Tirumala Garuda Seva: రేపే గరుడ సేవ.. తిరుమలకు వెళ్లే భక్తులకు అలర్ట్.. ఘాట్ రోడ్డులో ఆంక్షలు
- Follow Us :
-
-
Add as a preferred
source on google
Tirumala Garuda Seva: తిరుమలలో శ్రీవారి వార్షిక బ్రహ్మోత్సవాలు ఘనంగా సాగుతున్నాయి.. నేడు నాలుగో రోజులో భాగంగా ఉదయం 8 గంటలకు కల్పవృక్ష వాహనంపై శ్రీదేవి, భూదేవి సమేత మలయప్పస్వామి భక్తులకు దర్శనం ఇవ్వనున్నారు. రాత్రి 7 గంటలకు సర్వభూపాల వాహనంపై స్వామివారు భక్తులకు దర్శనమివ్వనున్నారు.. ఇక, వార్షిక బ్రహ్మోత్సవాల్లో భాగంగా రేపు గరుడ వాహన సేవ నిర్వహించనున్నారు.. అయితే, గరుడ సేవకు ముందు తిరుమలలో భక్తుల రద్దీ మరింత పెరిగే అవకాశం ఉండటంతో భద్రత, ట్రాఫిక్ నిర్వహణపై పోలీసులు ప్రత్యేక దృష్టి సారించారు. భక్తుల భద్రతతో పాటు వాహనదారులకు ఇబ్బందులు తలెత్తకుండా ముందస్తు చర్యలు చేపట్టినట్లు అధికారులు తెలిపారు. తిరుమల శ్రీవారి వార్షిక బ్రహ్మోత్సవాల్లో కీలకమైన గరుడ సేవను పురస్కరించుకుని తిరుపతి జిల్లాలో పోలీసులు భారీ భద్రతా ఏర్పాట్లు చేస్తున్నారు. లక్షలాది మంది భక్తులు తిరుమలకు తరలివచ్చే అవకాశం ఉండటంతో భక్తుల భద్రత, ట్రాఫిక్ నియంత్రణకు ప్రత్యేక చర్యలు చేపట్టినట్లు తిరుపతి ఎస్పీ సుబ్బరాయుడు తెలిపారు. భక్తులు, వాహనదారులు పోలీసుల సూచనలు, ట్రాఫిక్ మళ్లింపులను తప్పనిసరిగా పాటించాలని ఆయన విజ్ఞప్తి చేశారు.
ప్రత్యేక పార్కింగ్ ఏర్పాట్లు
తిరుపతికి వచ్చే భక్తుల వాహనాల కోసం ప్రత్యేక పార్కింగ్ ప్రాంతాలను ఏర్పాటు చేశారు. ద్విచక్ర వాహనాల కోసం బాలాజీ లింక్ బస్టాండ్, నెహ్రూ మున్సిపల్ గ్రౌండ్, ఎస్వీ మెడికల్ కాలేజీ గ్రౌండ్, ఇస్కాన్ గ్రౌండ్లలో పార్కింగ్ సదుపాయం కల్పించారు. అదేవిధంగా ఫోర్ వీలర్ వాహనాలకు భారతీయ విద్యాభవన్, అలిపిరి లింక్ బస్టాండ్, ఎస్వీ మెడికల్ కాలేజీ, ఎస్వీ ఇంజినీరింగ్ కాలేజీ గ్రౌండ్లలో పార్కింగ్ సదుపాయాలు ఏర్పాటు చేశారు. పార్కింగ్ ప్రాంతాల నుంచి తిరుమలకు వెళ్లే భక్తుల కోసం ఆర్టీసీ బస్సులను ప్రత్యేకంగా అందుబాటులో ఉంచనున్నారు.
Also Read
- TTD Alert: తిరుమల భక్తులకు అలర్ట్.. అంతవరకు సిఫార్సు లేఖల దర్శనం బంద్..!
- Tirumala: అంగరంగ వైభవంగా ముగిసిన శ్రీవారి నవరాత్రి బ్రహ్మోత్సవాలు..!
- Tirumala Laddu Ghee Case: కల్తీ నెయ్యి వ్యవహారంలో కీలక పరిణామం.. భారీగా ఆస్తులు అటాచ్ చేసిన ఈడీ
- Tirumala: శ్రీవారి భక్తులకు అలర్ట్.. కాసేపట్లో రూ.300 దర్శనం టికెట్లు విడుదల..
బస్సులకు ప్రత్యేక ట్రాఫిక్ మళ్లింపులు
గరుడ సేవ సందర్భంగా వివిధ ప్రాంతాల నుంచి తిరుపతికి వచ్చే బస్సుల రాకపోకలకు కూడా ప్రత్యేక ట్రాఫిక్ మళ్లింపులు అమలు చేయనున్నారు. చిత్తూరు–మదనపల్లె, చెన్నై–పుత్తూరు, కడప–శ్రీకాళహస్తి మార్గాల నుంచి వచ్చే బస్సులకు పరిస్థితులకు అనుగుణంగా ప్రత్యేక ట్రాఫిక్ మళ్లింపులు ఉంటాయని పోలీసులు తెలిపారు. భక్తులు ప్రైవేటు వాహనాల్లో రావడం కంటే ఆర్టీసీ, టీటీడీ వాహనాలను వినియోగించాలని పోలీసులు సూచించారు. భారీ రద్దీ నేపథ్యంలో ప్రజలు సహకరించాలని, ట్రాఫిక్ నిబంధనలు పాటించి పోలీసులకు సహకరించాలని ఎస్పీ సుబ్బరాయుడు కోరారు.
ఘాట్ రోడ్డులో ద్విచక్ర వాహనాల నిలిపివేత
మరోవైపు తిరుమల ఘాట్ రోడ్డులో ద్విచక్ర వాహనాల రాకపోకలపై పోలీసులు కీలక ఆంక్షలు విధించారు. ఇవాళ రాత్రి 9 గంటల నుంచి ఎల్లుండి ఉదయం 6 గంటల వరకు ఘాట్ రోడ్డులో ద్విచక్ర వాహనాలను నిలిపివేస్తున్నట్లు ఎస్పీ సుబ్బరాయుడు వెల్లడించారు. భక్తులు ఈ ఆంక్షలను దృష్టిలో ఉంచుకుని తమ ప్రయాణాలను ప్లాన్ చేసుకోవాలని సూచించారు.
తాజావార్తలు
-
Jasprit Bumrah Record: టెస్టుల్లో మరో అరుదైన ఘనత.. టాప్-10లోకి జస్ప్రీత్ బుమ్రా!
-
Can Beer Damage Your Kidneys: బీర్ తాగితే కిడ్నీలకు ఏం కాదనుకుంటున్నారా? తాజా అధ్యయనంలో షాకింగ్ నిజాలు..
-
Hyderabad: అండాల దందా.. ఓయాసిస్ ఫెర్టిలిటీ సెంటర్ల రిమాండ్ రిపోర్టులో విస్తుపోయే నిజాలు..
-
India Slams Pakistan Army: సహజ వనరులను పాక్ సైన్యం దోచుకుంటోంది.. పాకిస్థాన్కు భారత్ స్ట్రాంగ్ కౌంటర్..!
-
GTA 5 to GTA 6: GTA 5 నుంచి GTA 6 వరకు.. 13 ఏళ్లలో భారత్లో వచ్చిన మార్పులపై పీఎం మోడీ పోస్ట్!
ట్రెండింగ్
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!