RTC Bus: బస్సులు రోడ్డుపై వెళ్తుంటాయి.. అదుపుతప్పి ప్రమాదాలకు గురైన సందర్భాలు ఎన్నో ఉంటాయి.. కొన్ని ప్రమాదాల్లో.. పెద్ద సంఖ్యలో ప్రయాణికులు మృత్యువాత పడిన సందర్భాలు లేకపోలేదు.. మరికొన్ని సార్లు డ్రైవర్ల అప్రమత్తతో పెను ప్రమాదాలు తప్పాయి.. ఇక, కొన్ని అనుకోని ఘటనలు కూడా జరుగుతూనే ఉంటాయి.. ఇవాళ విజయవాడలో అదుపుతప్పి హోటల్లోకి దూసుకెళ్లింది తెలంగాణ ఆర్టీసీ బస్సు.. సత్తుపల్లి ఆర్టీసీ డిపోకు చెందిన బస్సు.. సత్తుపల్లి నుంచి విజయవాడ వెళ్తుంది.. అయితే, విజయవాడ బంగ్లా దగ్గర బ్రేక్ ఫెయిల్ కావడంతో స్వర్ణ ప్యాలెస్ హోటల్లోకి దూసుకెళ్లింది. గోడ అడ్డుగా ఉండటంతో ప్రమాదం తప్పింది. ఈ ఘటనలో ముగ్గురు ప్రయాణికులకు గాయలయ్యాయి. బాధితులను ఆస్పత్రికి తరలించారు. బ్రేక్ ఫెయిల్ కావడంతోనే ఈ ప్రమాదం జరిగిందని చెబుతున్నారు.. అయితే, ఈ ఘటనతో స్వర్ణ ప్యాలెస్ దగ్గర భారీగా ట్రాఫిక్ జామ్ అయ్యింది.. సమాచారం అందుకున్న పోలీసులు, ఘటనా స్థలానికి చేరుకుని ట్రాఫిక్ను క్లియర్ చేశారు..
Read Also: Revanth Reddy: తెలంగాణకు అన్యాయం జరిగింది.. బీజేపీ, బీఆర్ఎస్ ఇద్దరూ దోషులే
