Humanoid Robot : కత్తి దాడినే అడ్డుకుంది.. చైనా రోబో విన్యాసాలు చూస్తే మైండ్ బ్లాక్

సాంకేతిక రంగంలో రోజురోజుకూ అద్భుతాలు సృష్టిస్తున్న చైనాకు చెందిన ప్రముఖ ‘యూనిట్రీ రోబోటిక్స్’ (Unitree Robotics) సంస్థ మరో సరికొత్త హ్యూమనాయిడ్ రోబోను ప్రపంచానికి పరిచయం చేసింది. ‘యూనిట్రీ హెచ్2-ఎక్స్ కుంగ్ ఫూ లెజెండ్ గార్డియన్’ (H2-X Kung Fu Legend Guardian) పేరుతో రూపొందించిన ఈ అత్యాధునిక రోబోకు సంబంధించిన డెమో వీడియో ప్రస్తుతం సోషల్ మీడియాలో విపరీతంగా వైరల్ అవుతోంది. ఈ వీడియోలో రోబో చేస్తున్న విన్సెంట్లు చూస్తుంటే హాలీవుడ్ సైన్స్ ఫిక్షన్ సినిమాలను తలపిస్తున్నాయి.

అత్యంత శక్తివంతమైన విన్సెంట్లు.. అవాక్కవుతున్న నెటిజన్లు

యూనిట్రీ సంస్థ విడుదల చేసిన ఈ ప్రమోషనల్ వీడియోలో రోబో చేసిన విన్సెంట్లు అందరినీ ఆశ్చర్యానికి గురిచేస్తున్నాయి. కారు తలుపులను తన్ని బద్దలుకొట్టడం, దాదాపు 4 మీటర్ల ఎత్తు నుంచి ఎలాంటి నష్టం జరగకుండా కిందకు దూకడం, కత్తితో దాడికి వస్తున్న వ్యక్తిని నిరాయుధుడిని చేయడం, అంతేకాకుండా ప్రమాదంలో చిక్కుకున్న వ్యక్తిని కాపాడేందుకు కారును పైకి ఎత్తడం వంటి సాహసోపేతమైన విన్సెంట్లను ఈ రోబో అవలీలగా చేసి చూపింది. “శక్తివంతమైన పనితీరుతో మీకు రక్షణగా నిలిచేందుకు యూనిట్రీ హెచ్2-ఎక్స్ సిద్ధమైంది. దీని బ్యాటరీ స్టాండ్‌బై సామర్థ్యం దాదాపు 8 గంటలు ఉంటుంది. దయచేసి రోబోను సురక్షితమైన రీతిలో ఉపయోగించండి” అంటూ కంపెనీ ఈ వీడియోను షేర్ చేసింది.

స్పష్టతనివ్వని కంపెనీ.. ధరపై అంచనాలు

ప్రస్తుతం ఈ వీడియోకు సోషల్ మీడియాలో సుమారు 10 మిలియన్లకు పైగా వ్యూస్ రావడం విశేషం. అయితే, ఈ వీడియోలో రోబో చేసిన విన్సెంట్లన్నీ పూర్తిగా ఆటోమేనస్‌గా (స్వయంప్రతిపత్తితో) జరిగాయా? లేదా రిమోట్ కంట్రోల్ ద్వారా ఆపరేట్ చేశారా? అనే దానిపై యూనిట్రీ సంస్థ ఎలాంటి అధికారిక స్పష్టత ఇవ్వలేదు. అలాగే రెస్క్యూ లేదా పోరాట సమయాల్లో బ్యాటరీ పనితీరు ఎలా ఉంటుంది, దీని అసలు ధర ఎంత, మార్కెట్‌లోకి ఎప్పుడు విడుదల చేస్తారనే వివరాలను కూడా కంపెనీ వెల్లడించలేదు. కాగా, ప్రస్తుతం మార్కెట్లో అందుబాటులో ఉన్న యూనిట్రీ హెచ్2 (H2) మోడల్ ప్రారంభ ధర సుమారు 29,900 అమెరికన్ డాలర్లుగా ఉంది.

వైరల్ వీడియోపై భిన్నాభిప్రాయాలు

ఈ వీడియోను చూసిన నెటిజన్లు రకరకాలుగా స్పందిస్తున్నారు. రోబోల కదలికలు మనుషులను తలపించేలా మరింత వేగంగా, అద్భుతంగా మారుతున్నాయని కొందరు ప్రశంసిస్తుంటే.. మరికొందరు ఆశ్చర్యం వ్యక్తం చేస్తూ “ఇది నిజం కాకపోతే బాగుండు, కేదలం కల అయితే బాగుండను” అని కామెంట్ చేశారు. మరోవైపు, రోబోలకు హింసాత్మక విన్సెంట్లు నేర్పడంపై కొందరు ఆందోళన వ్యక్తం చేశారు. పేదల కోసం ఇళ్లు కట్టడం, వేర్‌హౌస్‌లలో సాధారణ పనులు చేయడం వంటి ఎన్నో ఉపయోగకరమైన పనులు ఉండగా, రోబోలను హింసాత్మక పనుల కోసం ఎందుకు శిక్షణ ఇస్తున్నారంటూ కొందరు నెటిజన్లు తమ అభిప్రాయాలను వ్యక్తపరిచారు.