Ram Gopal Varma: కాపులకు RIP.. కమ్మోళ్లకు కంగ్రాట్స్..!!

Ram Gopal Varma: టీడీపీ అధినేత చంద్రబాబు, జనసేన అధినేత పవన్ కళ్యాణ్ భేటీ కావడంపై ప్రముఖ దర్శకుడు రాంగోపాల్ వర్మ తనదైన రీతిలో సెటైర్లు వేశాడు. ముఖ్యంగా పవన్ కళ్యాణ్‌ను ఉద్దేశించి విమర్శలు గుప్పించాడు. కేవలం డబ్బులు కోసం పవన్ తన సొంత కాపులను కమ్మోళ్లకు అమ్మేస్తాడని అస్సలు ఊహించలేదని వర్మ అన్నాడు. దీంతో ‘RIP కాపులు , కంగ్రాట్యులేషన్స్ కమ్మోళ్లు’ అంటూ సోషల్ మీడియాలో వర్మ ట్వీట్ చేశాడు. అయితే వర్మ ట్వీట్‌పై జనసేన కార్యకర్తలు, పవన్ అభిమానులు మండిపడుతున్నారు.

అయితే ఆర్జీటీ చేసిన ట్వీట్ పట్ల టీడీపీ నేత బుద్ధా వెంకన్న కౌంటర్ ఇచ్చారు. ‘కామంతో కాళ్ళు నాకావ్ అనుకున్నా, కానీ పేటీఎం డబ్బుల కోసం ఏమైనా నాకుతావని ఊహించలేదు.. RIP RGV, కంగ్రాట్స్ జగన్ రెడ్డి’ అంటూ చురకలు అంటించారు. ఇటీవల అషూరెడ్డి కాళ్లు నాకుతూ వర్మ కొన్ని ఫోటోలను సోషల్ మీడియాలో పోస్ట్ చేయగా వైరల్ అయ్యాయి. ఈ అంశంతో పాటు తాజాగా వర్మ చేసిన ట్వీట్‌ను జత చేసి టీడీపీ నేత బుద్ధా వెంకన్న తనదైన శైలిలో స్పందించారు. కాగా పవన్ అన్నా.. టీడీపీ అన్నా వర్మకు ఈమధ్య అసలు పడటం లేదు. గత ఎన్నికల సమయంలో టీడీపీకి వ్యతిరేకంగా లక్ష్మీస్ ఎన్టీఆర్ అనే సినిమాను తీసి వర్మ వార్తల్లో నిలిచాడు. అంతేకాకుండా పవన్ మీద కూడా ఓ పేరడీ సినిమాను తీశాడు. అయితే ఆయా సినిమాలు బాక్సాఫీస్ వద్ద బొక్కాబోర్లా పడ్డాయి. అయితే కొన్నాళ్ల క్రితం పవన్ వద్దకు చంద్రబాబు వెళ్లినప్పుడు స్పందించని వర్మ.. ఇప్పుడు చంద్రబాబు దగ్గరకు పవన్ వెళ్తే ప్యాకేజీ తీసుకున్నాడని ఆరోపించడం వైసీపీ నేతలు, వర్మ లాంటి పిచ్చోళ్లకు మాత్రమే చెల్లిందని జనసేన కార్యకర్తలు కౌంటర్లు ఇస్తున్నారు.