Jr NTR vs TDP MLA Audio: జూనియర్ ఎన్టీఆర్పై టీడీపీ ఎమ్మెల్యే బూతు పురాణం

Jr NTR vs MLA Prasad Audio: జూనియర్ ఎన్టీఆర్ పై అనంతపురం అర్బన్ ఎమ్మెల్యే దగ్గుబాటి ప్రసాద్ చేసిన వివాదాస్పద వ్యాఖ్యలు సోషల్ మీడియాలో ఆడియో వైరల్ అవుతుంది. వార్-2 సినిమా రిలీజ్ సందర్భంగా ఎమ్మెల్యే దగ్గుబాటి ప్రసాద్.. తెలుగు యువత నేత గుత్త ధనుంజయ నాయుడు మధ్య జరిగిన సంభాషణ వెలుగులోకి వచ్చింది. అనుమతులతో సినిమా ఆడిస్తున్నారా లేదా అని అతడ్ని ఎమ్మెల్యే ప్రశ్నించారు. నేను అనంతపురం ఎమ్మెల్యే.. సినిమా ఆడదంటూ చేసిన వ్యాఖ్యలు నెట్టింట ఒక్కసారిగా ట్రెండింగ్ లోకి వచ్చింది.

Read Also: Mass Maharaja : రవితేజ.. శివ నిర్వాణ.. మైత్రి మూవీస్

తాజాగా, ఈ ఆడియోపై అనంతపురం అర్బన్ ఎమ్మెల్యే దగ్గుబాటి ప్రసాద్ మాట్లాడుతూ.. ఆ ఆడియో కాల్స్ నావి కాదు.. రాజకీయ కుట్రలో భాగంగానే ఇలా ప్రచారం చేస్తున్నారు.. గత 16 నెలలుగా అర్బన్ నియోజకవర్గంలో నాపై కుట్రలు జరుగుతుంది.. నేను మొదటి నుంచి నందమూరి కుటుంబానికి అభిమానిని.. బాలకృష్ణ, ఎన్టీఆర్ సినిమాలంటే ఇష్టంగా చూసేవాడిని.. కానీ, నేను జూనియర్ ఎన్టీఆర్ ను దూషిస్తున్నట్టుగా ఆడియో కాల్స్ సృష్టించారు.. ఈ ఆడియో కాల్స్ ఓ బోగస్.. ఇందులో ఎలాంటి నిజాలు లేవు అన్నారు. కాగా, దీనిపై జిల్లా ఎస్పీకి ఫిర్యాదు చేశానని ఎమ్మెల్యే తెలిపారు. ఈ అంశంపై కచ్చితంగా పోలీసులు విచారణ చేసి చర్యలు తీసుకుంటారు.. ఈ ఆడియో కాల్స్ వల్ల జూనియర్ ఎన్టీఆర్ అభిమానులు మనసును నచ్చుకొని ఉంటే.. నా వైపు నుంచి క్షమాపణ చెబుతున్నాను.. నా ప్రమేయం లేకున్నప్పటికీ ఇందులో నా పేరు ప్రస్తావించారు కాబట్టి.. ఈ క్షమాపణలు చెబుతున్నాను.. నారా, నందమూరి కుటుంబాలకు నేను ఎప్పటికీ విధేయుడునే అని ఎమ్మెల్యే దగ్గుబాటి ప్రసాద్ వెల్లడించారు.