Viral: సెకండ్ హ్యాండ్‌లో సైకిల్ కొన్న నాన్న.. మురిసిపోయిన కుమారుడు..!

ఇంట్లో కొత్తగా ఏదైనా కొన్నారంటే ముందుగా మురిసిపోయేది చిన్నారులే.. సైకిల్‌, బైక్‌, టీవీ, కారు, బంగ్లా.. ఇలా ఎవరి స్థాయిలో వారు కొనుగోలు చేయొచ్చు.. దానిని ఆస్వాధించేది మాత్రం పిల్లలే.. ఇక, మారం చేసి నాకు అది కావాలంటూ పట్టుబట్టి ఇప్పించేవరకు విడవని పిల్లలు కూడా ఉన్నారు. అయితే, ఓ చిన్నోడు మాత్రం ఇప్పుడు సోషల్‌ మీడియాలో రచ్చ చేస్తున్నాడు.. ఎందుకంటే.. వాళ్ల నాన్న సెకండ్‌ హ్యాండ్‌లో సైకిల్‌ కొన్నాడు.. ఇక, సైకిల్‌కు ఓ దండ వేసి పూజ చేస్తున్నాడు.. ఇది చూసిన అతడి కుమారుడి ఆనందానికి అవదులే లేవు.. ఆనందంతో తెగ గెత్తేస్తున్నాడు.. ఇప్పుడు ఆ వీడియో సోషల్‌ మీడియాలో రచ్చ చేస్తోంది..

Read Also: KCR: దేశంలో సెన్సేషన్ జరగాలి…. జరుగుతుంది… మీరే చూస్తారు

సదరు వీడియోను తన సోషల్‌ మీడియా హ్యాండిల్‌లో పోస్టు చేశారు ఐఏఎస్‌ ఆఫీసర్‌ అవనీశ్‌ శరణ్‌.. ఆ వీడియోలో తండ్రి సెకండ్ హ్యాండ్‌లో కొనుగోలు చేసిన సైకిల్‌కు పూజ చేస్తున్నాడు.. తండ్రికి ఎదురుగా ఉన్న అతడి కుమారుడు చ‌ప్పట్లు కొడుతూ ఆనందంగా గంతులేస్తున్నాడు.. ఆనందానికి అవ‌ధులే లేకుండా తెగ సంబరపడిపోతున్నాడు.. ఇక, తన కుమారుడి ఆనందాన్ని చూసి.. ఆ తండ్రి కూడా మురిసిపోతున్నాడు.. ఇద్దరూ కలిసి ఆ సైకిల్‌కి దండం కూడా పెట్టుకున్నారు.. “ఇది కేవలం సెకండ్ హ్యాండ్ సైకిల్.. వారి ముఖాల్లో ఆనందం చూడండి.. వారు కొత్త మెర్సిడెస్ బెంజ్‌ను కొనుగోలు చేసినంత సంతోష‌ప‌డుతున్నారు.’అని కామెంట్‌ రాస్తూ.. ట్విట్టర్‌లో ఆ వీడియోను షేర్‌ చేశారు అవనీశ్‌ శరణ్‌.. ఇక, ఆ వీడియోకు నెటిజన్లు ఫిదా అయిపోతున్నారు.. వ్యూస్‌, రీ ట్వీట్స్, కామెంట్లు ఇలా ఆ వీడియో సోషల్‌ మీడియాలో వైరల్‌గా మారిపోయింది..

It’s just a second-hand bicycle. Look at the joy on their faces. Their expression says, they have bought a New Mercedes Benz.❤️ pic.twitter.com/e6PUVjLLZW

— Awanish Sharan 🇮🇳 (@AwanishSharan) May 21, 2022