Vangaveeti Radha: టీడీపీ నేత, మాజీ ఎమ్మెల్యే వంగవీటి రాధాకృష్ణ అస్వస్థతకు గురయ్యారు. బుధవారం రోజు అర్థరాత్రి అస్వస్థతకు గురుకావడంతో వెంటనే ఆస్పత్రికి తరలించారు కుటుంబ సభ్యులు.. స్వల్ప గుండెపోటు రావడంతో ఆస్పత్రిలో చేరినట్టుగా చెబుతున్నారు.. అయితే, గ్యాస్ నొప్పి వల్ల ఆసుపత్రిలో చేరినట్టుగా పేర్కొన్నారు రాధా సన్నిహితులు.. ఇక, 48 గంటల పాటు అబ్జర్వేషన్ లో ఉండాలని, ప్రస్తుతానికి ఇబ్బంది లేదని వైద్యులు చెప్పినట్టుగా రాధా సన్నిహితులు తెలిపారు.. వంగవీటి అభిమానులు ఎవరూ ఆందోళన చెందాల్సిన అవసరం లేదంటున్నారు.. మరోవైపు వంగవీటి రాధా అస్వస్థకు గురికాడం.. ఆస్పత్రిలో చేరడంతో ఆయన ఆరోగ్య పరిస్థితిపై ఆరా తీస్తున్నారట కూటమి నేతలు.. కాగా, సార్వత్రిక ఎన్నికల్లో టీడీపీ, జనసేన, బీజేపీ కూటమి అభ్యర్థుల గెలుపుకోసం రాష్ట్రవ్యాప్తంగా విస్తృతంగా ప్రచారం నిర్వహించారు వంగవీటి రాధా.. ఈ సారి ఎన్నికలో బరి దిగుతారు.. ఫలానా నియోజకవర్గం నుంచి పోటీ చేస్తారంటూ ప్రచారం జరిగినా.. పోటీకి దూరంగా ఉన్న వంగవీటి రాధా.. కూటమి అభ్యర్థుల గెలుపు కోసం కృషి చేసిన విషయం విదితమే..
Read Also: Justin Trudeau: వీగిపోయిన కెనడా ప్రధాని అవిశ్వాస తీర్మానం.. ఊపిరి పీల్చుకున్న ట్రూడో