భారీ వర్షాలతో టీటీడీకి 4 కోట్ల నష్టం…

తిరుపతిలో భారీ వర్షాలు కురుస్తున్న విషయం తెలిసిందే. దాంతో టీటీడీ దర్శనాలు నిలిపివేసింది. అయితే ఈ వర్షాలతో టీటీడీ కి 4 కోట్లకు పైగా నష్టం వచ్చింది అని చైర్మన్ వైవీ సుబ్బారెడ్డి ప్రకటించారు. మొదటి ఘాట్ రోడ్డులో ఐదు ప్రాంతాలలో కోండ చరియలు విరిగిపడ్డాయి. రెండవ ఘాట్ రోడ్డులో 13 ప్రాంతంలో కొండచరియలు విరిగిపడగా…ఐదు ప్రాంతాలలో రక్షణ గోడ దెబ్బతింది అని అన్నారు. అలాగే నారాయణగిరి అతిథి గృహం వద్ద కోండచరియలు విరిగిపడడంతో మూడు గదులు ధ్వంసం అయ్యాయి అని తెలిపారు. శ్రీవారి మెట్టు మార్గంలో కొత్త ప్రాంతం రోడ్డు, మెట్ల మార్గం దెబ్బతింది. కపిలతీర్దంలో మండపం దెబ్బతినడంతో మరమత్తు పనులుకు 70 లక్షలు వ్యయం అవుతుందని అంచనా వేస్తున్నట్లు టీటీడీ చైర్మన్ చెప్పారు.