Betting App Hoardings: విశాఖలో బెట్టింగ్ యాప్స్ హోర్డింగ్స్ కలకలం..

Betting App Hoardings: విశాఖపట్నంలో బెట్టింగ్ యాప్స్ హోర్డింగ్స్ కలకలం రేపుతున్నాయి. నగరంలో పలు చోట్ల పుట్టగొడుగుల్లా బెట్టింగ్ యాప్స్ హోర్డింగ్స్ వెలిశాయి. ఎక్కడకక్కడ భారీ హోర్డింగ్స్ ఏర్పాటు చేసి బెట్టింగ్ యాప్ ప్రమోషన్స్ జోరుగా చేస్తున్నారు. కేంద్ర, రాష్ట్ర ప్రభుత్వాలు ఓ వైపు బెట్టింగ్ యాప్స్ పై కొరడా ఝలిపిస్తుంటే.. విశాఖపట్నంలో మాత్రం ఇందుకు భిన్నంగా జోరుగా ప్రచారం జరుగుతుంది.

Read Also: IMD Warning: ఉత్తర భారత్‌కు హీట్‌వేవ్ వార్నింగ్.. 3 రోజులు జాగ్రత్తగా ఉండాలని సూచన

ఇక, 1XBET, ZUPLAY పేరుతో విశాఖలో భారీగా హోర్డింగ్స్ పెట్టారు. బెట్టింగ్ యాప్స్ హోర్డింగ్స్ పెట్టడంపై నగర ప్రజలు ఆగ్రహం వ్యక్తం చేస్తున్నారు. గ్రేటర్ విశాఖ మున్సిపల్ కార్పొరేషన్ (జీవీఎంసీ) తీరుపై తీవ్రంగా మండిపడుతున్నారు. ఈ ఘటనను విశాఖ పోలీస్ కమిషనర్ శంఖ భ్రత బాగ్చి దృష్టికి నగర వాసులు తీసుకెళ్లగా.. దీనిని జిల్లా కలెక్టర్ దృష్టికి తీసుకు పోతామని ఆయన హామీ ఇచ్చారు.