Andhra Pradesh: సీఎం, డిప్యూటీ సీఎం, లోకేష్‌కి మహిళ విజ్ఞప్తి.. మీరే దిక్కు.. లేకుంటే..!

Andhra Pradesh: తమ దృష్టికి ఏ సమస్య వచ్చినా.. వెంటనే పరిష్కరించే దిశగా చర్యలు తీసుకుంటున్నారు ఏపీ డిప్యూటీ సీఎం పవన్‌ కల్యాణ్‌.. మంత్రి నారా లోకేష్‌.. తమను కలిసి సమస్యలు చెప్పినా.. సోషల్‌ మీడియా ద్వారా విజ్ఞప్తి చేసినా.. ఆ సమస్యలను ఇట్టే పరిష్కరిస్తున్నారు.. ఇప్పుడు అంబేద్కర్ కోనసీమ జిల్లాకు చెందిన ఓ బ్రాహ్మణ మహిళా.. ముఖ్యమంత్రి చంద్రబాబు నాయుడు, డిప్యూటీ సీఎం పవన్‌ కల్యాణ్‌.. మంత్రి నారా లోకేష్‌కు విజ్ఞప్తి చేస్తూ ఓ వీడియో విడుదల చేశారు.. సీఎం, డిప్యూటీ సీఎం, మంత్రి నారా లోకేష్.. నాకు మీరే దిక్కు.. లేకుంటే మరణమే శరణ్యం అంటున్నారు ఆ మహిళ..

Read Also: MrBachchan; MrBachchan: విడుదలకు ముందే స్పెషల్ ప్రీమియర్స్ తో సందడి చేయనున్న బచ్చన్

కొత్తపేట మండలం మందపల్లి గ్రామానికి చెందిన మహిళ.. ఒంటరి మహిళ అని చూడకుండా స్థానిక నాయకులు విచక్షణ రహితంగా ప్రవర్తిస్తున్నారని ఆవేదన వ్యక్తం చేశారు.. ఒంటరి మహిళలను టార్గెట్ చేస్తూ వారికి ఉన్న ఆస్తుపాస్తులపై కన్నేస్తున్న చోటా నాయకులు స్థానికంగా ఉన్నారని.. ఇద్దరు ఆడపిల్లలతో జీవనం కొనసాగిస్తున్న నన్ను.. చిత్ర హింసలకు గురి చేస్తున్నారని పేర్కొన్నారు. గత కొన్నాళ్ల కిందట చిన్న అమ్మాయిపై అఘాయిత్యానికి పాల్పడిన నాయకులు.. మళ్లీ నా కుటుంబాన్ని వేధింపులకు గురిస్తున్నారు.. ఫోక్సో కేసులో రాజీకి రమ్మని ఇబ్బంది పెడుతున్నట్లు బాధిత మహిళ ఆవేదన వ్యక్తం చేశారు.. నాకు, నా కుటుంబానికి ఆ నాయకుల నుండి ప్రాణహాని ఉందన్న ఆమె.. నాకు నేనుగా చనిపోవడం తప్ప వేరే మార్గం లేదు అంటూ కన్నీరుమున్నీరవుతున్నారు.. నాకు నా కుటుంబానికి.. రాష్ట్ర ముఖ్యమంత్రి చంద్రబాబు నాయుడు న్యాయం చేస్తారని ఎదురుచూస్తున్నాను అంటూ ఓ వీడియో విడుదల చేశారు బాధిత బ్రాహ్మణ మహిళ..