వామ్మో.. రీల్స్ పిచ్చి ముదిరి పాకాన పడింది. ఇప్పటి దాకా రైళ్లు, విమానాశ్రాయాల్లోనే రీల్స్ చేయడం చూశాం. ఇప్పుడిది.. ఏకంగా విమానాన్ని ఆక్రమించింది. సోషల్ మీడియా వ్యామోహంలో పడిన కొందరు హద్దులు మీరి ప్రవర్తిస్తున్నారు. ఫేమస్ కోసం ఏ స్థలాన్ని వదిలిపెట్టడం లేదు. తాజాగా ఇండిగో విమానంలో ఓ మహిళ డ్యాన్స్ చేసి సోషల్ మీడియాలో పోస్టు చేసింది. నెట్టింట వైరల్ కావడంతో వీక్షకులు తీవ్రంగా మండిపడుతున్నారు.
ఇండిగో విమానం ప్రయాణికులతో ఫుల్ రష్‌గా ఉంది. ఎవరి బిజీలో వారు ఉన్నారు. ఇంతలో సల్మా షేక్ అనే మహిళ.. నల్ల చీర కట్టుకుని స్టెప్‌లు వేయడం మొదలు పెట్టింది. ఏఆర్.రహ్మాన్ సంగీతంలోని ఎస్పీ బాలసుబ్రహ్మణ్యం ఆలపించిన స్టైల్.. స్టైల్ అనే పాటకు నృత్యం చేసింది. దీన్ని చూసిన ప్యాసింజర్స్ ఒక్కసారిగా షాక్ అయ్యారు.
వీడియోను ఇన్‌స్ట్రాగామ్‌లో పోస్టు చేయగా.. 1.6 మిలియన్లకు పైగా వీక్షించారు. అయితే వీడియోను చూసిన వారంతా మిశ్రమంగా స్పందించారు. కొందరైతే తీవ్రంగా మండిపడ్డారు. ఇదేమైనా నీ ఇల్లు అనుకుంటున్నావా? అంటూ ఆగ్రహం వ్యక్తం చేశారు. ఇంకొందరు విమానం ఏమైనా నీ సొంతది అనుకుంటున్నావా? అంటూ మండిపడ్డారు. మరికొందరు ఎమర్జెన్సీ డోర్ నుంచి తోసేయండి అని వ్యాఖ్యానించారు. ఇలాంటి వారి పట్ల చర్యలు తీసుకోవాలని అధికారులను నెటిజన్లు కొరుతున్నారు.