టేసే ప్రయత్నం చేయడం సరికాదు.ఏపీకి న్యాయం చేస్తానన్న హామీలను బీజేపీ అధికారంలోకి వచ్చాక పెడచెవిన పెట్టింది. ఏపీ ప్రజలకు మేలు జరిగేలా కేంద్రం నిర్ణయాలు తీసుకోవాలని ఆయన డిమాండ్ చేశారు.